Efɛsitɔnŋ kiri 3:7 - Jɔ Biibili ki

⁷ Kirinŋ shɔɔrinŋ ma-i míŋ tɛ, ŋì i míŋ shi awɔ baara ki ra, tu míŋ Wulujii ki sunjo konaŋ ki tɛ. Ŋì niŋ ma-i a yɛri ki wɔ sotinbi ki wu.

Efɛsitɔnŋ kiri 3:7 ပူးပေါင်းရင်းမြစ်များ

Mabikiri 9:15

Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ.

Ɔrɔmutɔnŋ kiri 1:5

Mìntiŋ ki bira, Kirinŋ shɔɔrinŋ ma-i yibɛɛ tɛ, ŋì i yi ji cindaŋ ni i, nwɔma yi i ye shiya kiri bataa tɛ, kí i a gbɛ, kí i bili a ra.

Ɔrɔmutɔnŋ kiri 12:3

Kirinŋ shɔɔrinŋ wɔ̀ ma-i míŋ tɛ, ŋì i kɛɲɛ niŋ wu, míŋ i ǹʼceeli-la ábɛɛ tenŋ tenŋ ki gbɛ, ńʼtu ábɛɛ i nwɔ̀, á fa á yɛri ragbɛka jitan, ŋì i fwuu niŋ sun kì, nka á á yɛri sunjɛri. Kirinŋ bilinabi wɔ̀ wɔri-i ábɛɛ fɔn tenŋ tenŋ tɛ, á á yɛri tu niŋ kifinŋ ki ciiru.

Ɔrɔmutɔnŋ kiri 15:16

Kirinŋ míŋ ji-i Yesu Kirisa tɛ baara matɔnŋ i, ábɛɛ shiya tɔri kiri kanfɛ. Kirinŋ baara wɔ̀ biye-i míŋ gbɛsun, míŋ i niŋ ma-a, miŋ tu Kirinŋ tɛ sarakawɔrɔtɔnŋ, ŋí i Kirinŋ wɔ Wulujii ki sunjo-ri, nwɔma ábɛɛ i ji miŋ tu Kirinŋ dintɛ saraka, á i bo Kirinŋ wɔ bo ru, Ɲiniwɔlinŋ ki baraka ra.

Korɛntitɔnŋ kiri (1) 15:10

Míŋ i nwɔ̀ jiŋ, míŋ i niŋ i, Kirinŋ wɔ shɔɔrinŋ ki baraka ra. Kirinŋ shɔɔrinŋ wɔ̀ ma-i míŋ tɛ, niŋ ji bi tawɔ ɔ kì, sabu míŋ baara ma-i ŋí i fwuu cindaŋ pyɛ kiri bataa sun. Nka míŋ yɛrima ki niŋ ma ńʼyɛri ki faan wu kì dɛ! Kirinŋ shɔɔrinŋ wɔ̀ ki ma-i míŋ tɛ, niŋ faan ki ǹʼma-i.

Korɛntitɔnŋ kiri (1) 3:5

Apolɔsi nkɛnŋ? Míŋ Pooli i ji nkɛnŋ? Yibɛɛ i Kirinŋ wɔ baara matɔnŋ gbansanŋ ni i, nwɔ̀ri ábɛɛ bo-i bilinabi saa ki sun, ŋì i kɛɲɛ Ŋuntiŋ ki wɔ baara wɔrimaan ki wu yibɛɛ fɔn tenŋ tenŋ tɛ.

Korɛntitɔnŋ kiri (2) 3:6

Sabu mìnki baraka wɔri-i yibɛɛ tɛ, yi i ji tɔnwɔri ŋunaŋ ki ru baara matiiri i, niŋ tɔnwɔri ki cɛ sɔɔ sariya sɛbɛmaan sun kì, nka ǹʼcɛ ki sɔɔ Ɲiniwɔlinŋ ki sun, sabu sariya sɛbɛmaan ki i na-a beŋ wu, nka Ɲiniwɔlinŋ ki i ɲaninkulutɔnbi ki wɔri-ra koŋ tɛ.

Korɛntitɔnŋ kiri (2) 4:1

Kirinŋ yibɛɛ sunmakwulupa-i ka ɲaan ka tɛ, ŋì i ka baara ka biye yibɛɛ gbɛsun, niŋ ki ra, yibɛɛ yi firi kilɛn-a kì.

Galasitɔnŋ kiri 2:8

Sabu Kirinŋ Pyɛɛri ji-i Yawutu kiri kanfɛ cindaŋ i ɲaan wɔ̀ tɛ, Kirinŋ míŋ yɛrima ki ji-i shiya tɔri kiri kanfɛ cindaŋ i mìŋ ɲaan tenŋ ki tɛ.

Efɛsitɔnŋ kiri 1:19

Míŋ i ǹʼnafɛ-a sɛbɛ, ńʼtu ŋì sotinbi sinaŋ wɔ̀ wɔri-i yibɛɛ bilinatɔnŋ kiri tɛ, ŋì i kɛɲɛ a yɛri ki wɔ sotinbi ki wu, ábɛɛ i niŋ fa a mwɔbi ki tɔ.

Efɛsitɔnŋ kiri 3:2

Ábɛɛ ǹʼnama tu Kirinŋ ka cinŋ ka wɔri míŋ tɛ, tu ŋí i ǹʼma ábɛɛ tɛ, ŋì shɔɔrinŋ ma-i míŋ tɛ, a niŋ ji-i kì, míŋ wuru-ra so ǹʼkila-i kì.

Efɛsitɔnŋ kiri 3:20

Yibɛɛ i finŋ woo finŋ nafɛ-a, walima yi ɲakili i ji finŋ woo finŋ bi sun, Kirinŋ i so-a niŋ bi kiri bataa ma-i yibɛɛ tɛ, fɔ ŋì i ǹʼfwuu niŋ bataa sun awɔ sotinbi ki baraka ra, niŋ sotinbi ki wɔ̀ i baara ki ma-a yibɛɛ ciiru.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Efɛsitɔnŋ kiri 4:16

Niŋ kwuru ki, ninwɔ̀ i bilinatɔnŋ kiri i, niŋ mani kiri bataa kɔlimaan yɛ arìmaŋ na mìŋ Yesu Kirisa ki bira. A niŋ mani kiri bataa arì tukulu ki faa, firi ki bataa ra ta jɛŋ bidintɛbi ki ra.

Kɔlɔsitɔnŋ kiri 1:29

Niŋ ki ra, míŋ baara ki ma-a, ŋí i kari ki tan-ni Kirisa wɔ sotinbi ki wu, ninwɔ̀ i baara ki ma-a míŋ ciiru.

Tesalonikitɔnŋ kiri (1) 2:13

Yibɛɛ i baraka bi-a Kirinŋ tɛ waarinŋ bataa ru ábɛɛ bira, sabu yibɛɛ Kirinŋ wɔ wulu wɔ̀ bi-i ábɛɛ tɛ, ábɛɛ niŋ ji konanmini tɔnŋ na wulu gbansanŋ i kì. Ábɛɛ ǹʼji-i Kirinŋ dariwulu ki yɛrima ki i. Mìnki dumiŋ i ji-i sɛli ki ra. Ábɛɛ wɔ̀ri bili-i niŋ wulu ki ra, ŋì i baara ki ma-a ábɛɛ ciiru.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!