Efɛsitɔnŋ kiri 4:12 - Jɔ Biibili ki

¹² Ŋì niŋ bataa ma-i, nwɔma nini i ye Kirinŋ wɔ konanbi ki tɛ, kí i so ǹʼwɔ baara ki maka shɔ-i, ǹʼbɛɛ i bo Kirisa firi ki gbɛbi ki sun.

Efɛsitɔnŋ kiri 4:12 ပူးပေါင်းရင်းမြစ်များ

Luki 22:32

Nka míŋ Kirinŋ nafɛ-i miŋ Simɔŋ tɛ, nwɔma nʼwɔ bilinabi ki fa na li kì. A miŋ na ntɔri bi waarinŋ wɔ̀ ru, ŋi i nʼpwulu míŋ tɛ, ŋi i nʼtindaŋ kiri cunadi. »

Mabikiri 1:17

Yudasi wuru yibɛɛ bɛɛ ɛ. Yi wuru baara tenŋ ma-a.

Mabikiri 1:25

ntiŋ i ji áwɔ cindaŋ i Yudasi ta ru, sabu niŋ po san-i cindanbi ki ra, wú i ta a yɛri kilɛn, niŋ ɲaan ki tɛ, wú wuru nwɔ̀ ceeli-la, wú niŋ kila-i. »

Mabikiri 11:23

Barinabasi so-i nmaŋ waarinŋ wɔ̀ ru, ntiŋ i Kirinŋ wɔ baara mamaan ki ja bilinatɔnŋ kiri wu, niŋ i ntiŋ tɔnfili. Ntiŋ i bilinatɔnŋ kiri cunadi, tu kí ǹʼpa tu Ŋuntiŋ ki cɛfan tɔnnafurubi wu.

Mabikiri 20:24

Niŋ fa a fɔn na, míŋ ńʼyɛri ki ɲini ki ja-a finŋ tɔri kì. Míŋ tɔnnabi ki i, nwɔma ŋí i so ńʼwɔ baara ki rakɔ-i. Ŋuntiŋ Yesu awɔ cinŋ wɔ̀ biye-i míŋ gbɛsun, tu míŋ Kirinŋ wɔ shɔɔrinŋ ki Wulujii ki sunjo konaŋ ki bataa tɛ, míŋ i ninki shɛɛli-la. »

Mabikiri 20:28

Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu.

Mabikiri 9:31

Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.

Ɔrɔmutɔnŋ kiri 12:5

Mìŋ ɲaan tenŋ ki tɛ, yibɛɛ bilinatɔnŋ kiri mwɔ-i, nka yi bataa i firi tenŋ i, Kirisa wɔ tenbi ki baraka ra. Yibɛɛ bataa da-i yimaŋ na, miŋ tu firi ki mani kiri da-i arìmaŋ na ɲaan wɔ̀ tɛ.

Ɔrɔmutɔnŋ kiri 12:7

Minwɔ̀tiŋ kafinŋ ki ji-i cinŋ i, niŋ ma. A mɔɔn ki ji kalinŋ wɔrirama a, konaŋ kiri kali.

Ɔrɔmutɔnŋ kiri 14:19

Niŋ ki ra, yi ɲaanfɛfili ceeli yimaŋ faninmwuŋ, niŋ fa yi i ǹʼceeli, yi i ta jɛŋ bilinabi ki ru.

Ɔrɔmutɔnŋ kiri 15:14

Ńʼtindaŋ ni, míŋ kɔniŋ bili-i ǹʼna, ńʼtu ábɛɛ faa-a shɔɔrinŋ fa tɔbi ra, ńʼtu ábɛɛ ra so ámaŋ nacin-i.

Ɔrɔmutɔnŋ kiri 15:2

Koŋ fɔn tenŋ tenŋ ǹʼceeli, ŋi i nʼkaashi ki dintɛ bi kiri ma, nwɔma ntiŋ i shɔ, ǹʼbɛɛ i bo ntiŋ wɔ bilinabi ki sun.

Ɔrɔmutɔnŋ kiri 15:29

Míŋ bili-i ǹʼna, ńʼtu míŋ na so ábɛɛ tɛ, ńʼtu yibɛɛ ra ta waaci wɔ̀ ma yimaŋ fan, ńʼtu Kirisa a baraka de niŋ nu ǹʼmwɔɔnna.

Korɛntitɔnŋ kiri (1) 12:27

Ábɛɛ i Kirisa firi ki i. Ábɛɛ bataa tenŋ tenŋ i niŋ firi ki mani ki bɛɛ ɛ.

Korɛntitɔnŋ kiri (1) 12:7

Ɲiniwɔlinŋ ki i kafinŋ wɔri-ra bilinatɔnŋ ki fɔn tenŋ tenŋ tɛ, nwɔma koŋ pyɛ kiri bataa i po ntiŋ doŋ na.

Korɛntitɔnŋ kiri (1) 14:12

Miŋ tu Ɲiniwɔlinŋ ki wɔ kafinŋ kiri tɔ ki i ábɛɛ ru ɲaan wɔ̀ tɛ, kafinŋ wɔ̀ri i ǹʼbɛɛ bo-a bilinatɔnŋ kwuru ki wɔ jɛŋ ta ki sun, á nini mwɔɔnna ceeli.

Korɛntitɔnŋ kiri (1) 14:14

A míŋ ji Kirinŋ nafɛ-a wulu kwuru tɔri ru, niŋ Kirinŋ nafɛ ki i ji-a míŋ ɲini ki wɔ, nka míŋ ɲakili ki faan ji-a ǹʼsun kì.

Korɛntitɔnŋ kiri (1) 14:26

Ńʼtindaŋ ni, ábɛɛ kakan á i nfɛnŋ ma? A ábɛɛ ámaŋ nakɔli, a Kirinŋ gbɛ shu ji ǹʼbɛɛ gbɛ, nintiŋ niŋ pɔri. A wulu ji ǹʼbɛɛ gbɛ, ntiŋ koŋ pyɛ kiri kali niŋ na. A Kirinŋ ji wulu de ǹʼbɛɛ daru, nintiŋ niŋ bi. A ǹʼbɛɛ ji ǹʼtɛ, a i wulubi wulu kwuru tɔri ru, nintiŋ i niŋ bi. A ǹʼtɔri ji-a so niŋ wulu kwuru tɔri ki kɔri bi-i, nintiŋ i niŋ bi. Nka niŋ bataa ŋuŋ ki i tu ǹʼbɛɛ i bo bilinatɔnŋ kiri wɔ baraka ki sun.

Korɛntitɔnŋ kiri (2) 12:19

Kabi waaci ŋmani na, ábɛɛ i ǹʼmiiri-ra tu yibɛɛ ra ji jii wɔrimaŋ ceeli-la yi yɛri tɛ. Aayi! Niŋ i kì, nka yibɛɛ i ka bataa bi-a Kirinŋ ɲaanfɛ yi fa Yesu Kirisa wɔ tenbi ki baraka ra. Tindaŋ byii ri, yibɛɛ ka bataa bi-a ábɛɛ tɛ, nwɔma ábɛɛ i ta jɛŋ áwɔ bilinabi ki ru.

Korɛntitɔnŋ kiri (2) 13:11

Ayiwa ńʼtindaŋ ni, Kirinŋ tu á fan, ŋì i ɲaanfɛfili wɔri á tɛ! Á á cunadi, á i ji koŋ nafaamaan ni i. Á i ámaŋ cunadi-ri. Á á ɲakilila kiri ji tenŋ i, á i fu, a niŋ ma, bidintɛbitiŋ Kirinŋ ki, ninwɔ̀ i ɲaanfɛfilitiŋ Kirinŋ ki i, niŋ a tu ábɛɛ fan.

Korɛntitɔnŋ kiri (2) 13:9

Hali yibɛɛ baraka ki ji kuru, a ábɛɛ baraka ki ja ji gbɛ bilinabi ki ru, niŋ i yibɛɛ ciirudi-a. Yibɔɔ Kirinŋ nafɛ ki i kaa tu ábɛɛ ji koŋ nafaamaan ni i.

Korɛntitɔnŋ kiri (2) 3:8

Niŋ na, a sariya ki nɔɔri ki ji niŋ ma, Ɲiniwɔlinŋ ki wɔ baara ki nɔɔri ki a gbɛ niŋ wu kì wa?

Korɛntitɔnŋ kiri (2) 4:1

Kirinŋ yibɛɛ sunmakwulupa-i ka ɲaan ka tɛ, ŋì i ka baara ka biye yibɛɛ gbɛsun, niŋ ki ra, yibɛɛ yi firi kilɛn-a kì.

Korɛntitɔnŋ kiri (2) 5:18

Niŋ bataa i po-a Kirinŋ nu, ninwɔ̀ ki yibɛɛ fa a faninmwuŋ ki ramɔni-i Kirisa baraka ra, ŋì i kila ŋì i niŋ faninmwuŋ namɔni baara ki biye yibɛɛ gbɛsun.

Korɛntitɔnŋ kiri (2) 6:3

Nwɔma pɔlimaŋ fa kila yibɔɔ baara ki ra kì, yibɛɛ i yi banba-a ɲaan ki fɔn tɛ, yi fa ji koŋ tɔri tenŋ fɛɛn ŋuŋ i kì.

Korɛntitɔnŋ kiri (2) 7:1

Míŋ tindaŋ byii ri, a Kirinŋ ji niŋ bi kiri tɔnŋ wɔri yibɛɛ tɛ, yi yi wu fɔɔ, yi i po san firi ki nɔɔbi kiri, fa ciiru tɔnŋ ki nɔɔbi kiri bataa ru, yi i yɔɔ fɔɔbi ki rafaa Kirinŋ jɛŋ kɛmi ki wu.

Efɛsitɔnŋ kiri 1:23

Bilinatɔnŋ kwuru kiri i ntiŋ firi ki i. Finŋ woo finŋ i Kirisa ru, niŋ bataa i bilinatɔnŋ kwuru kiri ru, ŋì i ji juniɲa mani ki bataa ru.

Efɛsitɔnŋ kiri 4:16

Niŋ kwuru ki, ninwɔ̀ i bilinatɔnŋ kiri i, niŋ mani kiri bataa kɔlimaan yɛ arìmaŋ na mìŋ Yesu Kirisa ki bira. A niŋ mani kiri bataa arì tukulu ki faa, firi ki bataa ra ta jɛŋ bidintɛbi ki ra.

Efɛsitɔnŋ kiri 4:29

Wulu kulinŋ fa po ábɛɛ tɔnŋ na kì, nka á wulu shɔɔrinŋ bi, nwɔ̀ a ye koŋ tɔri ki tɛ, ntiŋ i ta jɛŋ Kirinŋ wɔ saa ki fan. Á wulu fumaan ni bi-ri, nwɔ̀ri a shɔɔrinŋ ma arì ramatɔnŋ kiri tɛ.

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Kɔlɔsitɔnŋ kiri 1:24

Dɔnsaŋ, míŋ i ńʼyoori-ra ńʼwɔ cɔɔri kilamaan ki ra ábɛɛ bira, sabu nwɔ̀ cin wuru Kirisa wɔ cɔɔri ki ra, míŋ i niŋ nafaa-ra ńʼfiri ki wu, Kirisa firi ki tɛ, ninwɔ̀ i bilinatɔnŋ kwuru kiri i.

Kɔlɔsitɔnŋ kiri 1:28

Yibɛɛ i niŋ Kirisa ki bi ki sunjo-a, yi i konaŋ kiri bataa racin-ni, yi i kí kali-li ɲakilitinbi ki bataa wu, nwɔma konaŋ ki bataa tenŋ tenŋ i so ji-i koŋ nafaamaan ni i, Kirinŋ ɲaanfɛ Kirisa sababu ra.

Kɔlɔsitɔnŋ kiri 4:17

Míŋ tu, ŋì i bi Arisipi tɛ, tu Ŋuntiŋ ki cinŋ wɔ̀ biye-i ntiŋ gbɛsun, tu ntiŋ a ɲakili tu niŋ na, ntiŋ i ǹʼmaka shɔ.

Timote (1) 1:12

Míŋ i coolinŋ wɔri-ra yibɛɛ Ŋuntiŋ Yesu Kirisa tɛ, ninwɔ̀ mɔ́ɔ́n cinŋ ki ma faan ki wɔri-i ńʼtɛ. Ŋí i saaki, ŋí i coolinŋ wɔri ǹʼtɛ, sabu ǹʼbili-i míŋ na, ŋì i awɔ cinŋ ki biye míŋ gbɛsun.

Timote (2) 4:11

Luki tenŋ pe i míŋ fan kwumaŋ dɔɔ. A miŋ ji na-a, ŋi i na Maraka wu nʼfan, sabu ntiŋ a so ye-i míŋ tɛ ńʼwɔ cinŋ ki ra.

Timote (2) 4:5

Nka, miŋ kɔniŋ, nʼyɛri paka tɔ bi bataa ra. Cɔɔri kiri pa nʼna, ŋi i nʼwɔ cinŋ ki maka shɔ, ninwɔ̀ i Kirinŋ wɔ Wulujii ki sunjorama ki i.

Iburu kiri 13:17

Á á jɛnpatɔnŋ kiri gbɛ, á i á kulu kí tɛ. Kíbɛɛ kiri i arì ɲakili tu-a ábɔɔ ɲaninkulutɔnbi ki ra, sabu kí a ta arì kwuran Kirinŋ tɛ. Á ncusun kí ciirudimaan ni i arɔɔ baara ki ma, ŋì fa ji ɲaannuŋunu wu kì. A niŋ ji-i kì, ábɛɛ ra tɔnɔ kila ǹʼnu kì.

Iburu kiri 6:1

Niŋ ki ra, yi fa tu Kirisa bi ki sun kalinŋ tɔnpa wulu kiri sun kì, nka yi ta jɛŋ kalinŋ ni wu, nwɔ̀ri ra yibɛɛ kɔɔ. Yi fa yi pwulu kalinŋ tɔnpa wulu kari sun kì. Niŋ kalinŋ wɔ̀ri i ǹʼbi-a tu koŋ kakan, ŋi i ntɔri bi nʼwɔ bi kulinŋ kiri ra, ŋi i bili Kirinŋ na,