Efɛsitɔnŋ kiri 4:11 - Jɔ Biibili ki

¹¹ Mìŋ Kirisa tenŋ ki ǹʼbɛɛ ri ji-i awɔ cindaŋ ni i, ŋì i ǹʼbɛɛ ri ji Kirinŋ wɔ cintɔnŋ ni i, ŋì i ǹʼbɛɛ ri ji Wulujii sunjotɔnŋ ni i, ŋì i ǹʼbɛɛ ri ji bilinatɔnŋ kiri maritiiri i, ŋì i ǹʼtɔri ri ji bilinatɔnŋ kiri wɔ kalimɔɔ ri i.

Efɛsitɔnŋ kiri 4:11 ပူးပေါင်းရင်းမြစ်များ

Matiyu 28:20

Míŋ finŋ woo finŋ ji-i ábɛɛ wu, á i kí kali nini bataa ra, tu kí tiri kɛɲɛ nini wu. Míŋ kɔniŋ a tu ábɛɛ fan jibi woo jibi, fɔ ka juniɲa ka i ta kɔ. »

Mabikiri 13:1

Kirinŋ wɔ cintɔnŋ ni fa kalimɔɔ ri wuru Antiyɔsi bilinatɔnŋ kiri ru. Nini bɛɛ ri tɔ ri wuru Barinabasi niŋ fa Simɔŋ, nwɔ̀ wuru dɔri-ra tu Ninshɛri. Ǹʼbɛɛ tɔ i ji Lusisi, niŋ wuru po-a Sirɛni sɔɔta ki ru, ǹʼbɛɛ tɔ i ji wuru tu Manahɛni, niŋ fa masa Ɛrɔdi Antipasi rakili wuru arìmaŋ fan. Ǹʼtɔri tɔ i ji wuru tu Sɔɔli.

Mabikiri 20:28

Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu.

Mabikiri 21:8

Niŋ sisarifuluntɔnŋ ki, yibɛɛ po-i niŋ mani nu, yi i ta so Sensare kili ki ra. Yibɛɛ i ta jɛri Kirinŋ wɔ Wulujii bitɔnŋ Filipu wɔ mani nu. Yerusalɛmu bilinatɔnŋ kiri koŋ jɔnpɔni wɔ̀ri ɲaannashi wuru-i, Filipu wuru nini bɛɛ tenŋ i.

Ɔrɔmutɔnŋ kiri 12:7

Minwɔ̀tiŋ kafinŋ ki ji-i cinŋ i, niŋ ma. A mɔɔn ki ji kalinŋ wɔrirama a, konaŋ kiri kali.

Korɛntitɔnŋ kiri (1) 12:4

Kafinŋ kwuru mwɔɔnna i nmaŋ, nka mìŋ Ɲiniwɔlinŋ tenŋ ki i nini bataa wɔri-ra.

Efɛsitɔnŋ kiri 2:20

Ábɛɛ ji-i miŋ tu fu sinaŋ, nwɔ̀ cɛ sɔɔ-ɔ Yesu wɔ cindaŋ kiri fa Kirinŋ wɔ cintɔnŋ kiri sun, Yesu Kirisa yɛrima ki i niŋ fu ki kwɔ jɔnɔ ki i.

Efɛsitɔnŋ kiri 3:5

Kirinŋ niŋ gonto ki ji konanmini sɛri tɔri tenŋ wu waarinŋ fwuudemaan ki tɔri tenŋ nu kì. Nka dɔnsaŋ, ŋì ǹʼji-i Yesu wɔ cindaŋ kiri fa Kirinŋ wɔ cintɔnŋ wɔlinŋ kiri wu Ɲiniwɔlinŋ ki bira.

Efɛsitɔnŋ kiri 4:8

Ǹʼyɔ bi-a Kirinŋ wɔ wulu ki ru tu : « Ǹʼtunparama ki kirinpɔli ki ra, ŋì joŋ ni pa tiri-i a gbɛ, ŋì i buɲafinŋ ni wɔri konaŋ kiri tɛ. »

Timote (2) 4:5

Nka, miŋ kɔniŋ, nʼyɛri paka tɔ bi bataa ra. Cɔɔri kiri pa nʼna, ŋi i nʼwɔ cinŋ ki maka shɔ, ninwɔ̀ i Kirinŋ wɔ Wulujii ki sunjorama ki i.

Iburu kiri 5:12

Dɔnsaŋ kakan wuru-i, ŋi i fa ábɛɛ ji-i kalimɔɔ ri i kɔ, nka hali jiŋ ábɛɛ maku i faa kalimɔɔ ra, ntiŋ i ábɛɛ kali Kirinŋ wɔ wulu ki tɔnpa wulu kiri ra. Ábɛɛ maku i faa ɲɛŋ ju ra, ábɛɛ ra so nufinŋ sunfuru nu-i sun kì.

Yodasi 1:17

Nwɔ̀ i ábɛɛ, míŋ tindaŋ byii ri, yibɛɛ Ŋuntiŋ Yesu Kirisa wɔ cindaŋ kiri wulu wɔ̀ri jɛnbi wuru ábɛɛ tɛ, á á ɲakili tu nini na.

Jafinŋ ki 18:20

Kirinpɔlila kpeeri, á á ciirudi Babilɔni haliki bi ki bira. Ábɛɛ, Kirinŋ wɔ wɔlinŋ kiri fa cindaŋ kiri fa cintɔnŋ kiri, ábɛɛ yɛrima kiri á ciirudi, sabu Kirinŋ kiti ki fɛɛn-ɛ ǹʼsun, ŋì i ábɔɔ shɛ ki san ǹʼwu.

Jafinŋ ki 21:14

Kalinkalinŋ ki cɛ ki tan wuru kwɔ bwununfuuli sun, Saanaŋ ki wɔ cindaŋ bwununfuuli ki tɔ kiri sɛbɛ wuru nini wɔ̀ri sun.