Efɛsitɔnŋ kiri 4:5 - Jɔ Biibili ki

⁵ Ŋuntiŋ tenŋ i nmaŋ, bilinabi tenŋ i ji nmaŋ, niŋ fa wurama tenŋ i ji nmaŋ.

Efɛsitɔnŋ kiri 4:5 ပူးပေါင်းရင်းမြစ်များ

Matiyu 28:19

Niŋ ki ra, á ta juniɲa ki bataa ru, nwɔma mɔ́ɔ́n kalindaŋ ni i ji shiya kiri bataa ru, á i kí wu Tiŋ ki fa Danshuru ki niŋ fa Ɲiniwɔlinŋ ki tɔ ra.

Mabikiri 10:36

Ŋì awɔ wulu ki wɔri-i Isirayɛli nupo ki tɛ, ŋì i ɲaanfɛfili Wulujii ki sunjo kí tɛ, kí a ninwɔ̀ kila Yesu Kirisa baraka ra. Niŋ Yesu ki i konaŋ bataa Ŋuntiŋ i.

Mabikiri 2:36

Niŋ ki ra, Isirayɛli bataa kakan-i ŋì i ǹʼtɔ fɔɔ jiŋ, tu ábɛɛ Yesu wɔ̀ ki kpinkpi suu ki sun, tu Kirinŋ ninki ji Ŋuntiŋ ki fa Kirisa ki i. »

Ɔrɔmutɔnŋ kiri 3:30

sabu Kirinŋ i tenŋ pe e. Mìŋ tenŋ pe ki i Yawutu kiri ji-ri koŋ telimaan ni i a ɲaanfɛ bilinabi ki baraka ra, ŋì i shiya pyɛ kiri bataa ji-ri koŋ telimaan ni i a ɲaanfɛ bilinabi ki baraka ra sɛbɛ.

Korɛntitɔnŋ kiri (1) 1:13

Niŋ na, Kirisa rukilamaan yɛ wa? Kí míŋ Pooli kpinkpi-i suu ki sun ábɛɛ bira wa? Walima ábɛɛ wu-i míŋ Pooli tɔ ra wa?

Korɛntitɔnŋ kiri (1) 1:2

yibɛɛ i sɛbɛ ka bo ta-a Korɛnti kili ki ru bilinatɔnŋ kiri tɛ, Kirinŋ nini wɔ̀ri wɔ bijɛ kiri tu-i kí tɛ Yesu Kirisa baraka ra, ŋì i kí ji awɔ konanbi i, niŋ fa yi i ǹʼbo ta-ri koŋ bataa tɛ mani bataa ru, finŋ woo finŋ i yibɛɛ Ŋuntiŋ Yesu Kirisa tɔ ki dɔri-ra. Mìntiŋ ki i yibɛɛ fa kíbɛɛ bataa Ŋuntiŋ ki i.

Korɛntitɔnŋ kiri (1) 12:13

Sabu, miŋ tu ŋi Yawutu woo, ŋi shiya tɔri woo, ŋi joŋ walima ŋi joŋ i kì woo, yi bataa wu-i Ɲiniwɔlinŋ tenŋ baraka ra, nwɔma yi i ji firi tenŋ i. Yi bataa i ji mìŋ Ɲiniwɔlinŋ tenŋ ki kila.

Korɛntitɔnŋ kiri (1) 12:5

Baaratɔnŋ kwuru ki mwɔ-i, nka yìrì bataa i ma-a Ŋuntiŋ tenŋ tɛ.

Korɛntitɔnŋ kiri (1) 8:6

Nka yibɛɛ kɔniŋ gbɛ, Kirinŋ tenŋ pe i nmaŋ, niŋ i yibɛɛ Tiŋ Kirinŋ i. Ninki finŋ bataa po-i, yibɛɛ i yi wɔ ɲaninkulutɔnbi ki ma-a ninki tɛ. Niŋ fa Ŋuntiŋ tenŋ i ji nmaŋ, ninwɔ̀ i Yesu Kirisa. Finŋ bataa i nmaŋ ninki mwɔɔn tɛ, yibɔɔ ɲaninkulutɔnbi ki i ji ma-a ninki baraka ra sɛbɛ.

Korɛntitɔnŋ kiri (2) 11:4

Míŋ ǹʼja-i tu ábɛɛ ncusun koŋ tɔri ri i na-ni Yesu wulu ki bi-ri ábɛɛ tɛ ɲaan tɔri tɛ, nwɔ̀ fa yibɔɔ wulu bimaan ki po kì. Ábɛɛ i á tɔɔn cu-ri nini wɔ wulu kiri tɛ ncinŋ. Ŋì i ǹʼja tu kí ta Ɲiniwɔlinŋ ki wulubi á tɛ ɲaan tɔri tɛ, nwɔ̀ fa yibɔɔ wulu bimaan ki tenŋ i kì, niŋ fa kí i Wulujii ki rapwulu bi á tɛ ɲaan tɔri tɛ, nwɔ̀ fa yibɔɔ bimaan ki tenŋ i kì, ábɛɛ i ji nini tɛ.

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Efɛsitɔnŋ kiri 4:13

Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Filipitɔnŋ kiri 2:11

Niŋ fa tu nɛninɛŋ ki bataa i a tu ǹʼna, tu Yesu Kirisa Ŋuntiŋ ki i, nɔɔri i bili Tiŋ Kirinŋ tɔ ki sun.

Filipitɔnŋ kiri 3:8

Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,

Tite 1:1

Míŋ Pooli wɔ̀ i Kirinŋ tɛ baara matɔnŋ i, niŋ fa Yesu Kirisa wɔ cindaŋ i, míŋ i ka sɛbɛ ka wɔri ta-a miŋ Tite tɛ. Kirinŋ koŋ wɔ̀ri ɲaannashi-i, ŋì míŋ dɔri-i, tu míŋ nini bo bilinabi saa ki fan, kí i sɛli ki bataa tɔ, ŋì i kɛɲɛ Kirinŋ saa shɔɔrinŋ ki wu.

Tite 1:4

Ńʼwɔ coolinŋ i miŋ tɛ Tite, minwɔ̀ i míŋ daŋ i bilinabi ki ru, yibɛɛ dɛbɛ-i ninwɔ̀ sun. Yibɛɛ Tiŋ Kirinŋ niŋ fa yibɛɛ Mwutɔnŋ Yesu Kirisa shɔɔrinŋ fa ɲaanfɛfili wɔri nʼtɛ.

Iburu kiri 13:7

Á á ɲakili tu á jɛnpatɔnŋ kiri ra, nini wɔ̀ri jɔnɔ ki Kirinŋ wɔ wulu ki sunjo-i ábɛɛ tɛ. Á á ɲakili tu nini wɔ ɲaninkulutɔnbi ki fa kí rakɔka ɲaan ki tɛ, á i kɔ́ɔ́ bilinabi ki maka ki raki.

Iburu kiri 6:6

a niŋ koŋ kiri po san bilinabi ki ru, kí a so ntɔri bi-i arɔɔ bijɛ kiri ra kili kì. Sabu kíbɛɛ i Kirinŋ Danshuru ki kpinkpi-a sɛbɛ arì dintɛ bi kiri bira, kí i ǹʼɲaankwun-ni konaŋ ki bataa ɲaanna.

Yakuba 2:18

Ǹʼbɛɛ ra so ǹʼbi-i tu : « Bilinabi ki koŋ bɛɛ gbɛ, mabi kiri i ji ǹʼtɔri gbɛ. » Nka míŋ a nintiŋ wɔ wulu ki rupwulu tu : « Miŋ nʼwɔ bilinabi ki ji sunu míŋ wu nʼmabi ki kɔɔtɛ, míŋ a ńʼwɔ bilinabi ki ji miŋ wu ńʼmabi kiri ra. »

Pyɛɛri (1) 3:21

Niŋ ju ki wuru wumaanna ki taanmashɛ ki i, ninwɔ̀ i ábɛɛ mwu-a dɔnsaŋ. Niŋ ma-a, nwɔma firi ki nɔɔ i wu san ǹʼna kì, nka yɛri bataa wɔrimaanna yɛ Kirinŋ tɛ ciirufɔɔbi wu Yesu Kirisa ŋmɛnibi ki sababu ra.

Pyɛɛri (2) 1:1

Míŋ Simɔŋ Pyɛɛri, Yesu Kirisa tɛ baara matɔnŋ, niŋ fa ntiŋ wɔ cindaŋ, míŋ i ka sɛbɛ ka cin ta-a ńʼkaashi bilinatɔnŋ kiri tɛ, nini wɔ̀ri fa yibɛɛ lu kila-i bilinabi sɔbɛ ki ru, Yesu Kirisa wɔ telibi ki bira, ninwɔ̀ i yibɔɔ Kirinŋ ki fa yi Mwutɔnŋ ki i.

Yodasi 1:20

Nwɔ̀ i ábɛɛ, ńʼtindaŋ byii ri, ábɔɔ bilinabi ki cɛ sɔɔ-ɔ bilinabi wɔlinŋ wɔ̀ sun, á áwɔ ɲaninkulutɔnbi ki ma kɛɲɛ niŋ wu. Á i Kirinŋ nafɛ-ri Ɲiniwɔlinŋ ki wɔ so ki wu.

Yodasi 1:3

Ńʼwɔ wɔshuru byii ri, míŋ tɔnnabi wuru-i, ŋí i sɛbɛ wɔri ta ábɛɛ tɛ, míŋ fa ábɛɛ mwu bi ki bi sun. Míŋ ǹʼja-i tu míŋ kakan, ŋí i ǹʼsɛbɛ wɔri ta ábɛɛ tɛ dɔnsaŋ, ŋí i á racin, tu á á cɛrukɔli nwɔma á i bilinabi ki ŋununu kari tan. Kirinŋ ninwɔ̀ wɔri-i kaan tenŋ, awɔ konanbi wɔlinŋ ki tɛ, niŋ bishi tɔri ra ma kili kì.