Efɛsitɔnŋ kiri 4:18 - Jɔ Biibili ki

¹⁸ Kí ciiru ɲakili kiri mini-i, Kirinŋ i ɲaninkulutɔnbi ŋunaŋ wɔ̀ wɔri-ra, kí arì po san-i niŋ nu arɔɔ bitɔbalibi ki fa arɔɔ tɔɔnnufurubi ki baraka ra.

Efɛsitɔnŋ kiri 4:18 ပူးပေါင်းရင်းမြစ်များ

Matiyu 13:15

Sabu ka shiya ka ru konaŋ kiri ciiru ɲakili ki furu-i, kí i arì tɔɔn kiri raye, kí i arì ɲaninaŋ kiri rala, nwɔma arì ɲaninaŋ kiri fa maannaja kì, arì tɔɔn kiri fa wulu lama kì, arì ciiru ɲakili kiri fa bi tɔ, arì i arì ɲaannu pwulu míŋ Kirinŋ tɛ, nwɔma ŋí i kí kene kì. ›  »

Maraka 3:5

Yesu tɔnkwulumaan ki i kí bataa ɲaanfɛ shɛɛli tiri, kɔ́ɔ́ nutɔnubi ki fa kɔ́ɔ́ tɔɔnnufurubi ki i ntiŋ yaa kusɛbɛ. Ntiŋ i ǹʼbi shuru ki tɛ : « Nʼgbɛ ki rusɛni. » Wú a gbɛ ki rusɛni-i, gbɛ ki i kene.

Yuhana 12:40

« Kirinŋ kí ɲaninaŋ kiri fwuu-u, nwɔma kí fa maannaja kì, ŋì i kí ji ɲakili bali li i, nwɔma kí fa bi tɔ kì. Niŋ ma-i, nwɔma kí fa ntɔri bi arɔɔ bijɛ kiri ra, míŋ i kí kene kì. »

Mabikiri 17:30

Niŋ kɔɔtɛ, Pooli tu : « Konaŋ kiri niŋ bi kulinŋ kiri wɔ̀ri ma-i kabi fɔlɔfɔlɔ, waarinŋ wɔ̀ ru kí wuru Kirinŋ tɔ-a kì, ŋì niŋ bi kiri bataa tu-i nmaŋ. Dɔnsaŋ, ŋì i kí bataa dɔri-ra mani bataa ru, tu kí ntɔri bi arɔɔ bijɛ kiri ru, kí i na afinŋ tɛ.

Mabikiri 3:17

Dɔnsaŋ, ńʼtindaŋ ni, míŋ ǹʼtɔ-i tu ǹʼtɔbalibi ncusun ábɛɛ fa á ŋununtiŋ kiri i ka ma.

Ɔrɔmutɔnŋ kiri 1:28

Kí ǹʼceeli arì i Kirinŋ tɔ kì, niŋ ki ra, Kirinŋ i kí tu arɔɔ ɲakilila jɛ kiri wu, fɔ kí i mabali bi kiri ma-ni.

Ɔrɔmutɔnŋ kiri 11:25

Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun.

Ɔrɔmutɔnŋ kiri 11:7

Niŋ nfɛnŋ bi-a? Isirayɛlitɔnŋ kiri wuru finŋ wɔ̀ ceeli-la, kí niŋ kila kì, nka Kirinŋ nwɔ̀ri ɲaannashi-i, nini ǹʼkila-i. Koŋ pyɛ kiri i arì tɔɔnnufuru, kí so sɛli ki tɔ-i kì.

Ɔrɔmutɔnŋ kiri 2:19

Miŋ ɲaanna tu miŋ ɲaanfwuu kiri bali patɔnŋ ki i, nʼtu ŋi i ji manisarinŋ i mancinŋ nu tɔnŋ kiri tɛ,

Korɛntitɔnŋ kiri (1) 1:21

Juniɲa nu konaŋ kiri fa arɔɔ bitɔbi ki sun, kí Kirinŋ wɔ bitɔbi ki mabi ki ja-i, nka kí so ǹʼtɔ-i kì. Sɛli ki ra, yibɛɛ i wulu wɔ̀ sunjo-a, niŋ i ji konaŋ kiri ɲaanna julu la wulu u, Kirinŋ niŋ ji-i mwu saa a, a ra bilinatɔnŋ kiri tɛ.

Korɛntitɔnŋ kiri (1) 2:8

Ka juniɲa ka ru ŋununtiŋ kiri tɔri ka ɲakilitinbi ka tɔ kì, kí ji wuru ǹʼtɔ-ri, kí wuru-ra Ŋuntiŋ nɔɔritiŋ ki kpinkpi suu sun kì.

Korɛntitɔnŋ kiri (2) 3:14

Isirayɛlidaŋ kiri ciiru ɲakili kiri furu-i. Hali jiŋ, a kí ji Tɔnwɔri Bwuumaan ki sɛbɛ kiri kali-la, ǹʼyɔ ji-a miŋ tu kí juulinŋ la kí ɲaanna, kí yìrì ɲaantɔ-a kì. Kí so niŋ juulinŋ ki san-i arì ɲaannu sun kì, sabu niŋ juulinŋ ki i so-a san-i koŋ ɲaannu Kirisa bantenŋ na.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Galasitɔnŋ kiri 4:8

Waaci wɔ̀ ru ábɛɛ wuru Kirinŋ tɔ-a kì, ninki ncin wuru-i ábɛɛ i finŋ ni gbɛ-ri, nwɔ̀ri Kirinŋ i kì.

Efɛsitɔnŋ kiri 2:1

Ábɛɛ beenimaan ni wuru-i Kirinŋ ɲaanfɛ sun, sabu ábɛɛ wuru telibalibi ri fa bijɛ ri ma-a.

Efɛsitɔnŋ kiri 2:12

Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Tesalonikitɔnŋ kiri (1) 4:5

Á fa kakaalibi ki bidi á tɛ, miŋ tu Kirinŋ tɔbali kiri ǹʼji-a ɲaan wɔ̀ tɛ kì.

Iburu kiri 5:2

Ntiŋ a so koŋ bitɔbali kiri fa koŋ fɔnimaan kiri tɛbi tɔ-i, sabu ntiŋ yɛri ki rafaamaan i kì.

Iburu kiri 9:7

Nka fudaŋ fuluntɔnŋ ki ru, sarakawɔrɔtɔnŋ kiri ŋununtiŋ sinaŋ ki bantenŋ wuru de-a niŋ mani ki ru kaan tenŋ pe, jiri ki ru. Ntiŋ wuru de-a niŋ mani ki ru cunŋ bali kì. Ntiŋ wuru niŋ cunŋ ki wɔri-ra Kirinŋ tɛ, a yɛrima ki fa konaŋ kiri wɔ bijɛ kiri bira.

Yakuba 4:4

Ábɛɛ dariwulu bali kari! Ábɛɛ ji ǹʼtɔ-a, tu ŋi i juniɲa ki bidi nʼtɛ, tu niŋ i ǹʼbi-a tu miŋ Kirinŋ bikwɔ-a nʼsun wa? Konwɔtiŋ i ǹʼtɛ, a i a yɛri ji juniɲa ki wɔ wɔshuru u, ntiŋ i ji-a Kirinŋ ɲa a.

Pyɛɛri (1) 1:14

Á Kirinŋ wɔ wulu ki pa. Waarinŋ wɔ̀ ru, ábɛɛ wuru Kirinŋ tɔ-a kì, sɔŋ jɛ wɔ̀ wuru ábɛɛ ru, niŋ bishi fa ja á ru kili kì.

Yuhana (1) 2:11

Nka konwɔtiŋ a tindaŋ ki bikwɔ-i a sun, nintiŋ i mancinŋ ki ru, ntiŋ i tiri-ri mancinŋ nu, ntiŋ a tamaŋ tɔ-a kì, sabu mancinŋ ki ntiŋ ɲaanfwuu-u.