Efɛsitɔnŋ kiri 4:1 - Jɔ Biibili ki

¹ Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 4:1 ပူးပေါင်းရင်းမြစ်များ

Mabikiri 9:31

Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.

Ɔrɔmutɔnŋ kiri 11:29

Sabu, a Kirinŋ finŋ wɔri koŋ tɛ, ŋì a pwulu-la ŋì i ǹʼmwu kì, a ŋì koŋ dɔri, ŋì a pwulu-la ŋì a kaan ntiŋ tɛ kì.

Ɔrɔmutɔnŋ kiri 12:1

Míŋ tindaŋ ni, a Kirinŋ ji ka shɔɔrinŋ sinaŋ ka ma yibɛɛ tɛ ka ɲaan ka tɛ, míŋ i ábɛɛ rafɛ-a, ńʼtu á á firi ki wɔri Kirinŋ tɛ miŋ tu saraka ɲaninkulutɔnŋ, nwɔ̀ bo-i Kirinŋ wɔ bo ru, ŋì i di Kirinŋ tɛ. Ninki i ábɔɔ Kirinŋ gbɛka ɲaan shɔɔrinŋ ki i.

Korɛntitɔnŋ kiri (1) 4:16

Niŋ ki ra, míŋ i ábɛɛ rafɛ-a, ńʼtu á tiri kɛɲɛ míŋ tirika ɲaan ki wu.

Korɛntitɔnŋ kiri (2) 10:1

Ǹʼyɔ bi-a tu míŋ ji ábɛɛ faninmwuŋ, tu míŋ ji-a koŋ sunjɛrimaan a, nka tu míŋ ja ji maŋ nari ábɛɛ ra, tu ŋí i ji shurukoŋ i. Míŋ i ábɛɛ rafɛ-a, á ǹʼma Kirisa wɔ tɔnsunfili ki fa ntiŋ wɔ shɔɔrinŋ ki bira,

Korɛntitɔnŋ kiri (2) 5:20

Niŋ ɲaan ki tɛ, yibɛɛ i Kirisa wɔ koŋ sɔɔmaan ni i ábɛɛ faninmwuŋ, ŋì i ji miŋ tu Kirinŋ wulubi-a ábɛɛ tɛ yibɛɛ tɔnŋ na. Niŋ ki ra, yibɛɛ i ábɛɛ rafɛ-a, á ǹʼma Kirisa tɔ ki bira, á fa Kirinŋ i fu.

Korɛntitɔnŋ kiri (2) 6:1

Niŋ ɲaan ki tɛ, yibɛɛ wɔ̀ri i Kirinŋ baara mashi ri i, yibɛɛ i ábɛɛ rafɛ-a, tu ábɛɛ Kirinŋ wɔ shɔɔrinŋ wɔ̀ kila-i, tu á fa niŋ bo á gbɛ kɔɔsun, ŋì i ji finŋ gbansanŋ i kì.

Galasitɔnŋ kiri 4:12

Ńʼtindaŋ ni, míŋ i ábɛɛ rafɛ-a ńʼtu á ji miŋ tu míŋ, sabu míŋ ńʼyɛri ji-i ábɛɛ sali. Ábɛɛ bijɛ tɔri dantenŋ ma míŋ wu kì.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 3:1

Niŋ ki ra, míŋ Pooli i Kirinŋ nafɛ-a ábɛɛ tɛ waarinŋ bataa ru. Míŋ i nkasu ru Yesu Kirisa tɔ ki bira, sabu míŋ i Wulujii ki sunjo-a ábɛɛ shiya tɔri kiri tɛ.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Efɛsitɔnŋ kiri 5:2

Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Filipitɔnŋ kiri 1:27

A ǹʼji ɲaan finŋ woo finŋ tɛ, ábɛɛ kɔniŋ tiri kɛɲɛ Kirisa Wulujii ki wu, nwɔma a míŋ na ta ábɛɛ tɛ nmaŋ woo, walima a míŋ na ábɛɛ wulu lama woo, ábɛɛ banbamaan i ta kila, á fumaan i ji-i ɲakilila tenŋ wu, á i ye-ri ámaŋ tɛ bilinabi ki ŋununu kari ki ra, nwɔ̀ cɛ sɔɔ Wulujii ki sun.

Filipitɔnŋ kiri 3:14

Míŋ i niŋ bili ki tan-a ńʼɲaniŋ i ji ńʼbili ŋuŋ ki ra, nwɔma ŋí i jali kila, Kirinŋ yibɛɛ dɔri-i ninwɔ̀ bira kirinpɔli ki ra Kirisa sababu ra.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 2:6

Ábɛɛ ji-i Ŋuntiŋ Yesu Kirisa tɛ ɲaan wɔ̀ tɛ, á tiri kɛɲɛ niŋ wu.

Kɔlɔsitɔnŋ kiri 4:12

Epafirasi, ninwɔ̀ i ábɛɛ bɛɛ ɛ, niŋ i ábɛɛ co-a sɛbɛ. Yesu Kirisa tɛ baara matɔnŋ sɛlɛsɛli yɛ. Ntiŋ cɛrukɔli-i Kirinŋ nafɛ ki ra ábɛɛ tɛ waarinŋ bataa ru, nwɔma ábɛɛ i tu Kirinŋ wɔ saa ki sun, á i ta jɛŋ bilinabi ki ru, á i ji Kirinŋ dintɛ bi kiri tɛ bi bataa ra.

Tesalonikitɔnŋ kiri (1) 2:12

Yibɛɛ ábɛɛ racin-i, yi i á siratu, yi i ǹʼbi furu á tɛ, tu á tiri kɛɲɛ Kirinŋ dintɛ bi ki wu. Mìnki ábɛɛ dɔri-i, nwɔma á i de awɔ̀ masabi ki ru, niŋ fa a nɔɔri ki ru.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Tite 2:10

Kí fa arì ŋununtiŋ kiri wɔ finŋ kiri kwun-ni kì. Kí ǹʼji kí wu tu arìbɛɛ koŋ sɔbɛ ri i, waaci bataa ru. A niŋ ma, kí a yibɛɛ Mwutɔnŋ Kirinŋ wulu ki gbɛ.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Iburu kiri 3:1

Ńʼtindaŋ ni, Kirinŋ ábɛɛ dɔri-i, ŋì i á ji awɔ ri. Niŋ ki ra, yibɛɛ Yesu wɔ̀ tɔ-i cindaŋ i, niŋ fa sarakawɔrɔtɔnŋ kiri ŋununtiŋ sinaŋ i, bilinabi ki ru, á á ɲaniŋ da tu niŋ na.

Pyɛɛri (1) 2:11

Míŋ tindaŋ byii ri, ábɛɛ i juniɲa ka ru, miŋ tu jɛ saa fwuudetiiri. Niŋ ki ra, míŋ i ábɛɛ rafɛ-a, ńʼtu á firi ki dintɛ bi jɛ kiri tɔnbo. Niŋ firi dintɛ bi jɛ kiri i ɲini ki kari-ra.

Pyɛɛri (1) 3:9

Á fa bijɛ ki shɛsan bijɛ wu kì, á dumiŋ fa koŋ wɔ kiilinŋ pwulu ntiŋ sun kì, nka á ǹʼnupwulu juba wu, sabu ábɛɛ dɔri ŋuŋ ki i tu á juba ki kila kani i.

Pyɛɛri (1) 5:10

Nka, a ábɛɛ ɲaanfɛkwulu bi kila waaci pyaanŋ nu, Kirinŋ wɔ̀ ki i shɔɔrinŋ ki bataa tiŋ ki i, ninki a na ábɛɛ mwu, ŋì i á kɔɔ, ŋì i á baraka ki gbɛ, á i tuka shɔ bilinabi ki ru. Mìŋ Kirinŋ ki ábɛɛ dɔri-i, nwɔma a i á de awɔ nɔɔri kɔbali ki ru Kirisa wɔ tenbi ki bira.

Pyɛɛri (2) 1:3

Finŋ wɔ̀ri ra ye yibɛɛ tɛ, yi i yɔɔ ɲaninkulutɔnbi ki ma Kirinŋ jɛŋ kɛmi ki wu, ǹʼwɔ sotinbi ki niŋ bataa wɔri-i yibɛɛ tɛ. Ŋì yibɛɛ dɔri-i a nɔɔri ki fa awɔ shɔɔrinŋ ki baraka ra, nwɔma yibɛɛ i a tɔka shɔ.

Yuhana (2) 1:5

Dɔnsaŋ, míŋ a cinŋ wɔ̀ bi miŋ tɛ, mari ki, niŋ ǹʼŋunaŋ i kì, nka míŋ a nwɔ̀ bi furu miŋ tɛ, niŋ i cinŋ i, yibɛɛ nwɔ̀ kila-i kabi ǹʼcɛtu ki sun, tu yi yimaŋ bidi yimaŋ tɛ.