Efɛsitɔnŋ kiri 4:3 - Jɔ Biibili ki

³ Ábɛɛ tenbi wɔ̀ kila-i Ɲiniwɔlinŋ ki bira, á á banba, á i tu ɲaanfɛfili ru niŋ tenbi bi ki ru.

Efɛsitɔnŋ kiri 4:3 ပူးပေါင်းရင်းမြစ်များ

Maraka 3:24

Masabi woo masabi, a ǹʼkɛlinŋ tenŋ jɔrɔkɔ ǹʼkɛlinŋ tenŋ ki cɛfan, niŋ masabi ki a li.

Yuhana 13:34

Míŋ a cinŋ ŋunaŋ bi ábɛɛ tɛ tu, á ámaŋ bidi ámaŋ tɛ. Miŋ tu míŋ ábɛɛ bidi-i ńʼtɛ ɲaan wɔ̀ tɛ, á ámaŋ bidi ámaŋ tɛ.

Korɛntitɔnŋ kiri (1) 1:10

Ńʼtindaŋ ni, míŋ i ábɛɛ rafɛ-a, ńʼtu á ǹʼma yi Ŋuntiŋ Yesu tɔ ki bira, á i fu tenŋ sun. Á fa ncusun rukila ɲakili i de á faninmwuŋ kì. Á ɲakili kiri ji tenŋ áwɔ bi ma wɔ kiri bataa ra.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Efɛsitɔnŋ kiri 4:13

Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Tesalonikitɔnŋ kiri (1) 5:13

Á kí bidi á tɛ, á i baraka de kí ru kusɛbɛ arɔɔ cinŋ ki bira. Á i ncusun ɲaanfɛfili i ji á faninmwuŋ.

Iburu kiri 12:14

Á ɲaanfɛfili ceeli á fa koŋ bataa faninmwuŋ. Á i ji wɔlinŋ ni i. A wɔlɔnbi ki ji-i kì, koŋ tɔri tenŋ ɲaniŋ na tu Ŋuntiŋ ki ra kì.