Efɛsitɔnŋ kiri 5:2 - Jɔ Biibili ki

² Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Efɛsitɔnŋ kiri 5:2 ပူးပေါင်းရင်းမြစ်များ

Matiyu 20:28

Mìŋ ɲaan tenŋ ki tɛ, Koŋ Danshuru ki na ŋuŋ ki tu konaŋ kiri baara ma a tɛ kì, nka ntiŋ na-i baara ma konaŋ kiri tɛ, niŋ fa ntiŋ a yɛri ki ɲini ki wɔri koŋ mwɔɔnna ŋunsan a. »

Yuhana 13:34

Míŋ a cinŋ ŋunaŋ bi ábɛɛ tɛ tu, á ámaŋ bidi ámaŋ tɛ. Miŋ tu míŋ ábɛɛ bidi-i ńʼtɛ ɲaan wɔ̀ tɛ, á ámaŋ bidi ámaŋ tɛ.

Yuhana 6:51

Míŋ i nufinŋ ɲaninkulutɔnŋ ki i, nwɔ̀ jɛri po-i kirinpɔlila, a nwɔ̀tiŋ niŋ nufinŋ ki nu, nintiŋ ɲaninkulutɔnŋ a ji-i waarinŋ bataa ru. Míŋ a nufinŋ wɔ̀ wɔri, nwɔma juniɲa nu konaŋ kiri i ɲaninkulutɔnbi ki kila, niŋ i míŋ yɛri ki firi ki i. »

Ɔrɔmutɔnŋ kiri 15:16

Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.

Ɔrɔmutɔnŋ kiri 4:25

Kirinŋ mìntiŋ ki wɔri-i, ntiŋ i beeni yibɔɔ bijɛ kiri ŋunfɛ, ntiŋ i ŋmɛni po san konkwuu kiri ru, nwɔma yibɛɛ i ji koŋ telimaan ni i Kirinŋ ɲaanfɛ.

Ɔrɔmutɔnŋ kiri 8:3

Musa wɔ sariya ki wuru-ra so bi wɔ̀ ma-i yibɛɛ konanmini baraka ki rakurubi ki sababu ra kì, Kirinŋ yɛrima ki niŋ ma-i : Kirinŋ a Danshuru ki cin na-i, ntiŋ i na konanmini firi ru, nwɔ̀ i bijɛmatɔnŋ i. Bijɛ wɔ̀ wuru awɔ ŋununtinbi ki sɔɔ-ra yibɛɛ sun, Kirinŋ ntiŋ wɔri-i saraka niŋ bijɛ ki ŋunfɛ, ntiŋ i niŋ wɔ ŋununtinbi ki li.

Ɔrɔmutɔnŋ kiri 8:37

Nka, niŋ fa a fɔn na, yibɛɛ bidi-i nwɔ̀ tɛ, niŋ yibɛɛ ji-i so kilatɔnŋ sinaŋ ni i.

Korɛntitɔnŋ kiri (1) 16:14

Á áwɔ bi kiri bataa ma bidintɛbi wu.

Korɛntitɔnŋ kiri (1) 5:7

Niŋ ki ra, á niŋ bijɛ ki bataa po san á kanfɛ, nwɔma á i ji miŋ tu fani ŋunaŋ nusumaan ni, lenfe bo nwɔ̀ri ru kì. Ábɛɛ fɔɔmaan ni yɛ miŋ tu fani lenfe bali li, sabu Kirisa kilɛn-i, ntiŋ i ji yibɔɔ jonbikɔ ki saraka ki i.

Korɛntitɔnŋ kiri (2) 2:14

Míŋ i baraka bi-a Kirinŋ tɛ, sabu mìnki i yibɛɛ bo-a waarinŋ bataa ru so kilatɔnŋ kiri fan Kirisa baraka ra. Kirinŋ i yibɛɛ sɔɔ-ra, ŋì i Kirisa bi ki sunjo ta-ri mani ki bataa ru, miŋ tu ŋuŋ kini jii i mani ki bataa shi-a ɲaan wɔ̀ tɛ.

Korɛntitɔnŋ kiri (2) 2:15

Yibɛɛ i miŋ tu Kirisa sun ŋuŋ kini jii i Kirinŋ gbɛ, nwɔ̀ i so-a koŋ bataa sun, nwɔ̀ri i mwu saa ki fan niŋ fa nwɔ̀ri i fɔni saa ki fan.

Korɛntitɔnŋ kiri (2) 8:9

Sabu, ábɛɛ Ŋuntiŋ Yesu Kirisa wɔ shɔɔrinŋ ki tɔ-i, ninwɔ̀ wuru fintiŋ i, nka ntiŋ ji-i gbɛwɔ ɔ ábɛɛ bira, nwɔma ntiŋ wɔ gbɛwɔbi ki bira ábɛɛ ji finŋ tiŋ ni i.

Galasitɔnŋ kiri 1:4

Kirisa a yɛri ki wɔri-i yibɔɔ bijɛ kiri ŋunfɛ, nwɔma a i yibɛɛ po san ka juniɲa ka ru bijɛ kiri bataa ru, ŋì i kɛɲɛ Tiŋ Kirinŋ dintɛ bi ki wu,

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Efɛsitɔnŋ kiri 1:4

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Efɛsitɔnŋ kiri 3:17

niŋ fa tu Yesu i so sɔɔ ábɛɛ ciiru tɔnŋ kiri ra bilinabi ki bira, nwɔma á banbamaan i tu bidintɛbi ki ra ɲaan bataa tɛ.

Efɛsitɔnŋ kiri 3:19

Daŋ Kirisa wɔ bidintɛbi wɔ̀ ra kì, ábɛɛ ra so niŋ tɔ-i, á i á ciiru ki bataa faa Kirinŋ wɔ bidintɛbi ki ra, fɔ á i pyii.

Efɛsitɔnŋ kiri 4:15

Nka, yi sɛli ki bi yimaŋ tɛ bidintɛbi wu, a niŋ ma, yibɛɛ ra so ta-i jɛŋ Yesu Kirisa wɔ tenbi ki ru, ninwɔ̀ i bilinatɔnŋ kwuru kiri ŋununtiŋ ki i.

Efɛsitɔnŋ kiri 4:2

á i á yɛri sunjɛri bi bataa ra, á i á tɔnsunfili ámaŋ tɛ, á i ji koŋ nduujii ri i, á i ámaŋ wɔ bi kwun ámaŋ nu bidintɛbi wu.

Efɛsitɔnŋ kiri 5:15

Á á yɛri cɔye, á i á tirikanŋ ki tɔ. Á fa ji ɲakili bali li i kì, nka á ji ɲakilitiŋ ni i.

Efɛsitɔnŋ kiri 5:25

Nwɔ̀ i ábɛɛ shuru kiri i, koŋ fɔn awɔ mari bidi a tɛ, miŋ tu Kirisa bilinatɔnŋ kwuru ki bidi-i a tɛ ɲaan wɔ̀ tɛ, fɔ ntiŋ a yɛri wɔri, ntiŋ i beeni ǹʼbira,

Filipitɔnŋ kiri 4:18

Finŋ woo finŋ bi wuru míŋ na, míŋ yìrì bataa kila-i, ŋí i ji fintiŋ i. Kabi Epaforoditusi na-i yìrì wɔri míŋ tɛ, míŋ ńʼgbɛ faa-a, fɔ ŋì i fwuu a daŋ ki sun. Yìrì ji-i miŋ tu saraka shɔɔrinŋ, nwɔ̀ kini di-i Kirinŋ tɛ.

Kɔlɔsitɔnŋ kiri 3:14

Ŋì i bo ka bataa sun, á ámaŋ bidi ámaŋ tɛ, ninki a ábɔɔ bi kiri bataa kɔli arìmaŋ na, yìrì i nafaa.

Tesalonikitɔnŋ kiri (1) 4:9

Ǹʼso koŋ i sɛbɛ tan wɔri ta ábɛɛ tɛ bilinatɔnŋ kiri wɔ maŋ bidintɛbi ki bi sun kili kì, sabu Kirinŋ yɛrima ki ábɛɛ kali-i niŋ na kɔ, tu á ámaŋ bidi ámaŋ tɛ.

Timote (1) 2:6

Ntiŋ a yɛri ji-i saraka a, konaŋ bataa ŋunsan a. Niŋ ma-i, ŋì i kɛɲɛ Kirinŋ dintɛ waaci ki wu, ŋì i ǹʼji tu afinŋ ǹʼtɛ, a i konaŋ kiri bataa mwu.

Timote (1) 4:12

Koŋ tɔri tenŋ fa miŋ nufyɛ tu ŋi tiraŋ i kì, nka ji ɲaanjitɔnŋ i bilinatɔnŋ kiri gbɛ, wulu ki, fa mabi ki fa bidintɛbi ki fa bilinabi ki fa fɔɔbi ki wu.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Iburu kiri 8:3

Sarakawɔrɔtɔnŋ kiri ŋununtiŋ sinaŋ kiri bataa sɔɔ-ɔ, nwɔma kí i kafinŋ ni fa nafulufinŋ saraka ri wɔri-ri Kirinŋ tɛ. Niŋ ɲaan ki tɛ, yibɔɔ ki kakan-i ntiŋ i finŋ bɛɛ kila wɔri sɛbɛ.

Iburu kiri 9:14

A niŋ ji so ma-i, á ǹʼtɔ tu Kirisa cunŋ ki bijɛ kiri wu-a ŋì i fwuu niŋ bataa sun. Ɲini kɔbali ki baraka ra, ntiŋ i a yɛri wɔri-i saraka rafaamaan a Kirinŋ tɛ, fyɛn nwɔ̀ ra kì. Mabi wɔ̀ri i beŋ ki so-a koŋ sun, ntiŋ cunŋ ki i nini wu san-a yibɛɛ ciiru tɔnŋ kiri ra, nwɔma yi i so baara ma-i Kirinŋ ɲaninkulutɔnŋ ki tɛ.

Iburu kiri 9:23

Finŋ wɔ̀ri i kirinpɔli ki ra, a nini miniŋ kiri ji sunfaa-ra ka ɲaan ka tɛ, kirinpɔlila wɔ sɛlɛsɛli kiri kakan-i yìrì i sunfaa sarakafinŋ ni wu, nwɔ̀ri pari-i kusɛbɛ.

Iburu kiri 9:26

A niŋ ji wuru-i kì, kabi juniɲa tɔnpa waari ki ru, ntiŋ wuru-ra ji cɔɔri kaan mwɔɔnna. Nka, waaci rakɔɔra ki ru, ntiŋ na-i kaan tenŋ pe, ntiŋ i a yɛri wɔri saraka, nwɔma Kirinŋ i bijɛ kiri tu konaŋ kiri tɛ.

Pyɛɛri (1) 4:8

Nka nwɔ̀ i bi jɔnɔ ki i, niŋ i kaa : á ámaŋ bidi ámaŋ tɛ kusɛbɛ, sabu bidintɛbi ki i bijɛ mwɔɔnna sunla-a.

Yuhana (1) 3:16

Yibɛɛ i bidintɛbi ki tɔ-a nwɔ̀ ra, niŋ i kaa tu : Kirisa a ɲini ki wɔri-i yibɛɛ bira, mìŋ ɲaan tenŋ ki tɛ, yibɛɛ yɛrima kiri kakan-i yi i yi ɲini kiri wɔri yi tindaŋ kiri bira.

Yuhana (1) 3:23

Ǹʼwɔ cinŋ bimaan ki i kaa tu, yi bili afinŋ Danshuru Yesu Kirisa tɔ ki ra, niŋ fa tu yi yimaŋ bidi yimaŋ tɛ, ŋì i kɛɲɛ niŋ cinŋ bimaan ki wu.

Jafinŋ ki 1:5

Yesu yɛrima ki shɔɔrinŋ fa ɲaanfɛfili wɔri á tɛ. Ninwɔ̀ i shɛɛri telimaan a, nwɔ̀ jɔnɔ ŋmɛni po-i konkwuu kiri kanfɛ, ŋì i ji juniɲa ka ru masa kiri wɔ masa a. Mìntiŋ ki yibɛɛ bidi-i a tɛ, ŋì i yi mwu yi wɔ bijɛ kiri wu a yɛrima ki cunŋ ki baraka ra.

Jafinŋ ki 5:9

Kí i shu ŋunaŋ bɛɛ pɔri-ri tu : « Minki kakan-i sɛbɛ ki mwu ki wu, ŋi i ǹʼtaanshɛ kiri jɔrɔkɔ, sabu, kí minki kilɛn wuru-i, miŋ cunŋ wɔ̀ kɔnkɔli-i, niŋ konaŋ kiri bɛɛ ri ŋunsan-i, kí i ji Kirinŋ wɔ konanbi i, ŋì i po nupo kiri bataa, fa wulu kiri bataa, fa konaŋ ki bataa niŋ fa shiya bataa ru.