Efɛsitɔnŋ kiri 4:17 - Jɔ Biibili ki

¹⁷ Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Efɛsitɔnŋ kiri 4:17 ပူးပေါင်းရင်းမြစ်များ

Luki 16:28

sabu míŋ tindaŋ koŋ taanŋ i nmaŋ, wú i ta kí racin, nwɔma kí fa na ka ɲaniŋ ka ru sɛbɛ kì. ›

Mabikiri 14:15

Kí i ǹʼbi faanna tu : « Yɔɔ wɔshuru ri, ábɛɛ ka ma-a nfɛnŋ na? Yibɛɛ finŋ tɔri ri ábɛɛ bishi konanmini ni ciniŋ kì dɛ! Yibɛɛ na-i Kirinŋ wɔ Wulujii ki wu ábɛɛ tɛ, nwɔma ábɛɛ i áwɔ tanfinŋ gbansanŋ kari tu nmaŋ, á i Kirinŋ ɲaninkulutɔnŋ sɛlɛsɛli ki gbɛ-ri, ninwɔ̀ ki kirinpɔli ki fa pwɔkulinŋ ki fa wɛɛlufinju ki fa arì ciiru finŋ kiri bataa po-i.

Mabikiri 18:5

Kabi Silasi fa Timote po-i Maseduwanɛ kɛniŋ ki ru, kí i na, Pooli cinŋ tɔri ma Kirinŋ wɔ Wulujii ki sunjo ki fan kili kì. Ntiŋ wuru ǹʼbi fɔɔ-ra Yawutu kiri tɛ, tu Yesu Kirinŋ Ɲaannakonshimaan ki i.

Mabikiri 2:40

Pyɛɛri i kí waaju, ntiŋ i cunadi wulu mwɔɔnna tɔri ri bi kí tɛ. Ntiŋ wɔ wulu kiri ru, ntiŋ wuru ǹʼbi-a tu : « Á á yɛri kɔrɔshi jiintɔnŋ kiri wɔ maka jɛ ki ra, nwɔma á i á mwu. »

Mabikiri 20:21

Míŋ ǹʼbi-i Yawutu kiri fa shiya tɔri kiri tɛ tu kí ntɔri bi arɔɔ bijɛ kiri ra Kirinŋ ɲaanfɛ, ńʼtu kí i bili yibɛɛ Ŋuntiŋ Yesu ra.

Ɔrɔmutɔnŋ kiri 1:21

Sabu kí Kirinŋ tɔ-i, nka niŋ fa a fɔn na, kí arì tu kí i ǹʼgbɛ miŋ tu Kirinŋ i kì, kí fani baraka bi ǹʼtɛ kì. Kí ciiru ɲakili kwuu kiri kí fɔni-i, mancinŋ ki i a la kí ciiru ɲakili kiri sun.

Korɛntitɔnŋ kiri (1) 1:12

Tu ábɛɛ ru, tu ǹʼbɛɛ ri ǹʼbi-a tu : « Míŋ i Pooli wɔ. » Ǹʼtɔri ri i ǹʼbi-ri tu : « Míŋ i Apolɔsi wɔ. » Ǹʼbɛɛ i ǹʼbi-ri tu : « Míŋ i Pyɛɛri wɔ. » Ǹʼtɔri ri i ǹʼbi-ri tu : « Míŋ i Kirisa wɔ. »

Korɛntitɔnŋ kiri (1) 15:50

Ńʼtindaŋ ni, míŋ i nwɔ̀ bi-a, niŋ kɔri ki i tu firi wɔ̀ i yibɛɛ ra kaa, tu niŋ a so Kirinŋ wɔ Masabi ki kila-i kì. Finŋ wɔ̀ a gbɛ, niŋ a so ɲaninkulutɔnbi kɔbali kila-i kì.

Korɛntitɔnŋ kiri (2) 9:6

Á ǹʼtɔ tu konwɔtiŋ bilaŋ pyaanŋ firi-ra, tu nintiŋ i bilaŋ pyaanŋ tɛri-ra, nka tu nwɔ̀tiŋ bilaŋ mwɔɔnna firi-ra, tu nintiŋ i bilaŋ mwɔɔnna ki tɛri-ra sɛbɛ.

Galasitɔnŋ kiri 3:17

Mɔ́ɔ́n wulu ki kɔri ki i kaa tu : Kirinŋ a tɔnŋ wɔri-i, ŋì i taanshɛ bo ǹʼna miŋ tu wulubi sɔɔmaan, sariya ki i na jiri jankɔli fa jiri kɔniŋ fa byinŋ (430) niŋ tɔnwɔri ki kɔɔtɛ. Niŋ sariya ki so-a niŋ tɔnwɔri ki ru wulu ki rapwulu-i, ŋì i ǹʼli kì.

Galasitɔnŋ kiri 5:3

Míŋ a pwulu ǹʼsun sɛbɛ, ńʼtu konwɔtiŋ a yɛri sɔɔpeefɛ ńʼtu ntiŋ kakan ntiŋ i a kulu sariya ki bataa tɛ.

Efɛsitɔnŋ kiri 1:22

Kirinŋ finŋ bataa kulu-i Kirisa tɛ, ŋì i ntiŋ sɔɔ awɔ bilinatɔnŋ kwuru kiri bataa ŋununu, bi bataa ra.

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Kɔlɔsitɔnŋ kiri 2:18

Koŋ wɔ̀ri i arì ji-a koŋ sunjɛrimaan ni i, kí i mɛlɛkɛn kiri gbɛ-ri, á fa ncusun nini tɔri i á firi kilɛn kì. Niŋ koŋ kwuru kiri i arì gbɛ bili-la arɔɔ finŋ jamaan kiri sun, kí i arì yɛri ragbɛ-ri niŋ konanmini ciiru ɲakilililabi gbansanŋ kiri wu.

Kɔlɔsitɔnŋ kiri 2:4

Míŋ i ka bi-a ábɛɛ tɛ, nwɔma koŋ tɔri fa na ábɛɛ ɲaannafini wulu sunnɔni ni wu kì.

Tesalonikitɔnŋ kiri (1) 4:6

Koŋ fa a kaashi bilinatɔnŋ daali niŋ bi bishi ki ru kì, sabu miŋ tu yibɛɛ dali-i yi i ǹʼbi furu ábɛɛ tɛ ɲaan wɔ̀ tɛ, Ŋuntiŋ ki a ǹʼtɔri kɔni salibali tu kì.

Timote (1) 5:21

Míŋ i ǹʼceeli-la miŋ gbɛ, ŋí i ǹʼfuru, Kirinŋ fa Yesu Kirisa fa Mɛlɛkɛn wɔlinŋ kiri ɲaniŋ i yibɛɛ ra, ńʼtu a cinŋ bimaan kari bataa po arì saa tɛ telibi wu, fa koŋ san koŋ nu kì.

Timote (1) 6:13

Kirinŋ wɔ̀ i ɲaninkulutɔnbi ki wɔri-ra finŋ bataa tɛ, niŋ fa Yesu Kirisa wɔ̀ sɛli ki bi-i Pɔnsi Pilati ɲaanna, nini ɲaniŋ i yibɛɛ ra,

Timote (2) 4:1

Míŋ a ǹʼbi furu miŋ tɛ Kirinŋ fa Yesu Kirisa ɲaanfɛ, ninwɔ̀ a kiti ki kwuru ɲaninkulutɔnŋ kiri fa konkwuu kiri sun, ńʼtu a ǹʼma Kirisa na ki fa ǹʼwɔ masabi ki bira,

Pyɛɛri (1) 1:18

Sabu ábɛɛ á tiŋ cɛɛnni kiri kanishi-i arɔɔ bi tawɔ mabi wɔ̀ri ra, Kirinŋ ábɛɛ mwu san-i niŋ wu. Ŋì i ábɛɛ ŋunsan finŋ wu, nwɔ̀ a li, miŋ tu wari walima sɛniŋ i kì.

Pyɛɛri (2) 2:18

Wulu sinaŋ sinaŋ fa wulu gbansanŋ bi ki di-i kí tɛ. Nwɔ̀ri i faa po san-a koŋ fɔnimaan kiri gbɛfɛ, kí i nini sunnɛɛn-na firi dintɛ bi jɛ kiri wu.