Efɛsitɔnŋ kiri 3:8 - Jɔ Biibili ki

⁸ Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Efɛsitɔnŋ kiri 3:8 ပူးပေါင်းရင်းမြစ်များ

Luki 14:22

Baaradaŋ ki po-i, niŋ i ta niŋ konaŋ ki bataa dɔri na waarinŋ wɔ̀ ru, ntiŋ tu a ŋununtiŋ ki tɛ : ‹ Ŋuntiŋ, ábɛɛ nwɔ̀ bi-i, míŋ niŋ ma-i, niŋ fa a fɔn na, fu ki faa-a sun kì dɛ! ›

Yuhana 1:16

Ntiŋ faa-a shɔɔrinŋ wɔ̀ ra, yibɛɛ bataa ǹʼbɛɛ kila-i, niŋ i yi pyii. Jibi woo jibi, ŋì i shɔɔrinŋ ki bɛɛ bo-a shɔɔrinŋ ki bɛɛ sun yibɛɛ gbɛ.

Mabikiri 5:41

Cindaŋ kiri i po san kitikwurumaŋ ki ru, kí i tiri. Kí ciirudi wuru-i, sabu kɔ́ɔ́ ɲaankwunŋ kilamaan ki Yesu bira, kí niŋ ji wuru gbɛbi i.

Mabikiri 9:15

Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ.

Ɔrɔmutɔnŋ kiri 11:33

Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì.

Ɔrɔmutɔnŋ kiri 12:10

Á i ámaŋ bidi ámaŋ tɛ miŋ tu tindaŋ ni, á i ámaŋ jan-ni ámaŋ gbɛmaanna ki ra.

Ɔrɔmutɔnŋ kiri 2:4

Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa?

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 15:9

Míŋ i Yesu wɔ cindaŋ kiri bataa ru pyaanŋ ki i. Míŋ yɛri kakan-ni, ŋí i dɔri Yesu wɔ cindaŋ i kì, sabu míŋ Kirinŋ wɔ bilinatɔnŋ kwuru ki ɲaanfɛkwulu-i kusɛbɛ.

Korɛntitɔnŋ kiri (1) 2:9

Miŋ tu ǹʼsɛbɛ-i Kirinŋ wɔ wulu ki ru tu : « Konanmini ɲaniŋ finŋ wɔ̀ri ja kì, ntiŋ tɔɔn wulu wɔ̀ri rama ja kì, bi wɔ̀ri jɛri ntiŋ ɲakilila sun kì, Kirinŋ niŋ finŋ kiri ramɔni-i kpeeri tɛ, ǹʼbidi-i nwɔ̀ri tɛ. »

Galasitɔnŋ kiri 1:16

Niŋ ki ra, ŋì a Danshuru ki ji-i míŋ wu, nwɔma ŋí i niŋ Wulujii ki sunjo shiya tɔri kiri tɛ mani wɔ̀ ru, míŋ konanmini wɔ racinwulu sunsuu kili kì.

Galasitɔnŋ kiri 2:8

Sabu Kirinŋ Pyɛɛri ji-i Yawutu kiri kanfɛ cindaŋ i ɲaan wɔ̀ tɛ, Kirinŋ míŋ yɛrima ki ji-i shiya tɔri kiri kanfɛ cindaŋ i mìŋ ɲaan tenŋ ki tɛ.

Efɛsitɔnŋ kiri 2:7

Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ.

Efɛsitɔnŋ kiri 3:1

Niŋ ki ra, míŋ Pooli i Kirinŋ nafɛ-a ábɛɛ tɛ waarinŋ bataa ru. Míŋ i nkasu ru Yesu Kirisa tɔ ki bira, sabu míŋ i Wulujii ki sunjo-a ábɛɛ shiya tɔri kiri tɛ.

Efɛsitɔnŋ kiri 3:16

ńʼtu ǹʼwɔ Ɲiniwɔlinŋ ki faan fa tɔnnafurubi wɔri ábɛɛ tɛ, ŋì i kɛɲɛ a yɛri ki wɔ nɔɔri sinaŋ ki wu,

Efɛsitɔnŋ kiri 3:19

Daŋ Kirisa wɔ bidintɛbi wɔ̀ ra kì, ábɛɛ ra so niŋ tɔ-i, á i á ciiru ki bataa faa Kirinŋ wɔ bidintɛbi ki ra, fɔ á i pyii.

Efɛsitɔnŋ kiri 3:2

Ábɛɛ ǹʼnama tu Kirinŋ ka cinŋ ka wɔri míŋ tɛ, tu ŋí i ǹʼma ábɛɛ tɛ, ŋì shɔɔrinŋ ma-i míŋ tɛ, a niŋ ji-i kì, míŋ wuru-ra so ǹʼkila-i kì.

Filipitɔnŋ kiri 2:3

Á fa bi dantenŋ ma manjan ɲakili walima yɛri ji ɲakili wu kì. Nka á á yɛri sunjɛri, á i koŋ bataa pari á yɛri wu.

Filipitɔnŋ kiri 4:19

Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Timote (1) 1:13

Mínwɔ̀ wuru ǹʼtɔ jɛ bitɔnŋ i fɔlɔfɔlɔ, ŋí i ji wuru bilinatɔnŋ kiri cɔɔritɔnŋ i, niŋ fa koŋ juumaan a, nka ŋì míŋ sunmakwulupa-i, sabu míŋ niŋ bi kiri ma-i, ŋì i kila ńʼwɔ bitɔbalibi fa ńʼwɔ bilinabalibi fan.

Timote (1) 1:15

Ka wulu ka i sɛli i, gbɛ kakan-i ŋì i fɔɔn nwɔ̀ sun tu : Yesu Kirisa na ka juniɲa ka ciiru, ntiŋ i na bijɛmatɔnŋ kiri mwu. Míŋ wuru niŋ bijɛmatɔnŋ kiri bataa ru juumaan ki i.

Timote (1) 2:7

Niŋ ki ra, míŋ i ji Wulujii ki sunjotɔnŋ i, niŋ fa cindaŋ i, nwɔma ŋí i bilinabi ki fa sɛli ki ɲaanbi shiya tɔri kiri tɛ. Míŋ puru bi-a kì, míŋ i nwɔ̀ bi-a, niŋ i sɛli i.

Timote (2) 1:11

Niŋ Wulujii ki bira, míŋ ji-i wulusunjotɔnŋ fa cindaŋ fa kalimɔɔ ɔ.

Jafinŋ ki 3:18

Niŋ ki ra, míŋ i miŋ nacin-a, tu a sɛniŋ sɛlɛsɛli ki sa ńʼgbɛ, nwɔma ŋi i ji nafulutiŋ sɛlɛsɛli i. Ŋi i juulinŋ fɔ sa ńʼgbɛ, nwɔma juulinŋ i ji nʼsun, nʼfiri ki sunwɔ fa tu, ŋi i ɲaankwun kì. Ŋi i ɲaniŋ yaa jaŋ sa ńʼgbɛ, ŋi i ǹʼbo nʼɲaninaŋ kiri sun, nwɔma ŋi i maannaja.