Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efɛsitɔnŋ kiri 5:3 - Jɔ Biibili ki

3 Nankulunbi ki fa nɔɔkɔnɔbi kwuru ki bataa fa fyikatinbi ki dantenŋ tɔ fa nama ábɛɛ faninmwuŋ kì, nini fu Kirinŋ wɔ wɔlinŋ kiri kanfɛ kì.

အခန်းကိုကြည့်ပါ။ ကော်ပီ




Efɛsitɔnŋ kiri 5:3
58 ပူးပေါင်းရင်းမြစ်များ  

Sabu, ɲakilila jɛ wɔ̀ri i koŋ po bo-a koŋ kilɛn ki sun, niŋ fa nankulunbi ki sun, fa kakaalibi ki sun, niŋ fa kwunbi ki sun, niŋ fa puru bi ki fa puru yemaanna ki wu koŋ wu, niŋ fa kiilinŋ tan ki sun, nini bataa i yiri-ra koŋ cii ki ru.


Niŋ bataa kɔɔtɛ, Yesu i ǹʼbi konaŋ ki tɛ : « Á á yɛri paka shɔ! Á fa ji nafulu bi ki ru koŋ fyikatiŋ ni i kì. Konanmini wɔ nafulu ki mwɔ woo mwɔ, ŋì so-a ɲaninkulutɔnbi shɔɔrinŋ wɔri-i ntiŋ tɛ kì dɛ! »


Jalinŋ ki bidi wɔ̀ tan-i Farinsiyɛnŋ kiri tɛ, nini Yesu wɔ wulu kari rama-i waarinŋ wɔ̀ ru, kí i yɛtan bo-ri ntiŋ sun.


Nka yi sɛbɛ tan wɔri ta kí tɛ, yi i ǹʼbi kí tɛ tu kí fa pɛlilashɛn taa kí i arì yɛri nɔɔ kì. Kí i nankulunbi ki tu nmaŋ. Finŋ fɔɔn-ɔ finŋ wɔ̀ yɛ sun, ŋì i kilɛn, tu kí fa niŋ shɛn walima niŋ cunŋ nu kì.


Míŋ ɲaninpo koŋ tɔri tenŋ wɔ warifɔ walima sɛniŋ walima juulinŋ tɛ kì.


Kí ciiru kiri faa-a telibalibi kwuru ki bataa ra. Kí i bi kulinŋ ma-a, kí i ji koŋ juumaan fyikatiŋ ni i, kí ɲaanna i juu-u. Koŋ kilɛn ki di-i kí tɛ, niŋ fa kari ki, fa daalinŋ ki. Kí sɔŋ i juu-u, kí i puru ye-ri arìmaŋ wu.


nwɔma ábɛɛ i nmari paka shɔ Ŋuntiŋ ki tɔ ki bira, miŋ tu Kirinŋ wɔ konanbi ki i pa-a ɲaan wɔ̀ tɛ. A finŋ woo finŋ bi tu nmari ra, á ye nmari tɛ, nmari i so niŋ kila-i, sabu nmari yɛri ki ye-i tindaŋ mwɔɔnna tɛ, hali nmari ye-i míŋ yɛrima ki tɛ.


Á fa á firi ki mani dantenŋ tu bijɛ ki gbɛ, ŋì i niŋ ji telibalibi baara mafinŋ i kì. Nka, á á yɛri wɔri Kirinŋ tɛ, sabu ábɛɛ beeni wuru-i, nka dɔnsaŋ, ábɛɛ ɲaninkulutɔnbi ŋunaŋ kila-i. Niŋ na, á á firi ki bataa ji telibi ki wɔ baara mafinŋ i Kirinŋ tɛ.


Yi fa yi yɛri ji nankulinŋ ni i, miŋ tu ǹʼbɛɛ ri arì yɛri ji wuru ɲaan wɔ̀ tɛ kì, fɔ ŋì i ji sababu kí ru koŋ waa kɔniŋ fa byaŋ (23.000) i beeni sunŋ tenŋ.


Yibɛɛ i ǹʼnama de-a mani mwɔɔnna nu, tu nankulunbi ki ma-a ábɛɛ kanfɛ, nwɔ̀ bishi yɛri ma-a shiya tɔri kiri kanfɛ kì, tu ábɛɛ ru, tu ǹʼbɛɛ a jitiŋ wɔ mari shi ji awɔ.


Ábɛɛ i ǹʼbi-a tu : « Nufinŋ ki po cii ki bira, tu cii ki i po nufinŋ ki bira. » Nka Kirinŋ a na yìrì fɔn fuuli ki haliki. Konanmini firi ki po nankulunbi mamaanna tɛ kì. Firi ki i Ŋuntiŋ ki wɔ, Ŋuntiŋ ki i ji firi ki wɔ.


Niŋ ki ra, á bili nankulunbi ki jɛŋ! Konanmini i bijɛ tɔri finŋ woo finŋ ma-a, niŋ bataa i tu-a ntiŋ firi ki kɔɔsun, nka konwɔtiŋ i nankulunbi ki ma-a, nintiŋ i a firi ki yɛkɛ shi-a.


Míŋ i kɛni-na, ńʼtu míŋ na ta ábɛɛ tɛ, ńʼtu míŋ a ta ɲaankwun Kirinŋ ɲaanfɛ sɛbɛ ábɛɛ bira. Koŋ mwɔɔnna wɔ̀ri bijɛ ma-i kɔ, a kí ji ntɔri bi niŋ bijɛ kiri ra kì, kí i arɔɔ bi nɔɔmaan kiri fa nankulunbi ki fa arɔɔ bijɛ kwuru ki bataa tɔnbo kì, ńʼtu míŋ a ta ɲaannaju po nini bira sɛbɛ.


Sabu niŋ koŋ kiri i bi wɔ̀ri ma-a radu ru, hali niŋ bi kiri rakali ki i ɲaankwunŋ i.


Á ka tɔ á i ǹʼfɔɔ, tu nankulinŋ kiri fa koŋ nɔɔmaan kiri fa koŋ fyikatiŋ kiri dantenŋ wɔ lu Kirisa fa Kirinŋ wɔ Masabi ki ru kì, kí i miŋ tu pɛli tantiiri.


A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.


Finŋ woo finŋ i ábɔɔ ɲaninkulutɔnbi ki ru, nwɔ̀ i ka pwɔkulinŋ ka sun bi ri i, á niŋ bataa tɔnbo, miŋ tu nankulunbi, nɔɔkɔnɔbi, ciirujuubi, fyikatinbi, ninwɔ̀ fa pɛli tanmaanna i tenŋ i.


Kirinŋ dintɛ bi ki i tu ábɛɛ á yɛri bo afɔɔn bo ru, á fa nankulunbi ma kì.


Sabu, Kirinŋ yibɛɛ dɔri tu yi ji koŋ nɔɔmaan ni i kì, nka ŋì yibɛɛ dɔri-i, tu yi ji wɔlinŋ ni i.


Nka tu kí arì sunye mabi shɔɔrinŋ ni wu. Mari wɔ̀ri i ǹʼbi-a tu arìbɛɛ kɛni-na Kirinŋ jɛŋ, nini mabi kiri i niŋ ɲaan ki tɛ.


Ntiŋ fa ji lɔrutɛfɛ walima koŋ fyintiŋ i kì, ntiŋ fa ji kari ceelitɔnŋ i kì, fɔ ntiŋ ji koŋ tɔnsunfilimaan a. Ntiŋ fa ji wari sɔlitiŋ i kì.


Sabu wari sɔli ki i bijɛ kwuru ki bataa kanaŋ i. Ǹʼbɛɛ ri arì bo-i ǹʼcɛfan, fɔ kí i arì yɛri fɔni, kí i po san bilinabi saa ki sun pewu, kí i bɔni mwɔɔnna so arì yɛri kiri sun.


Konaŋ ki a na ji amaŋ ɲaannajuutɔnŋ i, kɔ́ɔ́ jalinŋ bi ki i juuka jitan, kí i ji yɛrijitɔnŋ ni fa yɛriragbɛtɔnŋ ni i. Kí a na ji Kirinŋ tɔ litiiri fa jifinŋ wulu lamabali daŋ ni i, niŋ fa shɔɔrinŋ tɔbali li fa Kirinŋ jɛŋ kɛnibali li i.


Kí tɔnŋ kiri kakan-i yìrì i rala, sabu kí kaniŋ kiri bɛɛ ri bataa ŋununli-i kalinŋ ni wu, nwɔ̀ri kakan yìrì i tan kì. Kí i niŋ bataa ma-a jalinŋ cɛfan.


Sɛli ki ra, egilisi jɛntɔnŋ ki kakan-i ntiŋ i ji koŋ pɔlibali i, sabu ntiŋ i Kirinŋ wɔ konanbi ki ɲaannasuutɔnŋ ki i. Ntiŋ fa ji koŋ nagbɛmaan a walima tɔnŋ sinantiŋ i kì, walima lɔrutɛfɛ fɛ kì. Ntiŋ fa ji kari ceelitɔnŋ i kì, ntiŋ fa tɔnɔ ceeli-li namarinŋ sun kì.


Ŋi i ǹʼbi mari cɛɛnni kiri tɛ mìŋ ɲaan tenŋ ki tɛ, tu kí tiri kɛɲɛ fɔɔbi ki wu. Kí fa ji koŋ tɔ litiiri i kì, walima lɔrutɛfɛ ri i kì. Tu kí ji racinwulu shɔɔrinŋ bitɔnŋ ni i,


Á á yɛri paka shɔ, nankulinŋ walima Kirinŋ wɔ finŋ shɔɔrinŋ kiri rufyɛtɔnŋ fa kila á faninmwuŋ, miŋ tu Insawu kì, ninwɔ̀ awɔ bwuubi ki rucini-i waarinŋ tenŋ nu nufinŋ na.


Kirinŋ saa kwuru wɔ̀ri biye-i ábɛɛ gbɛsun, á yìrì neeka shɔ, á i á ɲakili tu yìrì ra. Á fa niŋ ji á yɛri sun faan i kì, nka á niŋ ma á yɛri dintɛ cɔ tɛ. Á fa niŋ ji jalinŋ ceeli saa i kì, nka á ǹʼji á yɛri ra cinŋ i.


Niŋ koŋ wɔ̀ri i arì firi kiri dintɛ bi jɛ kiri ma-a, kí i bi nɔɔmaan kiri ma-ni, kí i kirinpɔlila ŋununtinbi kiri rufyɛ-ri, kiti ki a na juu nini na. Ka kalimɔɔ purubitɔnŋ kari i arì yɛri ragbɛ-a, kí i wulu sinaŋ sinaŋ ni bi-ri, fɔ kí i Kirinŋ wɔ finŋ nɔɔritiŋ pomaan kiri ki-ri.


Nankulunbi ma ɲaninaŋ kiri i kí gbɛ. Kí pyii-ra bijɛ ma ki ra kì. Nwɔ̀ri baraka rakuru-i, kí i nini fɔni-na. Nafulu ki a kila ɲaan woo ɲaan tɛ, ninki i kí tɔnnabi ki i. Kí danka-i.


Niŋ kalimɔɔ purubitɔnŋ kiri wɔ wari bi juuka jɛ ki a na ncusun kí i ábɛɛ ji jɔɔfinŋ ni i, arɔɔ koŋ sunnɛɛn wulu kiri wu. Kiti ki fɛɛn-ɛ kí sun fɔ waaci ŋmani nu kɔ, kí haliki bi ki i kí kpɛli-la.


Nka, mɔɔn bi wɔ̀ri fu míŋ sun kì, nini i kaa : koŋ bɛɛ ri i ábɛɛ ru, nwɔ̀ri ji-i Balaamu wɔ kalinŋ ki tɛ. Ninwɔ̀ Balaki kali-i, niŋ i ji sababu, Isirayɛlidaŋ kiri i bijɛ ma, kí i pɛlilashɛn ni taa-ri, kí i nankulunbi ma-ni.


Míŋ waaci tu-i nmari tɛ, nwɔma nmari i ntɔri bi awɔ bijɛ kiri ra. Nka, nmari ǹʼtɛ a i nankulunbi ki tɔnbo kì.


Nka kɛnintɔnŋ kiri fa bilinabali kiri fa bijɛmatɔnŋ kiri fa koŋ kilɛntɔnŋ kiri fa nankulinŋ kiri fa baatɔnŋ kiri fa pɛli tantɔnŋ kiri fa purubitɔnŋ kiri bataa, nini wɔ lu ki a ji kukuta sinaŋ tuutiŋ ki fa kiribitiŋ ki i, ninwɔ̀ i beŋ fuluntɔnŋ ki i. »


Nka, kwuu kiri, fa baatɔnŋ kiri, fa nankulinŋ kiri, fa koŋ kilɛntɔnŋ kiri, fa pɛli tantɔnŋ kiri, fa purubitɔnŋ kiri, fa puru ki di-i koŋ finŋ woo finŋ tɛ, nini bataa ra tu taanna.


Niŋ koŋ kiri arɔɔ koŋ kilɛn ki fa arɔɔ baabi ki fa arɔɔ nankulunbi ki fa arɔɔ kwunbi ki tɔnbo kì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ