Efɛsitɔnŋ kiri 4:22 - Jɔ Biibili ki

²² Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Efɛsitɔnŋ kiri 4:22 ပူးပေါင်းရင်းမြစ်များ

Ɔrɔmutɔnŋ kiri 6:6

Yibɛɛ ǹʼtɔ-i tu yibɛɛ sɔŋ bwuumaan ki fa Kirisa kpinkpi suu ki sun, nwɔma niŋ bijɛ ma firi ki faan ki i kɔ, yibɛɛ fa ji bijɛ ki wɔ joŋ ni i kili kì.

Ɔrɔmutɔnŋ kiri 7:11

Bijɛ ki saa kila-i sariya ki baraka ra, ŋì i míŋ fɔni, ŋì i míŋ beeni.

Korɛntitɔnŋ kiri (2) 11:3

Nka miŋ tu Awa ncusun-i myɛɛn ki i a fɔni awɔ daalinŋ ki wu ɲaan wɔ̀ tɛ, míŋ i kɛni-na, ńʼtu ábɛɛ fa na ncusun mìŋ ɲaan ki tɛ, ábɛɛ ɲakili kiri i rapwulu san áwɔ tirika shɔɔrinŋ ka fa áwɔ fɔɔbi ka sun Yesu Kirisa wɔ saa ki fan kì.

Galasitɔnŋ kiri 1:13

Míŋ wuru ɲaan wɔ̀ tɛ sun Yawutu kiri wɔ Kirinŋ saa ki fan, ábɛɛ niŋ nama-i. Míŋ wuru Yesu wɔ bilinatɔnŋ kwuru kiri cɔɔri-ra kusɛbɛ, nwɔma ŋí i kí haliki.

Efɛsitɔnŋ kiri 2:3

Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Efɛsitɔnŋ kiri 4:25

Niŋ ki ra, á fa puru bi á tɔnŋ ki ra kili kì, á sɛli ki bi ámaŋ tɛ, sabu yibɛɛ bataa ji-i finŋ tenŋ i. Yibɛɛ bataa tenŋ tenŋ i miŋ tu firi tenŋ na mani ki bɛɛ ɛ.

Efɛsitɔnŋ kiri 4:31

Niŋ ki ra, á saabi ki po san á ciiru, á fa tɛɛ tu á ciiru koŋ cɛfan kì, á fa á tɔnkwulu kì, á fa koŋ fa kari kì, á fa koŋ ki kì. Á siri fa juubi ma kili kì!

Kɔlɔsitɔnŋ kiri 2:11

Ábɛɛ sɔɔ-ɔ peefɛ á fa mìntiŋ wɔ tenbi ki baraka ra. Konanmini gbɛ niŋ ma kì, nka Kirisa i sɔɔpeefɛrama wɔ̀ ceeli-la, niŋ yɛ, ninwɔ̀ kɔri ki i tu ábɛɛ po san á firi ki dintɛ bi jɛ kiri ru.

Tite 3:3

Sabu fɔlɔfɔlɔ yibɛɛ yɛrima kiri wuru ɲakili bali li i, niŋ fa Kirinŋ wulu pabali li i, yi i ji koŋ fɔnimaan ni i. Yibɛɛ wuru firi ki dintɛ bi jɛ kiri fa ɲaannabyɛ kwuru ki bataa wɔ joŋ ni i, yi i ji wuru koŋ juumaan ni fa koŋ ɲaannajuutɔnŋ ni i. Yibɛɛ bikwɔ wuru konaŋ kiri sun, yibɛɛ yɛrima kiri i yi yɛri bikwɔ-ri yimaŋ sun sɛbɛ.

Iburu kiri 12:1

Miŋ tu koŋ mwɔɔnna mwɔɔnna wɔ bilinabi ki wulu bi-i yibɛɛ tɛ, niŋ ki ra, finŋ woo finŋ a shii bo yibɛɛ sun, niŋ fa bijɛ wɔ̀ i yibɛɛ kanŋ kɔli-la, yi niŋ bataa tɔnbo. Manjanbili wɔ̀ bo-i yibɛɛ tɛ, yi yi cunadi, yi i niŋ bili ki tan.

Iburu kiri 3:13

Nka á ámaŋ cunadi jibi woo jibi, jiŋ na so bi-i jibi woo jibi tɛ, nwɔma ǹʼbɛɛ fa na ncusun bijɛ ki i a sunnɛɛn, ntiŋ i a tɔɔnnufuru kì.

Yakuba 1:21

Niŋ ki ciiru, á bi nɔɔmaan kiri bataa tɔnbo, niŋ fa ciiru juubi kwuru ki bataa. Wulu wɔ̀ firi-i ábɛɛ tɔnŋ ki ra, á niŋ pa sunjɛribi wu, sabu so i ǹʼgbɛ, ŋì i ábɛɛ mwu.

Yakuba 1:26

A konwɔtiŋ ǹʼbi tu afɔɔn dinɛbi ki gbɛ, ntiŋ dumiŋ so-a a nɛninɛŋ ki ra kì, nintiŋ i a yɛri sunnɛɛn-na, ntiŋ wɔ dinɛbi ki i fwuu u.

Pyɛɛri (1) 1:18

Sabu ábɛɛ á tiŋ cɛɛnni kiri kanishi-i arɔɔ bi tawɔ mabi wɔ̀ri ra, Kirinŋ ábɛɛ mwu san-i niŋ wu. Ŋì i ábɛɛ ŋunsan finŋ wu, nwɔ̀ a li, miŋ tu wari walima sɛniŋ i kì.

Pyɛɛri (1) 4:3

Ábɛɛ Kirinŋ tɔbali li mabi wɔ̀ri ma fwuude-i, miŋ tu nankulunbi ni fa sɔnjɛbi ki, niŋ fa lɔrutɛfɛbi ki, niŋ fa wulatinbi kwuru ki bataa, niŋ fa tanfinŋ tɔri ri tanmaanna ki, niŋ a ǹʼpo.

Pyɛɛri (2) 2:13

Kí i bi kulinŋ wɔ̀ri ma-a, mìŋ bi kulinŋ kiri bishi ri a na ji kí sali ki i. Kí suunna nankulunbi ki ji-i arì dintɛ bi i. Kí bataa i koŋ nɔɔmaan ni i. Ŋì i kí tu niŋ ɲaan ki tɛ, kí i arì tɔɔn-na, kí i ta-ri arì bo-ri ábɛɛ sun áwɔ ɲaannabyɛ kiri ru, kí i ɲaankwunŋ bo-ri á sun.

Pyɛɛri (2) 2:7

Nka, mìŋ waaci tenŋ ki ru, Kirinŋ Lɔti mwu-i, sabu niŋ wuru koŋ telimaan a, ntiŋ cɔɔrimaan wuru-i niŋ kili kiri ra tɔnŋ kiri wɔ nankulunbi jɛ sarisari ki bira.