Efɛsitɔnŋ kiri 4:2 - Jɔ Biibili ki

² á i á yɛri sunjɛri bi bataa ra, á i á tɔnsunfili ámaŋ tɛ, á i ji koŋ nduujii ri i, á i ámaŋ wɔ bi kwun ámaŋ nu bidintɛbi wu.

Efɛsitɔnŋ kiri 4:2 ပူးပေါင်းရင်းမြစ်များ

Matiyu 11:29

Á míŋ yɛsunsuu ki tɔnŋ ki shi bili á yɛ sun, á i ncusun míŋ i á kini, sabu míŋ tɔnsunfili-i, ǹʼsunjɛrimaan i ji-i sɛbɛ. A ábɛɛ niŋ ma, ábɛɛ ra ɲaanfɛfili kila.

Maraka 9:19

Yesu tu kí tɛ : « Ábɛɛ jiintɔnŋ kɔniŋ, á bili-la Kirinŋ na kì. Míŋ a tu ábɛɛ fan, ŋí i ábɔɔ bi kiri kwun ńʼnu, fɔ waarinŋ danwɔ ru? Á na daŋ ki wu kwumaŋ. »

Mabikiri 20:19

Míŋ Ŋuntiŋ ki wɔ baara ki ma-i sunjɛribi fa ɲaannaju wu. Yawutu kiri fani i ji lude míŋ sun waaci mwɔɔnna nu, kí i ŋununbi mwɔɔnna sɔɔ míŋ sun.

Ɔrɔmutɔnŋ kiri 15:1

Yibɛɛ wɔ̀ri wɔ bilinabi ki faan ki gbɛ-i, yi ye yi tindaŋ bilinatɔnŋ ni tɛ, nwɔ̀ri wɔ bilinabi ki rakuru-i, yi i kɔ́ɔ́ baraka kurubi ki shii ki shi. Yi fa yi yɛri dintɛ bi ri ma-ni kì.

Korɛntitɔnŋ kiri (1) 13:7

Ntiŋ i koŋ bataa wɔ pɔli tu-a ntiŋ tɛ waaci bataa ru, ntiŋ i bili-la bi bataa ra, bi tɔri tenŋ ntiŋ gbɛɛratɛɛ-ra kì, ntiŋ i bi bataa pa-ri a ra.

Galasitɔnŋ kiri 6:2

Á ye ámaŋ tɛ, á i ámaŋ wɔ shii shi, a niŋ ma, ábɛɛ ra Kirisa wɔ sariya ki rafaa niŋ ɲaan ki tɛ.

Efɛsitɔnŋ kiri 1:4

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Kɔlɔsitɔnŋ kiri 1:11

Kirinŋ faan wɔri á tɛ waarinŋ bataa ru, ŋì i po a yɛri ki wɔ sotinbi nɔɔritiŋ ki ru, nwɔma ábɛɛ i ta jɛŋ bilinabi ki ru, á i so bi bataa kwun-i á ru.

Timote (1) 6:11

Dɔnsaŋ, Timote, minwɔ̀ i Kirinŋ wɔ koŋ i, nʼkɔɔye ka bi kari ra, ŋi i telibi ki fa Kirinŋ jɛŋ kɛnibi ki fa bilinabi ki fa bidintɛbi ki fa cunadibi ki niŋ fa nduujiibi ki ceeli-li.

Timote (2) 2:25

Nwɔ̀ri i ntiŋ wɔ wulu ki sɔsɔ-a, ntiŋ i nini nacin-ni tɔnsunfili wu, sabu ŋì a so ji-i Kirinŋ i kí ɲakili ki rapwulu, kí i sɛli ki tɔ,

Yakuba 1:21

Niŋ ki ciiru, á bi nɔɔmaan kiri bataa tɔnbo, niŋ fa ciiru juubi kwuru ki bataa. Wulu wɔ̀ firi-i ábɛɛ tɔnŋ ki ra, á niŋ pa sunjɛribi wu, sabu so i ǹʼgbɛ, ŋì i ábɛɛ mwu.

Pyɛɛri (1) 3:15

nka á Kirisa gbɛ á ciiru tɔnŋ kiri ra, á i ǹʼtɔ tu Ŋuntiŋ i. Gbɛbilimaŋ wɔ̀ i ábɛɛ ciiru, a koŋ woo koŋ ábɛɛ ranɔri niŋ bi sun, ábɛɛ ramɔnimaan kakan-i ŋì i kila waarinŋ bataa ru, á i nintiŋ wɔ wulu ki rupwulu.

Pyɛɛri (1) 3:8

Ka bataa kɔɔtɛ, á bataa ámaŋ paka shɔ ciiru tenŋ wu. Á ámaŋ sunmakwulupa, á i ámaŋ bidi ámaŋ tɛ, miŋ tu tindaŋ byii ri, á i ye-ri ámaŋ tɛ, niŋ fa á i á sunbili ámaŋ tɛ.