Efɛsitɔnŋ kiri 4:14 - Jɔ Biibili ki

¹⁴ Niŋ na, yibɛɛ ra tu tiraŋ ni i kili kì. Koŋ wɔ̀ri i konaŋ kiri sunnɛɛn-na puru kiri fa namarinŋ wulu kiri wu, nini a so yibɛɛ curu san-i saa shɔɔrinŋ ki sun kì, kí i yi i fifa de-ri kɛlinŋ ki fɔn tɛ kì, miŋ tu ju fa faa i buŋ curu-ra ɲaan wɔ̀ tɛ.

Efɛsitɔnŋ kiri 4:14 ပူးပေါင်းရင်းမြစ်များ

Matiyu 11:7

Wutɔnŋ Yuhana wɔ kalindaŋ kiri arì pwulu-i waarinŋ wɔ̀ ru, Yesu i ntiŋ ɲaanbi-ri konaŋ ki tɛ, ntiŋ tu kí tɛ : « Ábɛɛ ta-ri nfɛnŋ shɛɛli jaŋ ki faninmwuŋ? Faa wɔ ɲɔɔnni nutimaanna wuru-i wa?

Matiyu 24:11

Cintɔnŋ purubitɔnŋ mwɔɔnna na po, kí i konaŋ mwɔɔnna fɔni.

Matiyu 24:24

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma arì i konaŋ ki bataa fɔni, fɔ ŋì i ta bo Kirinŋ wɔ konanbi ki sun, a kí ji wuru-ra so niŋ na kɔniŋ.

Mabikiri 23:21

Nka á fa bili kí ra, á i á tu kì, sabu kɔ́ɔ́ koŋ kiri bɛɛ ri a na arì radu Pooli jɛŋ saa ki sun, kí i ntiŋ kilɛn. Niŋ koŋ kiri mwɔ-i koŋ yaafuuli wu. Kí arì kɔni-i, tu arìbɛɛ ra nufinŋ nu walima ju mwunu Pooli kilɛnbali kì. Kí ramɔni sɔɔmaan yɛ dɔɔ. Kí i finŋ wɔ̀ tenŋ suu-ra, niŋ i ábɛɛ i á tu, á i Pooli wɔri. »

Korɛntitɔnŋ kiri (1) 12:2

Á ǹʼtɔ tu, ábɛɛ wuru Kirinŋ tɔbali li waarinŋ wɔ̀ ru, tu ábɛɛ wuru bili de-a pɛli li cɛfan, finŋ wɔ̀ri yɛri so-a wulubi-i kì.

Korɛntitɔnŋ kiri (1) 14:20

Ńʼtindaŋ ni, á fa bi kiri shɛɛli miŋ tu tiraŋ ni kì. Nka nwɔ̀ i bijɛ ki i, á ji miŋ tu tiraŋ ni, nka bi shɛɛlika ɲaan ki tɛ, á ji bwuumaan ni i.

Korɛntitɔnŋ kiri (1) 3:19

Sabu ka juniɲa ka ru ɲakilitinbi ki i maannikɔnɔbi i Kirinŋ ɲaanna. Niŋ ki ra, ǹʼsɛbɛ-i Kirinŋ wɔ wulu ki ru tu : « Ǹʼyɔ ɲakilitiŋ kiri pa-a arì yɛrima ki wɔ kɛrɛbi ki wu. »

Korɛntitɔnŋ kiri (2) 2:17

Koŋ mwɔɔnna i Kirinŋ wɔ wulu ki rapwulu-la, kí i ǹʼnu jɔɔ tan-ni, yibɛɛ kɔniŋ miŋ tu nini kì. Kirinŋ yibɛɛ cin-i, yibɛɛ i wulu ki bi-a fɔɔbi wu ǹʼɲaanfɛ Kirisa baraka ra.

Korɛntitɔnŋ kiri (2) 4:2

Konaŋ kiri i arì ɲaankwunbi wɔ̀ri fa arɔɔ bi kulinŋ wɔ̀ri radu-a, yibɛɛ nini bishi ri ma-a kì. Yibɛɛ koŋ sunnɛɛn kì. Yi dumiŋ Kirinŋ wɔ wulu ki rapwulu-la kì. Nka yibɛɛ i sɛli ki fɔɔ bi-a Kirinŋ ɲaanfɛ, nwɔma koŋ bataa i ǹʼtɔ tu yibɔɔ wulu ki sɛli i.

Galasitɔnŋ kiri 3:1

Ábɛɛ Galasitɔnŋ kɛrɛbibali kari, nkɛnŋ ábɛɛ jɛnceeli sa? Yesu kpinkpi-i suu ki sun ŋuŋ wɔ̀ ra, míŋ niŋ fɔɔ ji-i ábɛɛ wu dɛ!

Efɛsitɔnŋ kiri 6:11

Kirinŋ kari tanfinŋ wɔ̀ri wɔri-i ábɛɛ tɛ, á yìrì bataa shi bo á sun, nwɔma á i so tu-i, á i shitaanni wɔ daalinŋ kiri kari.

Timote (1) 3:6

Ntiŋ fa ji bilinatɔnŋ ŋunaŋ i kì, a niŋ ji-i ntiŋ a so a yɛri ragbɛ-i, kiti ki i fɛɛn ntiŋ sun, miŋ tu ǹʼfɛɛn-ɛ shitaanni sun ɲaan wɔ̀ tɛ.

Timote (2) 1:15

Miŋ ǹʼtɔ-i tu Asi sɔɔta ki ru tɔnŋ kiri bataa arì kaan míŋ tɛ. Fijɛli fa Erimojɛni fɔn i nini fan.

Timote (2) 3:13

Nka, koŋ juumaan kiri fa daalintiŋ kiri ra na ǹʼbɛɛ bo-ri arɔɔ bijɛ kiri sun, kí i konaŋ ki fɔni-ni, miŋ tu kí yɛrima kiri fɔni-i ɲaan wɔ̀ tɛ.

Timote (2) 4:3

Sabu waarinŋ bɛɛ ra na so, konaŋ kiri ra na arì tɔɔnye-ri kalinŋ sɛlɛsɛli ki tɛ kì, nka kí a na kalimɔɔ mwɔɔnna ceeli arì yɛri tɛ, nwɔ̀ri ra kí tɔɔn na wulu jii kiri bi-ri kí tɛ, ŋì i kɛɲɛ kí firi kiri dintɛ bi kiri wu.

Iburu kiri 13:9

Á fa ncusun koŋ i á fɔni kalinŋ ŋunaŋ kwuru mwɔɔnna tɔri ri wu kì. Sabu konanmini kakan-i, ŋì i tɔnnafurubi kila Kirinŋ wɔ shɔɔrinŋ ki baraka ra, nka ŋì fa ji nufinŋ bi i kì, sabu nwɔ̀ri niŋ bi kiri rasɔɔ, nini tɔnɔ dantenŋ kila ǹʼnu kì.

Yakuba 1:6

Nka, ntiŋ Kirinŋ nafɛ bilinabi wu, ntiŋ fa sii sii ǹʼna kì. Konwɔtiŋ i sii sii-ra, nintiŋ i miŋ tu jukwululuŋ, faa ki i ninwɔ̀ shi kee de-a mani bataa ru. Niŋ kɔri ki i tu ntiŋ bili-la Kirinŋ na kì.

Yakuba 3:4

Ábɛɛ jusunbuŋ ki shɛɛli sɛbɛ, ǹʼgbɛ-i, ǹʼfa awɔ gbɛbi ki sun, niŋ fa hali faa sinaŋ kiri ji ǹʼnucuru-ra, toŋ pyaanŋ i niŋ napwulu ta-a a bilitɔnŋ ki ɲaanna maŋ ki bataa ru.

Pyɛɛri (2) 2:18

Wulu sinaŋ sinaŋ fa wulu gbansanŋ bi ki di-i kí tɛ. Nwɔ̀ri i faa po san-a koŋ fɔnimaan kiri gbɛfɛ, kí i nini sunnɛɛn-na firi dintɛ bi jɛ kiri wu.

Yuhana (1) 2:19

Niŋ Kirisa ɲa kiri po-i yibɛɛ ru, nka sɛli ki ra, kí wuru yibɛɛ bɛɛ ri i kì, sabu a kí ji wuru yibɛɛ bɛɛ ri i, kí wuru-ra tu yibɛɛ fan. Kí po san-i yibɛɛ fan, nwɔma ŋì i tɔ, tu nwɔ̀ri fɔn yibɛɛ fan, tu nini bataa yibɛɛ bɛɛ ri i kì.

Yuhana (1) 2:26

Konwɔtiŋ ni i ábɛɛ fɔni-na, míŋ i ka sɛbɛ ka wɔri-ra ábɛɛ tɛ niŋ kiri bira.

Yuhana (1) 4:1

Míŋ tindaŋ byii ri, koŋ wɔ̀ri i ǹʼbi-a tu Ɲiniwɔlinŋ ki arìbɛɛ ru, á fa bili nini bataa ra kì. Nka á ɲini kiri rufɔɔka shɔ, a Kirinŋ wɔ ki ji-i walima a niŋ ji-i kì, ábɛɛ ra niŋ tɔ. Á ǹʼtɔ tu cintɔnŋ purubitɔnŋ kiri mwɔ juniɲa ki ru dɔɔ.

Yodasi 1:12

Niŋ koŋ kiri i ábɛɛ tɔ li-a áwɔ tindanbi nufinŋ numaŋ kiri ru, sabu a kí ji ɲaannabyɛmaŋ kiri ru, kí ɲaankwun-a kì, kí ɲakili ki i ji-a arì pyiika ki bantenŋ na, kí koŋ cɔye-a arì fan kili kì. Kí i miŋ tu kirinmini, faa i nwɔ̀ shi-a, kirinŋ judaŋ po-a nwɔ̀ ru kì, walima jirinŋ nwɔ̀ daŋ pa-a, hali a pa waari ru kì. Kí i miŋ tu jirinŋ, nwɔ̀ fa a kanaŋ cɛn po-i, kí beeni-i kaan fuuli.

Jafinŋ ki 19:20

Kpalinŋ ki i pa, niŋ fa cintɔnŋ purubitɔnŋ ki i pa, ninwɔ̀ wuru kabakobi kiri ma-a kpalinŋ ki ɲaanfɛ, ŋì i konaŋ kiri fɔni-ni, nwɔma kí i arì tu, kpalinŋ ki wɔ taanshɛ ki i bo arì ra, niŋ fa kí i ǹʼminiŋ ki gbɛ-ri. Kpalinŋ ki fa cintɔnŋ purubitɔnŋ ki ɲaninkulutɔnŋ ni i pa kee kukuta cuumaan tuutiŋ ki fa kiribitiŋ ki ru.