13 Niŋ ɲaan ki tɛ, yibɔɔ bilinabi ki fa yɔɔ Kirinŋ Danshuru ki tɔmaan ki bira, yibɛɛ bataa ra na ji tenŋ i, yi i kɔɔ, yi i ji koŋ nafaamaan ni i, miŋ tu Kirisa.
Ntiŋ i ǹʼbi konaŋ ki tɛ tu : « Míŋ Tiŋ ki finŋ kiri bataa de-i míŋ gbɛfɛ. Koŋ tɔri tenŋ Danshuru ki tɔ-a kì, duu Tiŋ ki tenŋ pe. Tiŋ Kirinŋ i nwɔ̀, koŋ tɔri tenŋ niŋ tɔ-a kì, duu Danshuru ki tenŋ pe, niŋ fa Danshuru ki ji ǹʼtɛ a i kí ji konwɔtiŋ wu. »
nwɔma kí bataa i ji tenŋ i. Míŋ Tiŋ, ábɛɛ i míŋ nu, míŋ i ji ábɛɛ ru, mìŋ ɲaan tenŋ ki tɛ, á ncusun kí i ji yibɛɛ ru, nwɔma juniɲa ki i bili ǹʼna, tu ábɛɛ kiri míŋ cin.
Bilinatɔnŋ kiri bataa fu wuru-i, kí ɲakilila ki wuru tenŋ i, niŋ fa kí miiri ki i ji tenŋ i. Koŋ tɔri wuru ǹʼbi-a tu afinŋ gbɛfɛfinŋ kiri wuru a tenŋ wɔ kì. Nka kɔ́ɔ́ finŋ kiri bataa wuru kí furuba a.
Ńʼtindaŋ ni, míŋ i ábɛɛ rafɛ-a, ńʼtu á ǹʼma yi Ŋuntiŋ Yesu tɔ ki bira, á i fu tenŋ sun. Á fa ncusun rukila ɲakili i de á faninmwuŋ kì. Á ɲakili kiri ji tenŋ áwɔ bi ma wɔ kiri bataa ra.
Nka nwɔ̀ri tiri-i jɛŋ bilinabi ki ru kɔ, yibɔɔ waajulu ki i ɲakilitinbi i nini ɲaanna. Niŋ ɲakilitinbi ki fa juniɲa wɔ ki tenŋ i kì, ǹʼdumiŋ fa ka juniɲa ka ŋununtiŋ kiri wɔ ki tenŋ i sɛbɛ kì, niŋ ŋununtiŋ kiri bataa i kɔ-a.
Mìŋ Kirinŋ wɔ̀ ki ǹʼbi wuru tu manisarinŋ ki po mancinŋ ki faninmwuŋ, mìŋ tenŋ ki i manisarinŋ ki po-a yibɛɛ ciiru tɔnŋ kiri ra, nwɔma ǹʼwɔ nɔɔri sinaŋ wɔ̀ i Kirisa ra, yibɛɛ i niŋ tɔbi ki kila.
Ńʼdaŋ ni, míŋ cɔɔrimaan i faa ábɛɛ bira miŋ tu mari ra ji awɔ daŋ ji ciiyaa ra, fɔ ŋì i ta so waaci wɔ̀ ru, míŋ na ǹʼja tu ábɛɛ ji Yesu Kirisa bilinatɔnŋ sɔbɛ ri i.
Míŋ i ǹʼnafɛ-a Kirinŋ nɔɔritiŋ ki gbɛ, ninwɔ̀ i yibɛɛ Ŋuntiŋ Yesu Kirisa tiŋ ki i, tu ŋì ɲakilitinbi wɔri á tɛ, ŋì i a yɛri ji á wu, nwɔma á i ǹʼtɔka shɔ.
Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ.
Míŋ i finŋ wɔ̀ ceeli-la, niŋ i kaa : ŋí i Kirisa tɔ, sotinbi wɔ̀ ntiŋ ŋmɛni-i, ŋí i niŋ tɔ, ŋí i ńʼwɔ lu kila ntiŋ wɔ ɲaanfɛkwulu ki ra, ŋí i ji ntiŋ bishi i, hali beŋ ki ra,
Sɛli ki ra, finŋ bataa i míŋ gbɛ ǹʼtawɔ ɔ, Kirisa bi ki bira. Míŋ ńʼkaan-a finŋ pyɛ kiri bataa tɛ, ŋí i yìrì ji miŋ tu shinŋ sun jɛ ri i, nwɔma ŋí i ńʼŊuntiŋ Yesu Kirisa tɔ,
Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.
Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.
Ǹʼwɔ nɔɔri ki fa ǹʼwɔ shɔɔrinŋ ki baraka ra, ŋì bi sinaŋ ni tɔnŋ wɔri-i yibɛɛ tɛ, nini wɔ̀ri pari-i finŋ fɔn bataa wu. Ŋì niŋ ma-i, nwɔma yibɛɛ i yi mwu juniɲa ka ru firi dintɛ bi jɛ kiri wu, nwɔma yi i so tiri fu-i Kirinŋ ɲaan ki wu.
Nka, á á banba, á i ǹʼbɛɛ bo-ri yibɛɛ Ŋuntiŋ fa yi Mwutɔnŋ Yesu Kirisa tɔbi ki fa ntiŋ wɔ shɔɔrinŋ ki sun. Nɔɔri ji ntiŋ wɔ dɔnsaŋ, niŋ fa waarinŋ bataa ru! Amiina!
Yibɛɛ ǹʼtɔ-i sɛbɛ tu Kirinŋ Danshuru ki na, ŋì i ɲakilitinbi wɔri yibɛɛ tɛ, nwɔma yi i Kirinŋ sɛlɛsɛli ki tɔ. Niŋ ɲaan ki tɛ, yibɛɛ fa Kirinŋ sɛlɛsɛli ki i yimaŋ fan, yi fa ǹʼDanshuru Yesu Kirisa i ji yimaŋ fan. Mìntiŋ ki i Kirinŋ sɛlɛsɛli ki i, niŋ fa ɲaninkulutɔnbi kɔbali ki i.