Efɛsitɔnŋ kiri 5:14 - Jɔ Biibili ki

¹⁴ Niŋ ki ra, ŋì i bi tu : « Minwɔ̀ i ɲinintan-a, ŋmɛni! Ŋmɛni po san konkwuu kiri kanfɛ, nwɔma Kirisa i manisarinŋ po nʼtɛ. »

Efɛsitɔnŋ kiri 5:14 ပူးပေါင်းရင်းမြစ်များ

Luki 1:78

Sɛli ki ra, yibɔɔ Kirinŋ ki i sunmakwulupatɔnŋ sinaŋ i, daŋ nwɔ̀ ra kì. Niŋ ki ra, ŋì a na manisarinŋ po yibɛɛ tɛ, ŋì i yiri cuunŋ, miŋ tu siira suntɔnŋ sarinŋ,

Luki 15:24

sabu míŋ daŋ wɔ̀ i kaa, wú fɔni wuru-i, jiŋ wú ja-i. Wú ji-i miŋ tu wú beeni-ni, wú i ŋmɛni. › Kí i ɲaannabyɛ ki tɔnpa.

Yuhana 8:12

Niŋ kɔɔtɛ, Yesu i wulubi konaŋ ki tɛ tu : « Mínki i juniɲa ki wɔ manisarinŋ ki i. Konwɔtiŋ ǹʼpa míŋ cɛfan, nintiŋ a tiri mancinŋ nu kì, nka ntiŋ a ɲaninkulutɔnbi manisarinŋ ki kila. »

Yuhana 9:5

Ŋì i míŋ tu juniɲa nu, míŋ i juniɲa wɔ manisarinŋ ki i. »

Mabikiri 13:47

Sɛli ki ra, Ŋuntiŋ ki wɔ wulu ki ǹʼbi-i tu : ‹ Míŋ miŋ sɔɔ, ŋí i nʼji shiya kiri wɔ manisarinŋ i, nwɔma ŋi i ta konanmini mwu wulu ki sunjo, fɔ juniɲa mani ki bataa ru. ›  »

Ɔrɔmutɔnŋ kiri 6:13

Á fa á firi ki mani dantenŋ tu bijɛ ki gbɛ, ŋì i niŋ ji telibalibi baara mafinŋ i kì. Nka, á á yɛri wɔri Kirinŋ tɛ, sabu ábɛɛ beeni wuru-i, nka dɔnsaŋ, ábɛɛ ɲaninkulutɔnbi ŋunaŋ kila-i. Niŋ na, á á firi ki bataa ji telibi ki wɔ baara mafinŋ i Kirinŋ tɛ.

Korɛntitɔnŋ kiri (1) 15:34

Á ɲakili kila, á i bijɛ ki tɔnbo. Sabu ábɛɛ ru, ǹʼbɛɛ ri Kirinŋ tɔ-a kì. Míŋ i niŋ bi-a, nwɔma ábɛɛ i ɲaankwun.

Korɛntitɔnŋ kiri (2) 4:6

Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.

Efɛsitɔnŋ kiri 2:1

Ábɛɛ beenimaan ni wuru-i Kirinŋ ɲaanfɛ sun, sabu ábɛɛ wuru telibalibi ri fa bijɛ ri ma-a.

Efɛsitɔnŋ kiri 2:5

Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra.

Kɔlɔsitɔnŋ kiri 3:1

A ábɛɛ fa Kirisa ji ŋmɛni ámaŋ fan, á kirinpɔli la finŋ kiri ceeli, Kirisa sɔɔ-ɔ niŋ mani wɔ̀ ru Kirinŋ pantɛ.

Tesalonikitɔnŋ kiri (1) 5:6

Niŋ ki ra, yi fa ɲinintan-ni miŋ tu koŋ pyɛ kiri kì. Yi tu yi ɲaanna, yi i yi ɲakili tu yi yɛri ra, yi ɲakili ki sɔɔmaan i ji-i waarinŋ bataa ru.

Timote (2) 1:10

Ŋì niŋ shɔɔrinŋ ki ji-i yibɛɛ wu dɔnsaŋ, yibɛɛ Mwutɔnŋ Yesu Kirisa na ki wu. Mìntiŋ ki beŋ ki faan ki li-i, ntiŋ i ɲaninkulutɔnbi gbɛbali ki ji manisarinŋ nu, Kirinŋ wɔ Wulujii ki baraka ra.

Timote (2) 2:26

kí i ɲakili shɔɔrinŋ kila, kí i arì yɛri san shitaanni wɔ pee cumaan ki ra, ninwɔ̀ kí pa wuru-i, nwɔma kí i a dintɛ bi ki ma-ni.