Efɛsitɔnŋ kiri 3:9 - Jɔ Biibili ki

⁹ Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Efɛsitɔnŋ kiri 3:9 ပူးပေါင်းရင်းမြစ်များ

Matiyu 10:27

A míŋ nwɔ̀ bi ábɛɛ tɛ mancinŋ nu, á niŋ sunjo konaŋ ki tɛ sunŋ sarinŋ tɛ, nwɔ̀ bi-i ábɛɛ tɛ wulu tɔtɔɔlaaŋ nu, á tunpa tanka sun, á i niŋ sunjo.

Matiyu 13:35

Ntiŋ niŋ ma-i, ntiŋ i Kirinŋ wɔ cintɔnŋ ki wɔ wulu bimaan ki rafaa tu : « Míŋ a wulubi kí tɛ wulusuntalinŋ nu. Bi wɔ̀ri radu-i kabi juniɲa cɛtu waari ki ru, míŋ a na nini sunjo kí tɛ. »

Matiyu 25:34

Nwɔ̀ri i ntiŋ pantɛ, masa ki a na ǹʼbi nini tɛ tu : ‹ Á na, míŋ Tiŋ Kirinŋ wɔ juba ki i ábɛɛ wɔ̀ri tɛ. Kirinŋ masabi wɔ̀ ramɔni-i kabi juniɲa cɛtu waari ki ru, á na niŋ shi kani.

Matiyu 28:19

Niŋ ki ra, á ta juniɲa ki bataa ru, nwɔma mɔ́ɔ́n kalindaŋ ni i ji shiya kiri bataa ru, á i kí wu Tiŋ ki fa Danshuru ki niŋ fa Ɲiniwɔlinŋ ki tɔ ra.

Luki 24:47

Tu ŋì i tɔnpa Yerusalɛmu, ŋì a na sunjo ntiŋ tɔ ra juniɲa bataa ru, tu konaŋ kiri ntɔri bi arɔɔ bijɛ kiri ra, kí i ji Kirinŋ tɛ, nwɔma ŋì i kɔ́ɔ́ bijɛ kiri tu kí tɛ.

Yuhana 10:30

Míŋ fa ńʼTiŋ ki i koŋ tenŋ i. »

Yuhana 5:17

Yesu i kí rupwulu tu : « Míŋ Tiŋ ki i faa baara ma-a, míŋ yɛri ki i baara ma-a waarinŋ bataa ru. »

Yuhana 5:19

Yesu i wulu ki shi, ntiŋ i ǹʼbi kí tɛ tu : « Sɛli ki ra, míŋ a ǹʼbi ábɛɛ tɛ ńʼtu Danshuru ki so-a bi tɔri tenŋ ma-i a yɛrɛtɛ kì, duu ŋì i Tiŋ ki ja-i nwɔ̀ ma-a. Tiŋ ki bi wɔ̀ ma, Danshuru ki yɛrima ki i niŋ bishi ma-a,

Mabikiri 15:18

míŋ nini wɔ̀ri gbɛbili-i kabi fɔlɔfɔlɔ. › »

Ɔrɔmutɔnŋ kiri 11:25

Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun.

Korɛntitɔnŋ kiri (1) 2:7

Nka yibɛɛ i Kirinŋ wɔ ɲakilitinbi ki sunjo-a konaŋ ki tɛ, niŋ i gonto o, ninwɔ̀ radumaan yɛ juniɲa nu konaŋ kiri sun. Kabi juniɲa tɔnpa ki jɛŋ, Kirinŋ niŋ ma sɔɔ wuru yibɛɛ jɛŋ, nwɔma yibɛɛ i na so awɔ nɔɔri ki kila-i.

Efɛsitɔnŋ kiri 1:4

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Efɛsitɔnŋ kiri 3:2

Ábɛɛ ǹʼnama tu Kirinŋ ka cinŋ ka wɔri míŋ tɛ, tu ŋí i ǹʼma ábɛɛ tɛ, ŋì shɔɔrinŋ ma-i míŋ tɛ, a niŋ ji-i kì, míŋ wuru-ra so ǹʼkila-i kì.

Efɛsitɔnŋ kiri 6:19

á i ǹʼnafɛ míŋ yɛri ki tɛ, nwɔma Kirinŋ yɛrima ki i ńʼwɔ bi wulu kiri de ńʼdaru, ŋí i so Kirinŋ wɔ Wulujii ki gonto ki ji-i konaŋ kiri wu ŋununsɔɔbi wu.

Kɔlɔsitɔnŋ kiri 1:23

Nka niŋ fa a fɔn na, á á cɛrukɔli tu bilinabi ki ru. Ábɛɛ gbɛbilimaŋ wɔ̀ kila-i Wulujii ramamaan ki bira, á fa ncusun finŋ dantenŋ i á ɲakili ki ɲaanmi san niŋ sun kì. Ábɛɛ niŋ Wulujii ki rama-i, ŋì i ji sunjo juniɲa nu konaŋ bataa tɛ, míŋ Pooli i ji ǹʼnu baara matɔnŋ i.

Kɔlɔsitɔnŋ kiri 1:26

Niŋ gonto ki wɔ̀ radumaan wuru-i waaci mwɔɔnna nu konaŋ kiri sun, ŋì i a yɛri ji-a dɔɔ Kirinŋ wɔ wɔlinŋ kiri wu.

Kɔlɔsitɔnŋ kiri 3:3

Sabu ábɛɛ beeni-i, ábɔɔ ɲaninkulutɔnbi ŋunaŋ ki radumaan yɛ Kirisa ru Kirinŋ gbɛ.

Kɔlɔsitɔnŋ kiri 4:3

Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Tesalonikitɔnŋ kiri (2) 2:13

Míŋ tindaŋ ni, yibɛɛ kɔniŋ kakan-i yi i coolinŋ wɔri-ri Kirinŋ tɛ waarinŋ bataa ru ábɛɛ bira, Ŋuntiŋ ki ábɛɛ wɔ̀ri bidi-i a tɛ, sabu Kirinŋ ábɛɛ ɲaannashi-i kabi fɔlɔfɔlɔ, nwɔma a i á mwu Ɲiniwɔlinŋ ki wɔ sotinbi ki baraka ra, ninwɔ̀ ábɛɛ wu fɔɔ-ɔ áwɔ bilinabi ki bira sɛli ki ra.

Timote (1) 3:16

Aawe, sɛli wɔ̀ radu-i Kirinŋ wɔ saa ki ru, niŋ i bi sinaŋ i, sɔsɔɔlinŋ nwɔ̀ ru kì, niŋ i kaa tu : Kirisa a yɛri ji konanmini i, ŋì i na pwɔkulinŋ sun, Ɲiniwɔlinŋ ki i ǹʼwɔ telibi ki ji, mɛlɛkɛn kiri i ǹʼja. Ǹʼwulu ki i ji sunjo shiya tɔri kiri kanfɛ. Konaŋ kiri i bili ǹʼna juniɲa ki ciiru. Kirinŋ fani i ji ǹʼshi tiri a nɔɔri ki ru.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Timote (2) 4:17

Ŋuntiŋ ki yɛrima ki ye-i míŋ tɛ. Niŋ ki ra, míŋ i so Kirinŋ wɔ Wulujii ki sunjo-i, ŋí i ǹʼnafaa, nwɔma shiya tɔri kiri bataa i ǹʼnama. Kirinŋ i ji míŋ mwu san jari ki tɔnŋ na.

Tite 1:2

Nwɔma kí i arì gbɛbilimaŋ ki ji ɲaninkulutɔnbi kɔbali ki i. Kirinŋ wɔ̀ puru bi-a kì, niŋ a tɔnŋ wɔri-i yibɛɛ tɛ niŋ ɲaninkulutɔnbi kɔbali ki bi sun, niŋ i faa juniɲa namɔni-ni sun kì.

Pyɛɛri (1) 1:20

Kirinŋ ntiŋ ɲaannashi wuru-i kabi juniɲa namɔni ki jɛŋ. Dɔnsaŋ waaci rakɔɔra ka ru, ntiŋ i a ji-a juniɲa wu ábɛɛ kiri bira.

Jafinŋ ki 13:8

Pwɔkulinŋ sun konaŋ ki bataa ra na kpalinŋ ka gbɛ, duu nwɔ̀ri tɔ ki sɛbɛ-i Saanaŋ kilɛnmaan ki wɔ ɲaninkulutɔnbi sɛbɛ ki ru, kabi juniɲa cɛtu waaci ki ru.

Jafinŋ ki 14:6

Niŋ kɔɔtɛ, míŋ i mɛlɛkɛn tɔri ja, ŋì i mini-ni kirinpɔli ki ra. Kirinŋ wɔ Wulujii kɔbali ki i ji ǹʼgbɛ, ŋì i niŋ sunjo-ri pwɔkulinŋ ki sun konaŋ kiri tɛ, shiya kiri bataa fa nupo kiri bataa fa wulu kwuru kiri bataa niŋ fa konaŋ kwuru kiri bataa.

Jafinŋ ki 17:8

Miŋ kpalinŋ wɔ̀ ja-i, ǹʼwuru nmaŋ fɔlɔfɔlɔ, nka dɔnsaŋ, ŋì nmaŋ kili kì. Ŋì a na tunpa po yiri kukuta sinaŋ ki ru, ŋì i tiri a halikimaŋ ki ru. Kabi juniɲa po waaci ki ru, koŋ wɔ̀ri tɔ ki sɛbɛ-ri ɲaninkulutɔnbi sɛbɛ ki ru kì, a nini na kpalinŋ ka ja, ŋì a bo kí tɔnŋ sun, sabu ǹʼwuru nmaŋ fɔlɔ, nka dɔnsaŋ ŋì nmaŋ kili kì. Nka ŋì i faa-ra a pwulu na sɛbɛ.

Jafinŋ ki 4:11

kí i ǹʼbi-ri tu : « Yibɛɛ Ŋuntiŋ, niŋ fa yɔɔ Kirinŋ, nɔɔri fa gbɛbi, fa sotinbi i ábɔɔ, sabu ábɛɛ kiri i finŋ bataa potɔnŋ i, yìrì ji nmaŋ, ŋì i kɛɲɛ ábɛɛ dintɛ bi ki wu. »