a ábɛɛ ji manjamaŋ kiri ru, tu mari kiri arì gbansan, sabu kí kakan kí i wulubi niŋ mani nu kì. Kí kakan-i kí i arì yɛri sunjɛri miŋ tu Kirinŋ wɔ sariya sɛbɛ ki i ǹʼbi-a ɲaan wɔ̀ tɛ.
Ábɛɛ joŋ kiri, ŋununtiŋ wɔ̀ri i ábɛɛ ra ka juniɲa ka ru kwumaŋ, á nini wulu pa, á i baara ki ma kí tɛ kɛmi fa gbɛbi fa ciirufɔɔbi wu, miŋ tu ábɛɛ ra ji ǹʼma-a Kirisa yɛri ki tɛ.
Tu kí ji mari sɔbɛ ri i, kí i so-ri arì yɛri rasɔɔ. Kí cɛrukɔlimaan i ji-i arɔɔ kaniŋ sun baara kiri ra, kí i ji koŋ sunmakwulupatɔnŋ ni i, kí i arì sunjɛri-ri arì shinŋ kiri tɛ. A niŋ ma, Kirinŋ wɔ wulu ki tɔ a li kì.