Efɛsitɔnŋ kiri 4:9 - Jɔ Biibili ki

⁹ A ǹʼbi tu ǹʼtunpa, niŋ kɔri ki dɔɔkunŋ? Niŋ i ǹʼbi-a tu ǹʼjɛri-ri fwuniŋ ki sun sun.

Efɛsitɔnŋ kiri 4:9 ပူးပေါင်းရင်းမြစ်များ

Matiyu 12:40

Miŋ tu cintɔnŋ Yonasi sunŋ byaŋ fa cii byaŋ ma-i yɛrinŋ sinaŋ ki ciiru ɲaan wɔ̀ tɛ, mìŋ ɲaan tenŋ ki tɛ, Koŋ Danshuru ki a na sunŋ byaŋ fa cii byaŋ ma pwɔkulinŋ ki ciiru.

Yuhana 20:17

Yesu i ǹʼbi nmari tɛ tu : « Fa ńʼpa sɔɔ tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »

Yuhana 3:13

Sabu koŋ tɔri tenŋ tunpa kirinpɔli la kì, duu nwɔ̀tiŋ jɛri po yiri-i nmaŋ, Koŋ Danshuru ki kɔniŋ i.

Yuhana 6:33

Sabu nwɔ̀ jɛri yiri-i kirinpɔlila, ŋì i ɲaninkulutɔnbi ki wɔri-ri juniɲa nu konaŋ kiri tɛ, ninki i Kirinŋ wɔ nufinŋ wɔrimaan ki i. »

Yuhana 6:38

Sabu míŋ jɛri po kirinpɔlila nwɔma ŋí i na ńʼyɛri dintɛ bi ma kì, duu míŋ cintɔnŋ ki dintɛ bi.

Yuhana 6:41

Niŋ ki ra, Yawutu kiri i ntiŋ ŋunuŋunu-ni, tu ntiŋ i ǹʼbi tu : « Mínki i nufinŋ i, nwɔ̀ jɛri po-i kirinpɔlila. »

Yuhana 6:51

Míŋ i nufinŋ ɲaninkulutɔnŋ ki i, nwɔ̀ jɛri po-i kirinpɔlila, a nwɔ̀tiŋ niŋ nufinŋ ki nu, nintiŋ ɲaninkulutɔnŋ a ji-i waarinŋ bataa ru. Míŋ a nufinŋ wɔ̀ wɔri, nwɔma juniɲa nu konaŋ kiri i ɲaninkulutɔnbi ki kila, niŋ i míŋ yɛri ki firi ki i. »

Yuhana 6:58

Nufinŋ wɔ̀ jɛri po yiri-i kirinpɔlila, ninki i kaa. Ábɛɛ tiŋ cɛɛnni kiri nwɔ̀ nu-i, ǹʼfa niŋ tenŋ i kì, sabu kíbɛɛ beeni-i, nka nwɔ̀tiŋ i ka nufinŋ ka nu-a, nintiŋ a tu a ɲaanna waarinŋ bataa ru. »

Yuhana 6:62

A niŋ ji ábɛɛ yaa, a ábɛɛ na Koŋ Danshuru ki tunpaara ki ja a yirimaŋ ki ru ji?

Yuhana 8:14

Yesu i kí rupwulu tu : « Hali míŋ ji wulubi-a ńʼyɛri bi sun, mɔ́ɔ́n wulu kiri i sɛli i, sabu míŋ i ńʼpomaŋ ki tɔ-a, ŋí i ńʼtirimaŋ ki tɔ-ri. Ábɛɛ dumiŋ míŋ pomaŋ ki tɔ-a kì, á dumiŋ ńʼtirimaŋ ki tɔ-a sɛbɛ kì.

Iburu kiri 2:7

Miŋ ǹʼsunjɛri-i mɛlɛkɛn kiri fɛ waaci pyaanŋ nu, ŋi i nɔɔri fa gbɛbi masabunfila ye ǹʼŋununu na,

Iburu kiri 2:9

Nka nwɔ̀ sunjɛri-i mɛlɛkɛn kiri fɛ waaci pyaanŋ nu, niŋ i Yesu. Yibɛɛ i ǹʼja-a tu Kirinŋ nɔɔri fa gbɛbi masabunfila ye ntiŋ ŋununa, sabu ntiŋ cɔɔri-i, ntiŋ i beeni. Niŋ ɲaan ki tɛ, Kirinŋ wɔ shɔɔrinŋ ki baraka ra, ntiŋ beeni-i konaŋ kiri bataa ŋunfɛ.