Efɛsitɔnŋ kiri 4:31 - Jɔ Biibili ki

³¹ Niŋ ki ra, á saabi ki po san á ciiru, á fa tɛɛ tu á ciiru koŋ cɛfan kì, á fa á tɔnkwulu kì, á fa koŋ fa kari kì, á fa koŋ ki kì. Á siri fa juubi ma kili kì!

Efɛsitɔnŋ kiri 4:31 ပူးပေါင်းရင်းမြစ်များ

Mabikiri 21:30

Niŋ ɲaan ki tɛ, kili ki bataa i tu a kanŋ sun. Konaŋ ki i bili po yiri-ri kili ki mani ki bataa ru, kí i na-ni. Kí i na Pooli pa, kí i ntiŋ cɛɛn po san Kirinfusinaŋ ki kaniŋ ki ru, kí i ǹʼtɔnŋ kiri rala.

Ɔrɔmutɔnŋ kiri 3:14

Kí daru ki faa-a danka ra wulu kiri fa wulu jɛ kiri ra.

Korɛntitɔnŋ kiri (1) 14:20

Ńʼtindaŋ ni, á fa bi kiri shɛɛli miŋ tu tiraŋ ni kì. Nka nwɔ̀ i bijɛ ki i, á ji miŋ tu tiraŋ ni, nka bi shɛɛlika ɲaan ki tɛ, á ji bwuumaan ni i.

Korɛntitɔnŋ kiri (1) 5:8

Niŋ ɲaan ki tɛ, yi fa niŋ ɲaannabyɛ ki ma bwuru wu lenfe bwuumaan ki bo-i nwɔ̀ ru kì, ninwɔ̀ i juubi ki fa kakaalibi ki i. Nka yi ɲaannabyɛ ki ma bwuru wu lenfe bo nwɔ̀ ru kì, ninwɔ̀ i fɔɔbi fa sɛli ki i.

Korɛntitɔnŋ kiri (2) 12:20

Míŋ i kɛni-na, ńʼtu míŋ fa na ta fa ábɛɛ wu ɲaan ki bɛɛ tɛ, nwɔ̀ a fu míŋ sun kì, walima ábɛɛ na ta míŋ ja ɲaan ki bɛɛ tɛ, nwɔ̀ a fu ábɛɛ sun kì. Míŋ kɛni-na ńʼtu míŋ fa ta fa kari myɛɛnniŋ wu ábɛɛ faninmwuŋ kì, niŋ fa ɲaannajuubi, niŋ fa tɔnkwulubi, niŋ fa fyikatinbi, niŋ fa maŋ tɔlimaanna ni, fa maŋ tɔ bimaanna, niŋ fa yɛri ragbɛmaanna, ŋì i bo bi ɲaanmimaan tɔri ri sun.

Galasitɔnŋ kiri 5:20

pɛli tanmaanna, baabi, juubi, sɔsɔɔlinŋ, kari, tɛnbi, tɔnkwulu, bomaŋ na bi ri, kɔɔye maŋ na bi kiri, fubalibi kiri,

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Efɛsitɔnŋ kiri 4:25

Niŋ ki ra, á fa puru bi á tɔnŋ ki ra kili kì, á sɛli ki bi ámaŋ tɛ, sabu yibɛɛ bataa ji-i finŋ tenŋ i. Yibɛɛ bataa tenŋ tenŋ i miŋ tu firi tenŋ na mani ki bɛɛ ɛ.

Efɛsitɔnŋ kiri 4:26

A ábɛɛ tɔnkwulu, niŋ tɔnkwulu ki fa á po bijɛ ma sun kì. Sunŋ ki fa fyiri á tɔnsunfilibali kì.

Kɔlɔsitɔnŋ kiri 3:19

Shuru ri, koŋ fɔn awɔ mari kiri bidi á tɛ, á fa ŋununbi sɔɔ kí sun kì.

Kɔlɔsitɔnŋ kiri 3:8

Nka dɔnsaŋ, á niŋ bi kiri bataa tɔnbo, miŋ tu fyintibi ki fa tɔnkwulu ki, niŋ fa juubi ki fa kiilinŋ kiri fa ɲaankwun pabali wulu wɔ̀ri i po-a ábɛɛ daru.

Timote (1) 3:11

Mari wɔ̀ri i jɛntɔnŋ ni i, mìŋ ɲaan tenŋ ki tɛ, nini kakan-i kí i ji mari sɔbɛ ri i, kí fa ji koŋ tɔ bitɔnŋ ni i kì. Kí i arì yɛri paka tɔ-ri, kí i ji kpeeri i, koŋ i bili-la nwɔ̀ri ra bi bataa ra.

Timote (1) 3:3

Ntiŋ fa ji lɔrutɛfɛ walima koŋ fyintiŋ i kì, ntiŋ fa ji kari ceelitɔnŋ i kì, fɔ ntiŋ ji koŋ tɔnsunfilimaan a. Ntiŋ fa ji wari sɔlitiŋ i kì.

Timote (1) 5:13

A niŋ ma, kí a ji jurubitiŋ ni i, kí a baara ma kì, duu kí i de-ri arì maanni fan kaniŋ kiri sun. Kí a na ńʼtu niŋ bantenŋ sun kì, kí a na ji wulu mwɔɔnna tiŋ ni i, kí i arì tɔnŋ de-ri konaŋ kiri wɔ wulu kiri ru, nwɔ̀ri kɔ́ɔ́ saa sun kì.

Timote (2) 2:23

Nka, nʼkɔɔye sɔsɔɔlinŋ gbansanŋ kiri ra, sabu ǹʼtɔ tu nini nakɔɔra na-a kari ri wu.

Timote (2) 3:3

Kí a na ji koŋ ɲakili furumaan ni fa koŋ sunmakwulupabali li i, koŋ tɔ litiiri fa koŋ juumaan yɛri rasɔɔbali shurubitiŋ ni i, shɔɔrinŋ bidi nwɔ̀ri tɛ kì.

Tite 1:7

Sɛli ki ra, egilisi jɛntɔnŋ ki kakan-i ntiŋ i ji koŋ pɔlibali i, sabu ntiŋ i Kirinŋ wɔ konanbi ki ɲaannasuutɔnŋ ki i. Ntiŋ fa ji koŋ nagbɛmaan a walima tɔnŋ sinantiŋ i kì, walima lɔrutɛfɛ fɛ kì. Ntiŋ fa ji kari ceelitɔnŋ i kì, ntiŋ fa tɔnɔ ceeli-li namarinŋ sun kì.

Tite 2:3

Ŋi i ǹʼbi mari cɛɛnni kiri tɛ mìŋ ɲaan tenŋ ki tɛ, tu kí tiri kɛɲɛ fɔɔbi ki wu. Kí fa ji koŋ tɔ litiiri i kì, walima lɔrutɛfɛ ri i kì. Tu kí ji racinwulu shɔɔrinŋ bitɔnŋ ni i,

Yakuba 1:19

Ńʼtindaŋ byii ri, á á ɲakili tu ka mani ka ra kusɛbɛ, tu : koŋ bataa bili, ntiŋ i a tɔɔnyeka shɔ, nka koŋ fa a ciirukwulu wulubirama fa tɔnkwulu fan kì.

Yakuba 3:14

Nka, a tɛnbi fa fyikatinbi ɲakili ji ábɛɛ gbɛ, á fa puru bi, á i á yɛri ji ɲakilitiŋ ni i kì.

Yakuba 4:11

Míŋ tindaŋ ni, á fa wulu jɛ bi-ri ámaŋ sun kì. Konwɔtiŋ i wulu jɛ bi-a a kaashi ki sun, ŋi i ntiŋ tɔ jɛ bi-ri, nintiŋ i sariya ki tɔ jɛ bi-a. Niŋ ɲaan ki tɛ, a miŋ ji sariya ki tɔ jɛ bi-a, miŋ ji-a ǹʼmatɔnŋ i kili kì, fɔ ǹʼsun tɔjɛbitɔnŋ i.

Pyɛɛri (1) 2:1

Niŋ ki ra, á juubi kwuru ki bataa tɔnbo, á i namarinŋ ki fa wulufuulibi ki fa tɛnbi ki fa koŋ tɔ bi ki bataa tɔnbo.

Yuhana (1) 3:12

Yi fa ji Kayɛn bishi ri i kì, niŋ ji-i shitaanni wɔ koŋ i, niŋ ki ra, niŋ i a pwaŋ ki kilɛn. Wú a pwaŋ ki kilɛn nfɛnŋ na? Wúfinŋ mabi kiri juu wuru-i, wú pwaŋ ki wɔ kiri i teli.

Yuhana (1) 3:15

Koŋ woo koŋ i a tindaŋ ki bikwɔ-a a sun, nintiŋ i koŋ kilɛntɔnŋ i. Ábɛɛ ǹʼtɔ-i sɛbɛ tu, ɲaninkulutɔnbi kɔbali ki so-a tu-i koŋ kilɛntɔnŋ dantenŋ ciiru fyewu kì.

Jafinŋ ki 12:10

Niŋ kɔɔtɛ, míŋ i fali wulu bɛɛ rama, ŋì i po kirinpɔli ki ra, ǹʼtu : « Dɔnsaŋ, Yibɔɔ Kirinŋ ki wɔ konaŋ ni mwu bi ki, fa ǹʼwɔ sotinbi ki, fa ǹʼwɔ masabi ki waari ki so-i, niŋ fa Kirinŋ Ɲaannakonshimaan ki wɔ ŋununtinbi ki waari ki i ji so. Sabu nwɔ̀ wuru yibɛɛ tindaŋ kiri ji-a koŋ pɔlimaan ni i cii fa sunŋ, yɔɔ Kirinŋ ki ɲaanfɛ, niŋ kwɔ po san-i a tumaŋ ki ru kirinpɔli ki ra.