Efɛsitɔnŋ kiri 5:16 - Jɔ Biibili ki

¹⁶ Kirinŋ waaci wɔ̀ wɔri-i ábɛɛ tɛ, á baara shɔɔrinŋ ma niŋ ciiru, sabu jiŋ sunŋ ki shɔ kì.

Efɛsitɔnŋ kiri 5:16 ပူးပေါင်းရင်းမြစ်များ

Matiyu 25:17

Sɛniŋ ŋuŋ fuuli ki wɔri wuru nwɔ̀ tɛ, niŋ fani i ǹʼma mìŋ ɲaan tenŋ ki tɛ, niŋ i sɛniŋ ŋuŋ fuuli tɔri kila bo awɔ ki sun.

Yuhana 12:35

Yesu i kí rupwulu tu : « Manisarinŋ ki i faa-ra waaci pyaanŋ ma ábɛɛ faninmwuŋ. Niŋ na, á tiri ki tan manisarinŋ ki tɛ, nwɔma mancinŋ ki fa na á pa á gbɛsun kì. Sabu konwɔtiŋ i tiri ki tan-a mancinŋ ki ru, nintiŋ a tamaŋ tɔ-a kì.

Ɔrɔmutɔnŋ kiri 13:11

Ábɛɛ kakan-i á i ámaŋ bidi ámaŋ tɛ, sabu yibɛɛ i waarinŋ wɔ̀ ru, ábɛɛ niŋ tɔ-i. Ábɛɛ ŋmɛni po san waari ki so-i ɲini ki sun, sabu yibɛɛ bilinabi ki ma-i waarinŋ wɔ̀ ru, mwubi ki myɛ-ɛ yibɛɛ tɛ dɔɔ, ŋì i fwuu niŋ waari ki sun.

Korɛntitɔnŋ kiri (1) 7:26

Ŋì i kɛɲɛ dɔnsaŋ waaci ki furubi ki wu, míŋ i ǹʼbi-a ńʼtu koŋ fɔn i ɲaan wɔ̀ tɛ, ńʼtu ntiŋ tu ninkunŋ, ńʼtu niŋ shɔ.

Galasitɔnŋ kiri 1:4

Kirisa a yɛri ki wɔri-i yibɔɔ bijɛ kiri ŋunfɛ, nwɔma a i yibɛɛ po san ka juniɲa ka ru bijɛ kiri bataa ru, ŋì i kɛɲɛ Tiŋ Kirinŋ dintɛ bi ki wu,

Galasitɔnŋ kiri 6:10

Niŋ ki ra, a shɔɔrinŋ ma ki so ki ji yi gbɛ waaci wɔ̀ ru, yi shɔɔrinŋ ki ma koŋ bataa tɛ, nka yi ǹʼtɔnpa yi tindaŋ bilinatɔnŋ kiri sun.

Efɛsitɔnŋ kiri 6:13

Niŋ ki ra, á Kirinŋ wɔ kari tanfinŋ kiri bataa shi dɔɔ, nwɔma a waaci furu kiri na na waarinŋ wɔ̀ ru, á i so kila ɲa ki sun, á i ǹʼkari, fɔ á i ǹʼso a daŋ na, ŋì fa na so ábɛɛ san-i á ta ru kì.

Efɛsitɔnŋ kiri 6:15

Kirinŋ wɔ Wulujii wɔ̀ i ɲaanfɛfili ki wɔri-ra, á i niŋ sunjorama ki ji a kanŋ na kari.

Kɔlɔsitɔnŋ kiri 4:5

Á tiri ɲakilitinbi wu taannatɔnŋ kiri kanfɛ, a Kirinŋ waaci wɔri á tɛ, á i baara shɔɔrinŋ ma.