Efɛsitɔnŋ kiri 5:20 - Jɔ Biibili ki

²⁰ Á coolinŋ wɔri Tiŋ Kirinŋ tɛ waarinŋ bataa ru, finŋ bataa bira yibɛɛ Ŋuntiŋ Yesu Kirisa tɔ ra.

Efɛsitɔnŋ kiri 5:20 ပူးပေါင်းရင်းမြစ်များ

Yuhana 15:16

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Ɔrɔmutɔnŋ kiri 1:8

Míŋ a ǹʼtɔnpa, ŋí i coolinŋ wɔri ńʼwɔ Kirinŋ ki tɛ Yesu Kirisa baraka ra ábɛɛ bataa bira, sabu ábɔɔ bilinabi ki wulu ki i bi-a juniɲa mani ki bataa ru.

Korɛntitɔnŋ kiri (1) 1:4

Míŋ i coolinŋ wɔri-ra ńʼwɔ Kirinŋ ki tɛ waaci bataa ru, awɔ shɔɔrinŋ mamaan ki bira ábɛɛ tɛ Yesu Kirisa gbɛ.

Korɛntitɔnŋ kiri (1) 15:24

Niŋ fwuudemaan ki kɔɔtɛ, waaci rakɔɔra ki ra so. Kirisa a na ɲinijɛ kiri fa arɔɔ ŋununtinbi ki bataa wɔ so ki bataa kɔ, niŋ fa faantiŋ kiri wɔ faan ki bataa, ŋì i kila, ŋì i masabi ki wɔri Tiŋ Kirinŋ tɛ.

Efɛsitɔnŋ kiri 5:4

Ábɔɔ wulu kulinŋ bi ki fa áwɔ myɛɛnbi wulu bi ki fa áwɔ janfarawulu sunfurumaan ki shɔ sɛbɛ kì dɛ! Finŋ wɔ̀ fu-i, niŋ i ábɔɔ baraka birama ki i Kirinŋ tɛ.

Filipitɔnŋ kiri 1:3

A míŋ ɲakilila bo ábɛɛ bi tɛ waarinŋ woo waarinŋ, míŋ i coolinŋ wɔri-ra ńʼwɔ Kirinŋ ki tɛ.

Filipitɔnŋ kiri 4:6

Á fa á gbɛɛratɛɛ finŋ tɔri tenŋ bira kì, nka finŋ woo finŋ bi i ábɛɛ ra, á niŋ bataa ceeli Kirinŋ gbɛ. Á baraka bi ǹʼtɛ, finŋ woo finŋ bi i ábɛɛ ra, á i niŋ nafɛ ǹʼgbɛ.

Kɔlɔsitɔnŋ kiri 3:17

Ábɛɛ ji bi finŋ woo finŋ ma-a, walima wulu finŋ woo finŋ bi-a, á niŋ bataa ma Yesu Kirisa tɔ ki bira, á i baraka bi Tiŋ Kirinŋ tɛ ntiŋ tɔ ra.

Tesalonikitɔnŋ kiri (1) 3:9

Yibɛɛ ciirudibi wɔ̀ kila-i ábɛɛ bira, yibɛɛ ǹʼtɔ tu yi a niŋ coolinŋ ki wɔri Kirinŋ tɛ ɲaan wɔ̀ tɛ kì.

Tesalonikitɔnŋ kiri (1) 5:18

Á baraka bi-ri Kirinŋ tɛ bi bataa ra, sabu ninki i Kirinŋ dintɛ bi ki i ábɛɛ gbɛ, ábɛɛ wɔ̀ri bili-i Yesu Kirisa ra.

Tesalonikitɔnŋ kiri (2) 1:3

Ńʼtindaŋ ni, yibɛɛ i coolinŋ wɔri-ra Kirinŋ tɛ waarinŋ bataa ru ábɛɛ bira. Sɛli ki ra, niŋ fa ma kakan-i, sabu ábɔɔ bilinabi ki i ta-a jɛŋ, niŋ fa ǹʼbɛɛ i bo-ri á faninmwuŋ bidintɛbi ki sun jibi woo jibi.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Iburu kiri 13:15

Niŋ ki ra, yi yɔɔ Kirinŋ gbɛmaanna ki wɔri saraka Kirinŋ tɛ waarinŋ bataa ru Kirisa baraka ra, niŋ kɔri ki i tu, yi Kirinŋ tɔ ki gbɛ, yi i baraka bi-ri ǹʼtɛ yi tɔnŋ kiri ra waarinŋ bataa ru.

Pyɛɛri (1) 2:5

Mìŋ ɲaan tenŋ ki tɛ, ábɛɛ yɛrima kiri i miŋ tu kwɔ ɲaninkulutɔnŋ ni i, á ji Ɲiniwɔlinŋ ki wɔ fu ki tan kwɔ ri i, nwɔma á i ji sarakawɔrɔtɔnŋ ni i, á i saraka wɔri Kirinŋ tɛ, nwɔ̀ a di ǹʼtɛ Yesu Kirisa baraka ra.

Pyɛɛri (1) 4:11

A konwɔtiŋ ji wulubitɔnŋ i, niŋ wulu ki bi ŋì i kɛɲɛ Kirinŋ wɔ wulu ki wu. Nwɔ̀tiŋ ji baara ma-a koŋ tɔri tɛ, ntiŋ niŋ ma ŋì i kɛɲɛ Kirinŋ wɔ faan wɔrimaan ki wu a tɛ, nwɔma gbɛbi i bili Kirinŋ sun, Yesu Kirisa baraka ra bi bataa ra. Nɔɔri fa sotinbi i mìnki wɔ waaci bataa ru. Amiina!