Efɛsitɔnŋ kiri 4:21 - Jɔ Biibili ki

²¹ Sii ǹʼna ǹʼnu kì, ábɛɛ Yesu Kirisa wulu ki rama-i, á i ntiŋ wɔ kalinŋ ki tɔ, á fani i ji ǹʼtɔ tu sɛli i.

Efɛsitɔnŋ kiri 4:21 ပူးပေါင်းရင်းမြစ်များ

Yuhana (1) 5:20

Yibɛɛ ǹʼtɔ-i sɛbɛ tu Kirinŋ Danshuru ki na, ŋì i ɲakilitinbi wɔri yibɛɛ tɛ, nwɔma yi i Kirinŋ sɛlɛsɛli ki tɔ. Niŋ ɲaan ki tɛ, yibɛɛ fa Kirinŋ sɛlɛsɛli ki i yimaŋ fan, yi fa ǹʼDanshuru Yesu Kirisa i ji yimaŋ fan. Mìntiŋ ki i Kirinŋ sɛlɛsɛli ki i, niŋ fa ɲaninkulutɔnbi kɔbali ki i.

Efɛsitɔnŋ kiri 1:13

Dɔnsaŋ, ábɛɛ yɛrima kiri wɔ ki ma-i mìŋ ɲaan tenŋ ki tɛ. Kabi ábɛɛ sɛli wulu ki rama-i, ninwɔ̀ i Wulujii ki i, ábɛɛ bili-i ǹʼna. Niŋ Wulujii ki ábɛɛ mwu-i. Ábɛɛ bili-i Yesu Kirisa ra, niŋ ki ra, Kirinŋ i taanmashɛ bo ábɛɛ ra. Niŋ taanmashɛ ki i Ɲiniwɔlinŋ ki i, ŋì a tɔnŋ wɔri wuru ninwɔ̀ bira. Niŋ mamaan ki ra, Kirinŋ ǹʼji-i tu yibɛɛ afɔɔn ni.

Kɔlɔsitɔnŋ kiri 2:7

Á ji Kirisa ra miŋ tu jirinŋ kanaŋ, nwɔ̀ri de-i fwuniŋ nu. A ji miŋ tu fu, nwɔ̀ cɛ sɔɔ Kirisa sun, á i á cɛrukɔli bilinabi ki ru, miŋ tu ábɛɛ kini-i ǹʼna ɲaan wɔ̀ tɛ, niŋ fa áwɔ baraka bi ki i mwɔ Kirinŋ tɛ.

Yuhana 14:17

Niŋ i ɲini sɛlitiŋ ki i. Juniɲa nu konaŋ kiri ra so nwɔ̀ kila-i kì, sabu kí ǹʼja-a kì, niŋ fa kí ǹʼtɔ-a kì. Ábɛɛ kɔniŋ i ǹʼtɔ-a, sabu ŋì i ábɛɛ fan, ŋì i ji-a na ji á ciiru tɔnŋ kiri ra.

Korɛntitɔnŋ kiri (2) 11:10

Kirisa wɔ sɛli wɔ̀ i míŋ gbɛ, niŋ ki ra, míŋ ǹʼbi-ri tu, koŋ a so míŋ suu ńʼyɛri ragbɛmaanna sun Akayi sɔɔta ki mani tɔri tenŋ nu kì.

Korɛntitɔnŋ kiri (2) 1:20

Sɛli ki ra, Kirinŋ a tɔnŋ wɔri-i bi finŋ woo finŋ na, niŋ bataa i nafaa-ra Kirisa ra. Niŋ ki ra, yibɛɛ i ǹʼbi-a tu « aawe » Kirisa baraka ra, yi i Tiŋ Kirinŋ gbɛ-ri.

Yuhana 14:6

Yesu i Toma rupwulu tu : « Mínki i saa ki fa sɛli ki niŋ fa ɲaninkulutɔnbi ki i, koŋ tɔri tenŋ so-a na-i Tiŋ ki tɛ debali míŋ fan kì.

Yuhana 10:27

Mɔ́ɔ́n saa kiri i arì tɔɔnye-a míŋ wulu ki tɛ, míŋ i yìrì tɔ-ri, niŋ fa yìrì i ǹʼpa-ri míŋ cɛfan.

Yuhana 1:17

Kirinŋ sariya ki wɔri-i yibɛɛ tɛ Musa gbɛ, nka ŋì shɔɔrinŋ ki fa sɛli ki wɔri-i yibɛɛ tɛ Yesu Kirisa gbɛ.

Luki 10:16

Yesu tu awɔ kalindaŋ kiri tɛ sɛbɛ : « Konwɔtiŋ ábɛɛ wulu pa, ntiŋ mɔ́ɔ́n ki pa-i mìnki i, nwɔ̀tiŋ a kaan ábɛɛ tɛ, ntiŋ a kaan míŋ tɛ, nwɔ̀tiŋ a kaan míŋ tɛ, ntiŋ a kaan míŋ cintɔnŋ ki tɛ. »

Matiyu 17:5

Ŋì i Pyɛɛri tu wulu ki ra Yesu tɛ, loŋ bɛɛ i na kí sunla, niŋ wuru cucu-a. Kí i wulu bɛɛ rama, ŋì i po niŋ loŋ ki ru tu : « Ka i míŋ dintɛ Danshuru ki i, nwɔ̀ bidi-i míŋ tɛ haali, á á tɔɔnye ǹʼtɛ. »

Ɔrɔmutɔnŋ kiri 10:14

Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì?

Efɛsitɔnŋ kiri 2:17

Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Kɔlɔsitɔnŋ kiri 1:6

Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.