Efɛsitɔnŋ kiri 5:5 - Jɔ Biibili ki

⁵ Á ka tɔ á i ǹʼfɔɔ, tu nankulinŋ kiri fa koŋ nɔɔmaan kiri fa koŋ fyikatiŋ kiri dantenŋ wɔ lu Kirisa fa Kirinŋ wɔ Masabi ki ru kì, kí i miŋ tu pɛli tantiiri.

Efɛsitɔnŋ kiri 5:5 ပူးပေါင်းရင်းမြစ်များ

Mabikiri 20:32

Dɔnsaŋ, míŋ i ábɛɛ biye-a Kirinŋ sun, niŋ fa míŋ ǹʼwɔ shɔɔrinŋ wɔ̀ wulu bi-i ábɛɛ tɛ. Ninki a so baraka wɔri-i ábɛɛ tɛ, á i ta jɛŋ bilinabi ki ru, niŋ fa ŋì a tɔnŋ wɔri-i finŋ woo finŋ bira awɔ kiri tɛ, niŋ i ji áwɔ.

Mabikiri 8:21

Mɔɔn lu ka kafinŋ ka ru kì, miŋ yɛri fa ǹʼkakan kì, sabu miŋ ciiru ki fɔɔmaan i Kirinŋ ɲaanfɛ kì.

Galasitɔnŋ kiri 5:19

Firi ki mabi kiri tɔ-i, nini i kari i : nankulunbi, nɔɔkɔnɔbi, ɲaankwunŋ pabalibi,

Galasitɔnŋ kiri 5:21

ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.

Efɛsitɔnŋ kiri 5:3

Nankulunbi ki fa nɔɔkɔnɔbi kwuru ki bataa fa fyikatinbi ki dantenŋ tɔ fa nama ábɛɛ faninmwuŋ kì, nini fu Kirinŋ wɔ wɔlinŋ kiri kanfɛ kì.

Kɔlɔsitɔnŋ kiri 1:13

Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru.

Kɔlɔsitɔnŋ kiri 3:5

Finŋ woo finŋ i ábɔɔ ɲaninkulutɔnbi ki ru, nwɔ̀ i ka pwɔkulinŋ ka sun bi ri i, á niŋ bataa tɔnbo, miŋ tu nankulunbi, nɔɔkɔnɔbi, ciirujuubi, fyikatinbi, ninwɔ̀ fa pɛli tanmaanna i tenŋ i.

Timote (1) 6:10

Sabu wari sɔli ki i bijɛ kwuru ki bataa kanaŋ i. Ǹʼbɛɛ ri arì bo-i ǹʼcɛfan, fɔ kí i arì yɛri fɔni, kí i po san bilinabi saa ki sun pewu, kí i bɔni mwɔɔnna so arì yɛri kiri sun.

Timote (1) 6:17

Ǹʼbi furu ka juniɲa ka ru nafulutiŋ kiri tɛ, tu kí fa arì yɛri ragbɛ kì. Tu kí fa arì gbɛ bili nafulu kɔ wɔ ki sun kì. Nka tu kí arì gbɛ bili Kirinŋ sun, ninwɔ̀ i finŋ bataa wɔri-ra yibɛɛ tɛ, ŋì i fwuu yi ɲakilila wɔ ki sun, nwɔma yi i ǹʼjiisan.

Iburu kiri 13:4

Á bataa fwuru ki gbɛ, fwurushi ki tɔri tenŋ fa ǹʼyaba ki nɔɔ fyewu kì, sabu Kirinŋ a na kiti ki kwuru nankulinŋ kiri fa kakaali kiri sun.

Jafinŋ ki 21:8

Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »

Jafinŋ ki 22:15

Nka, kwuu kiri, fa baatɔnŋ kiri, fa nankulinŋ kiri, fa koŋ kilɛntɔnŋ kiri, fa pɛli tantɔnŋ kiri, fa purubitɔnŋ kiri, fa puru ki di-i koŋ finŋ woo finŋ tɛ, nini bataa ra tu taanna.