Efɛsitɔnŋ kiri 5:11 - Jɔ Biibili ki

¹¹ Konaŋ kiri i bi wɔ̀ri ma-a mancinŋ ki ru, á fa á kanŋ de nini nu fyewu kì, nka á kɔ́ɔ́ bi kulinŋ kiri ji kí wu manisarinŋ tɛ.

Efɛsitɔnŋ kiri 5:11 ပူးပေါင်းရင်းမြစ်များ

Matiyu 18:15

Yesu tu awɔ kalindaŋ kiri tɛ sɛbɛ : « A miŋ tindaŋ ki pɔli miŋ gbɛ, ta niŋ ɲaanbi ntiŋ tɛ, ńʼtenŋ fa ntiŋ tenŋ. A ntiŋ a tu mɔɔn wulu ki ra, ntiŋ wɔ tindanbi ki a tu a ɲaan tɛ.

Luki 3:19

Nka jibi bɛɛ, Yuhana i na jɛbi Ɛrɔdi Antipasi gbɛ, niŋ i kila, ntiŋ a tindaŋ Filipu wɔ mari Ɛrɔdiyadi mwu san wuru niŋ wu. Ntiŋ i níŋ ji awɔ mari i, niŋ fa, ŋì i bo ntiŋ wɔ bi kulinŋ mamaan mwɔɔnna tɔri ri sun.

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Ɔrɔmutɔnŋ kiri 13:12

Cii ki ta-i jɛŋ, si ki i juu-ra sari kɔ. Niŋ ki ra, yi mancinŋ ki mabi kiri san yi ra, yi i manisarinŋ ki wɔ kari tanfinŋ kiri bo yi sun.

Ɔrɔmutɔnŋ kiri 16:17

Nwɔ̀ri i bilinatɔnŋ kiri kɔɔye-a arìmaŋ na, kí i kí fɔni-ni, á á yɛri cɔye niŋ koŋ bishi kiri ra, ábɛɛ kalinŋ wɔ̀ kila-i, niŋ fa niŋ fu-a kì. Á ámaŋ nanari kí ra.

Ɔrɔmutɔnŋ kiri 6:21

Ábɛɛ nafan danwɔ kila niŋ mabi kulinŋ kiri ru? Niŋ bi wɔ̀ri i ábɛɛ ɲaankwun-a jiŋ, sabu yìrì i na-a beŋ ki wu.

Galasitɔnŋ kiri 6:8

Konwɔtiŋ firi ki dintɛ bi ki firi, ntiŋ a bilaŋ tɛri firi tɛ, ninwɔ̀ i beŋ ki i. Nka konwɔtiŋ Ɲiniwɔlinŋ dintɛ bi ki firi, nintiŋ a bilaŋ ki tɛri ǹʼtɛ, ninwɔ̀ i ɲaninkulutɔnbi kɔbali ki i.

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Efɛsitɔnŋ kiri 5:12

Sabu niŋ koŋ kiri i bi wɔ̀ri ma-a radu ru, hali niŋ bi kiri rakali ki i ɲaankwunŋ i.

Efɛsitɔnŋ kiri 5:7

Niŋ ki ra, á fa de kɔ́ɔ́ toŋ ki ru kì, á fa dɛbɛ kí fan arɔɔ bi kulinŋ kiri ru kì.

Kɔlɔsitɔnŋ kiri 1:12

Á baraka bi Tiŋ Kirinŋ tɛ, á i á yoori, sabu ŋì finŋ wɔ̀ri ramɔni bo-i awɔ wɔlinŋ kiri jɛŋ awɔ masabi sarintiŋ ki ru, ŋì ncusun-i ábɛɛ i lu kila niŋ nu.

Tesalonikitɔnŋ kiri (1) 5:7

Cii ki i ɲinintantɔnŋ kiri ɲinintan waari ki i, niŋ fa lɔ mwunutɔnŋ kiri kari waari ki i lɔ ki gbɛ

Tesalonikitɔnŋ kiri (2) 3:14

A konwɔtiŋ a kulu ka sɛbɛ ka ru wulu kiri tɛ kì, á ntiŋ wulu bi konaŋ ki bataa tɛ, á fa ntiŋ fa dɛbɛ bi dantenŋ sun kì, nwɔma ntiŋ i ɲaankwun.

Tesalonikitɔnŋ kiri (2) 3:6

Míŋ tindaŋ ni, yibɛɛ ra nwɔ̀ bi furu ábɛɛ tɛ, yi Ŋuntiŋ Yesu Kirisa tɔ ki bira, niŋ i tu : bilinatɔnŋ wɔ̀ri i arì yɛri ji-a jurubitiŋ ni i, kí i arì maanni de-ri, kí jɛɛn-na kí i yibɔɔ kalinŋ kiri pa-ri kì, tu á á kila san niŋ koŋ kwuru kiri ra.

Timote (1) 5:20

A ǹʼbɛɛ ja ji bi pɔlimaan ma, jɛbi nintiŋ gbɛ konaŋ pyɛ kiri ɲaanna, nwɔma kɛmi i de nini nu.

Timote (1) 5:22

Fa nʼgbɛ bili koŋ tɔri tenŋ sun nukwululula, ŋi i ntiŋ bo egilisi ki ru baara ra kì. Fa dɛbɛ koŋ tɔri tenŋ fan awɔ bijɛ mamaanna na kì. Nʼyɛri paka tɔ bijɛ ki bataa kankantɛ.

Timote (1) 6:5

niŋ fa sɔsɔɔlinŋ kɔbali kiri wu ɲakili bali kiri faninmwuŋ. Niŋ koŋ kiri sɛli ki tɔ-a kili kì. Kí i Kirinŋ saa tirimaanna ki ji-a jalinŋ ceeli saa a.

Timote (2) 3:5

Kí a na arì yɛri ji miŋ tu Kirinŋ jɛŋ kɛnitiiri i, konaŋ kiri ɲaanna, niŋ i faa Kirinŋ jɛŋ kɛni ki baraka ki i nwɔ̀, kí i arì kaan niŋ tɛ. Nʼyɛri paka tɔ niŋ koŋ kwuru kiri kɛlina dɛ!

Timote (2) 4:2

ŋi i nʼcunadi Kirinŋ wɔ wulu ki sunjorama ki ra, waarinŋ jii bili ǹʼjɛ sun. Kalinŋ ki wɔri konaŋ kiri tɛ tɔnsunfili wu, ŋi i nʼbanba, kí i ji nʼwɔ kalinŋ ki tɛ, jɛbi kí gbɛ, ŋi i kí cunadi waarinŋ bataa ru.

Tite 2:15

Miŋ kakan-i ŋi i konaŋ ki kali-li ka ɲaan ka tɛ, ŋi i kí racin, ŋi i kí siratu, ŋi i kí fɔnimaŋ kiri bi kí tɛ, ŋununtinbi wu, koŋ tɔri tenŋ fa miŋ nufyɛ kì.

Jafinŋ ki 18:4

Míŋ wulu tɔri rama, ŋì i po kirinpɔli ki ra tu : « Mɔ́ɔ́n konanbi ki, á po san Babilɔni kili ki ru, nwɔma á fa na ǹʼwɔ bijɛ kiri bishi ri ma kì, á i na lu kila ǹʼwɔ cɔɔri sinaŋ kiri ra kì.