Efɛsitɔnŋ kiri 5:4 - Jɔ Biibili ki

⁴ Ábɔɔ wulu kulinŋ bi ki fa áwɔ myɛɛnbi wulu bi ki fa áwɔ janfarawulu sunfurumaan ki shɔ sɛbɛ kì dɛ! Finŋ wɔ̀ fu-i, niŋ i ábɔɔ baraka birama ki i Kirinŋ tɛ.

Efɛsitɔnŋ kiri 5:4 ပူးပေါင်းရင်းမြစ်များ

Maraka 7:22

fa nankulunbi ki fa fyikatinbi ki fa ɲaannajuubi ki fa juubi ki fa namarinŋ ki fa tɛnbi ki fa kiilinŋ ki fa ɲakili balibi ki sun.

Yuhana 6:23

Ŋuntiŋ Yesu baraka bi wuru Kirinŋ tɛ bwuru ki bira mani wɔ̀ ru, ntiŋ i ǹʼwɔri konaŋ ki tɛ, buŋ tɔri ri i po yiri Tibɛriyadi, yìrì i na tu niŋ mani ki tɔntɛ.

Ɔrɔmutɔnŋ kiri 1:28

Kí ǹʼceeli arì i Kirinŋ tɔ kì, niŋ ki ra, Kirinŋ i kí tu arɔɔ ɲakilila jɛ kiri wu, fɔ kí i mabali bi kiri ma-ni.

Korɛntitɔnŋ kiri (2) 1:11

ábɛɛ yɛrima kiri tumaŋ shi-i niŋ nu áwɔ Kirinŋ nafɛ ki baraka ra. Niŋ ɲaan ki tɛ, Kirinŋ a shɔɔrinŋ wɔ̀ ma yibɛɛ tɛ koŋ mwɔɔnna wɔ Kirinŋ nafɛ kiri baraka ra, niŋ a ji sababu koŋ mwɔɔnna i baraka bi Kirinŋ tɛ yibɛɛ bira.

Korɛntitɔnŋ kiri (2) 9:15

Yi baraka bi Kirinŋ tɛ awɔ kafinŋ shɔɔrinŋ ki bira, ninwɔ̀ bishi nmaŋ kì!

Efɛsitɔnŋ kiri 1:16

Niŋ ki ra, míŋ i coolinŋ wɔri-ra Kirinŋ tɛ ábɛɛ bira, ŋí i ǹʼnafɛ-ri á tɛ waarinŋ bataa ru.

Efɛsitɔnŋ kiri 4:29

Wulu kulinŋ fa po ábɛɛ tɔnŋ na kì, nka á wulu shɔɔrinŋ bi, nwɔ̀ a ye koŋ tɔri ki tɛ, ntiŋ i ta jɛŋ Kirinŋ wɔ saa ki fan. Á wulu fumaan ni bi-ri, nwɔ̀ri a shɔɔrinŋ ma arì ramatɔnŋ kiri tɛ.

Filipitɔnŋ kiri 4:6

Á fa á gbɛɛratɛɛ finŋ tɔri tenŋ bira kì, nka finŋ woo finŋ bi i ábɛɛ ra, á niŋ bataa ceeli Kirinŋ gbɛ. Á baraka bi ǹʼtɛ, finŋ woo finŋ bi i ábɛɛ ra, á i niŋ nafɛ ǹʼgbɛ.

Kɔlɔsitɔnŋ kiri 3:8

Nka dɔnsaŋ, á niŋ bi kiri bataa tɔnbo, miŋ tu fyintibi ki fa tɔnkwulu ki, niŋ fa juubi ki fa kiilinŋ kiri fa ɲaankwun pabali wulu wɔ̀ri i po-a ábɛɛ daru.

Tesalonikitɔnŋ kiri (1) 3:9

Yibɛɛ ciirudibi wɔ̀ kila-i ábɛɛ bira, yibɛɛ ǹʼtɔ tu yi a niŋ coolinŋ ki wɔri Kirinŋ tɛ ɲaan wɔ̀ tɛ kì.

Tesalonikitɔnŋ kiri (1) 5:18

Á baraka bi-ri Kirinŋ tɛ bi bataa ra, sabu ninki i Kirinŋ dintɛ bi ki i ábɛɛ gbɛ, ábɛɛ wɔ̀ri bili-i Yesu Kirisa ra.

Filimɔn 1:8

Niŋ ki ra, ŋì i kɛɲɛ yibɔɔ tenbi ki wu Yesu Kirisa baraka ra, hali míŋ ji-a so miŋ karaba-i ńʼtu miŋ bi ma,

Iburu kiri 13:15

Niŋ ki ra, yi yɔɔ Kirinŋ gbɛmaanna ki wɔri saraka Kirinŋ tɛ waarinŋ bataa ru Kirisa baraka ra, niŋ kɔri ki i tu, yi Kirinŋ tɔ ki gbɛ, yi i baraka bi-ri ǹʼtɛ yi tɔnŋ kiri ra waarinŋ bataa ru.

Pyɛɛri (2) 2:18

Wulu sinaŋ sinaŋ fa wulu gbansanŋ bi ki di-i kí tɛ. Nwɔ̀ri i faa po san-a koŋ fɔnimaan kiri gbɛfɛ, kí i nini sunnɛɛn-na firi dintɛ bi jɛ kiri wu.

Pyɛɛri (2) 2:7

Nka, mìŋ waaci tenŋ ki ru, Kirinŋ Lɔti mwu-i, sabu niŋ wuru koŋ telimaan a, ntiŋ cɔɔrimaan wuru-i niŋ kili kiri ra tɔnŋ kiri wɔ nankulunbi jɛ sarisari ki bira.

Yodasi 1:10

Ka koŋ kari i finŋ wɔ̀ri ki-a, kí yìrì tɔ-a kì. Kí i arɔɔ bi kiri ma-a arì ŋununtɛ miŋ tu juunfinŋ ni, ninki i kí bo-ri arì haliki bi ki sun.

Yodasi 1:13

Kí i arì ɲaankwunbi kiri ma-a koŋ bataa ɲaanna, miŋ tu wɛɛlufinju sun jukwululuŋ kiri i arì ru ju kankanŋ nɔɔmaan ki kee-ra tankpiŋ ki sun ɲaan wɔ̀ tɛ. Kí i miŋ tu sɔriniŋ cɛnmaan deera ri. Kirinŋ wɔ mancinŋ bilibili ki bo-i kí jɛŋ, kí a ta tu nwɔ̀ ru waarinŋ bataa ru.