Efɛsitɔnŋ kiri 3:5 - Jɔ Biibili ki

⁵ Kirinŋ niŋ gonto ki ji konanmini sɛri tɔri tenŋ wu waarinŋ fwuudemaan ki tɔri tenŋ nu kì. Nka dɔnsaŋ, ŋì ǹʼji-i Yesu wɔ cindaŋ kiri fa Kirinŋ wɔ cintɔnŋ wɔlinŋ kiri wu Ɲiniwɔlinŋ ki bira.

Efɛsitɔnŋ kiri 3:5 ပူးပေါင်းရင်းမြစ်များ

Matiyu 13:17

Sɛli ki ra, míŋ i ǹʼbi-a ábɛɛ tɛ, ńʼtu ábɛɛ i nwɔ̀ ja-a jiŋ, ńʼtu cintɔnŋ mwɔɔnna fa koŋ telimaan mwɔɔnna wuru ǹʼtɛ arì i niŋ ja, nka kí ǹʼja kì. Ábɛɛ i nwɔ̀ rama-a, kí wuru ǹʼtɛ arì i niŋ nama, nka kí ǹʼnama kì. »

Matiyu 20:7

Kí tu : ‹ Sabu, koŋ yibɛɛ shi cinŋ na kì. › Ntiŋ tu kí tɛ : ‹ Niŋ na, ábɛɛ yɛrima kiri tiri cinŋ ma mɔ́ɔ́n ji ki ru sɛbɛ. › Nini i ta bo cinŋ matɔnŋ jɔnɔ kiri sun sɛbɛ.

Matiyu 23:34

Niŋ ki ra, míŋ a na cintɔnŋ ni fa ɲakilitiŋ ni fa kalimɔɔ ri cin na ábɛɛ tɛ. Ábɛɛ ra na ǹʼbɛɛ ri kilɛn, á i ǹʼtɔri ri kpinkpi suu sun, á i ǹʼbɛɛ ri bwɔ suulinŋ na áwɔ kalinfu kiri ru, á i ta-ri kí cɛfan kili kiri ra, á i kí makwulujuu-ri,

Luki 10:24

Sabu, míŋ i ǹʼbi-a ábɛɛ tɛ, ńʼtu ábɛɛ i nwɔ̀ ja-a dɔɔ, ńʼtu cintɔnŋ mwɔɔnna fa masa mwɔɔnna wuru ǹʼtɛ arì i niŋ ja, nka kí ǹʼja kì. Ábɛɛ i nwɔ̀ rama-a, kí wuru ǹʼtɛ arì i niŋ nama, nka kí ǹʼnama kì. »

Luki 11:49

Niŋ ki ra, Kirinŋ wɔ ɲakilitinbi ki yɛrima ki ǹʼbi-i tu : ‹ Míŋ a na ńʼwɔ cintɔnŋ ni fa cindaŋ ni bo ta kí tɛ, kí a na ǹʼbɛɛ ri kilɛn, kí i ǹʼtɔri ri makwulujuu. ›

Yuhana 14:26

Nka, míŋ Tiŋ ki a na yentɛtɔnŋ wɔ̀ bo na ábɛɛ tɛ míŋ tɔ ra, ninwɔ̀ i Ɲiniwɔlinŋ ki i, ninki a na ábɛɛ kali finŋ ki bataa ra, ŋì i á ɲakilila bo mɔ́ɔ́n wulu bimaan kiri bataa tɛ á tɛ.

Yuhana 16:13

Niŋ ki ra, Ɲini Sɛlitiŋ ki na waarinŋ wɔ̀ ru, niŋ a na ábɛɛ jɛnpa, ŋì i sɛli ki bataa bi á tɛ, sabu ǹʼwɔ wulu kiri ra na po-ri ǹʼyɛrima ki ru kì. Nka ŋì finŋ woo finŋ nama, ŋì a na ninki bi ábɛɛ tɛ, ŋì i bi naanna kiri bi á tɛ.

Mabikiri 10:28

Ntiŋ i ǹʼbi kí tɛ tu : « Ábɛɛ yɛrima kiri i ǹʼtɔ-a tu yibɔɔ sariya ki ǹʼbi-a tu Yawutu tɔri dantenŋ fa shiya tɔri fa dɛbɛ bi sun kì, niŋ fa tu yi fa de shiya tɔri wɔ fu ru kì. Nka Kirinŋ ǹʼji-i míŋ wu, tu míŋ fa koŋ san koŋ nu kì, ŋí i ǹʼbɛɛ ri shɛɛli-li koŋ nɔɔmaan ni walima koŋ wu fɔɔbali li i kì.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Korɛntitɔnŋ kiri (1) 2:10

Niŋ ɲaan ki tɛ, Kirinŋ niŋ finŋ kiri ji-i yibɛɛ wu Ɲiniwɔlinŋ ki baraka ra. Ɲiniwɔlinŋ ki i bi kiri bataa rufɔɔ-ra, fɔ ŋì i ta so Kirinŋ wɔ gonto sinaŋ kiri sun.

Efɛsitɔnŋ kiri 2:20

Ábɛɛ ji-i miŋ tu fu sinaŋ, nwɔ̀ cɛ sɔɔ-ɔ Yesu wɔ cindaŋ kiri fa Kirinŋ wɔ cintɔnŋ kiri sun, Yesu Kirisa yɛrima ki i niŋ fu ki kwɔ jɔnɔ ki i.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Pyɛɛri (2) 3:2

Kirinŋ wɔ cintɔnŋ wɔlinŋ kiri cinŋ wɔ̀ri sunjo-i, niŋ fa yibɛɛ Ŋuntiŋ ki fa yi Mwutɔnŋ ki wɔ cinŋ wɔ̀ bi-i ábɛɛ tɛ awɔ cindaŋ kiri gbɛ, á i á ɲakili tu nini na.

Yodasi 1:17

Nwɔ̀ i ábɛɛ, míŋ tindaŋ byii ri, yibɛɛ Ŋuntiŋ Yesu Kirisa wɔ cindaŋ kiri wulu wɔ̀ri jɛnbi wuru ábɛɛ tɛ, á á ɲakili tu nini na.