Efɛsitɔnŋ kiri 5:8 - Jɔ Biibili ki

⁸ Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Efɛsitɔnŋ kiri 5:8 ပူးပေါင်းရင်းမြစ်များ

Matiyu 3:8

Á bi shɔɔrinŋ ni ma, nwɔ̀ri ra ǹʼji tu ábɛɛ ntɔri bi áwɔ bijɛ kiri ra. Á fa ǹʼsunu tu ábɛɛ Aburahamu daŋ ni i, tu niŋ a ábɛɛ mwu kì dɛ! Míŋ a ǹʼbi ábɛɛ tɛ, ńʼtu nupobi ki ji i, ńʼtu Kirinŋ a so kwɔ kari ji-i Aburahamu daŋ ni i.

Matiyu 4:16

Koŋ wɔ̀ri sɔɔ wuru mancinŋ ki ru, manisarinŋ sinaŋ po-i nini tɛ, kíbɛɛ wɔ̀ri wuru beŋ kɛniŋ kiri ru mancinŋ ki ru, manisarinŋ po-i kí tɛ. »

Luki 1:79

nwɔma, nwɔ̀ri sɔɔ mancinŋ ki fa beŋ ki jɛŋ kɛmi ki ru, nini i maannaja. Ŋì i yi ŋununapwulu bo ɲaanfɛfili saa fan. »

Luki 16:8

Yesu tu nafulutiŋ ki niŋ nama-i waarinŋ wɔ̀ ru, ntiŋ i ka koŋ daalintiŋ ka tɔjii bi awɔ kɛrɛbi bi mamaan ki bira. Yesu tu sɛbɛ : « Sɛli ki ra, nwɔ̀ri ɲaniŋ i po-a ka juniɲa ka tɛ, nini i arìmaŋ faninmwuŋ bi kiri ma-a kɛrɛbi wu, ŋì i fwuu manisarinŋ nu tɔnŋ kiri sun. »

Yuhana 1:9

Niŋ manisarinŋ ki wuru manisarinŋ sɛlɛsɛli yɛrima ki i, nwɔ̀ namaan ki juniɲa nu, ŋì sarinŋ po-i konaŋ bataa tɛ.

Yuhana 12:35

Yesu i kí rupwulu tu : « Manisarinŋ ki i faa-ra waaci pyaanŋ ma ábɛɛ faninmwuŋ. Niŋ na, á tiri ki tan manisarinŋ ki tɛ, nwɔma mancinŋ ki fa na á pa á gbɛsun kì. Sabu konwɔtiŋ i tiri ki tan-a mancinŋ ki ru, nintiŋ a tamaŋ tɔ-a kì.

Yuhana 12:36

Manisarinŋ ki i faa ábɛɛ faninmwuŋ, á bili ǹʼna, nwɔma á i ji manisarinŋ ki daŋ ni i. » Yesu niŋ wulu kiri bi kɔ-i kí tɛ waarinŋ wɔ̀ ru, ntiŋ i a san niŋ mani nu, ntiŋ i ta a radu konaŋ ki sun.

Yuhana 12:46

Míŋ, manisarinŋ ki, míŋ na-i juniɲa nu, nwɔma tu koŋ finŋ woo finŋ bili míŋ na tu nintiŋ fa tu mancinŋ nu kili kì.

Yuhana 8:12

Niŋ kɔɔtɛ, Yesu i wulubi konaŋ ki tɛ tu : « Mínki i juniɲa ki wɔ manisarinŋ ki i. Konwɔtiŋ ǹʼpa míŋ cɛfan, nintiŋ a tiri mancinŋ nu kì, nka ntiŋ a ɲaninkulutɔnbi manisarinŋ ki kila. »

Mabikiri 17:30

Niŋ kɔɔtɛ, Pooli tu : « Konaŋ kiri niŋ bi kulinŋ kiri wɔ̀ri ma-i kabi fɔlɔfɔlɔ, waarinŋ wɔ̀ ru kí wuru Kirinŋ tɔ-a kì, ŋì niŋ bi kiri bataa tu-i nmaŋ. Dɔnsaŋ, ŋì i kí bataa dɔri-ra mani bataa ru, tu kí ntɔri bi arɔɔ bijɛ kiri ru, kí i na afinŋ tɛ.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Ɔrɔmutɔnŋ kiri 1:21

Sabu kí Kirinŋ tɔ-i, nka niŋ fa a fɔn na, kí arì tu kí i ǹʼgbɛ miŋ tu Kirinŋ i kì, kí fani baraka bi ǹʼtɛ kì. Kí ciiru ɲakili kwuu kiri kí fɔni-i, mancinŋ ki i a la kí ciiru ɲakili kiri sun.

Ɔrɔmutɔnŋ kiri 13:12

Cii ki ta-i jɛŋ, si ki i juu-ra sari kɔ. Niŋ ki ra, yi mancinŋ ki mabi kiri san yi ra, yi i manisarinŋ ki wɔ kari tanfinŋ kiri bo yi sun.

Ɔrɔmutɔnŋ kiri 2:19

Miŋ ɲaanna tu miŋ ɲaanfwuu kiri bali patɔnŋ ki i, nʼtu ŋi i ji manisarinŋ i mancinŋ nu tɔnŋ kiri tɛ,

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (2) 3:18

Ka juulinŋ ka la yi finŋ woo finŋ ɲaanna kili kì, yi i Ŋuntiŋ nɔɔri ki sarinŋ ki ja-a miŋ tu yɛrɛfɛri ru, niŋ ki ra, yi i rapwulu ji-a Ŋuntiŋ ki sali, yi nɔɔri ki i gbɛ ta-ri jibi woo jibi. Ŋuntiŋ ki ɲini ki i baara ma-a.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Korɛntitɔnŋ kiri (2) 6:14

Koŋ wɔ̀ri bili Yesu ra kì, á fa nini fa dɛbɛ arɔɔ bi kulinŋ mabi kiri sun kì. Telibi ki fa telibalibi ki a so fu-i dɔɔkunŋ? Ɲaan tɔri tɛ, manisarinŋ ki fa mancinŋ ki so-a dɛbɛ-i dɔɔkunŋ?

Galasitɔnŋ kiri 5:25

Ɲiniwɔlinŋ ki ɲaninkulutɔnbi ki wɔri-i yibɛɛ tɛ, niŋ na, yi tiri kɛɲɛ ǹʼdintɛ bi ki wu.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 4:18

Kí ciiru ɲakili kiri mini-i, Kirinŋ i ɲaninkulutɔnbi ŋunaŋ wɔ̀ wɔri-ra, kí arì po san-i niŋ nu arɔɔ bitɔbalibi ki fa arɔɔ tɔɔnnufurubi ki baraka ra.

Efɛsitɔnŋ kiri 5:2

Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Efɛsitɔnŋ kiri 6:12

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Kɔlɔsitɔnŋ kiri 1:12

Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu.

Kɔlɔsitɔnŋ kiri 1:13

Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru.

Tite 3:3

Sabu fɔlɔfɔlɔ yibɛɛ yɛrima kiri wuru ɲakili bali li i, niŋ fa Kirinŋ wulu pabali li i, yi i ji koŋ fɔnimaan ni i. Yibɛɛ wuru firi ki dintɛ bi jɛ kiri fa ɲaannabyɛ kwuru ki bataa wɔ joŋ ni i, yi i ji wuru koŋ juumaan ni fa koŋ ɲaannajuutɔnŋ ni i. Yibɛɛ bikwɔ wuru konaŋ kiri sun, yibɛɛ yɛrima kiri i yi yɛri bikwɔ-ri yimaŋ sun sɛbɛ.

Yuhana (1) 1:7

Nka, a yibɛɛ ji tiri-ra manisarinŋ nu, miŋ tu Kirinŋ yɛrima ki i manisarinŋ nu ɲaan wɔ̀ tɛ, niŋ i ǹʼji-a tu yibɛɛ yimaŋ fan. A niŋ ma, Yesu, ninwɔ̀ i Kirinŋ Danshuru ki i, niŋ cunŋ ki a yibɔɔ bijɛ kiri bataa wu san yi ra.