Efɛsitɔnŋ kiri 3:4 - Jɔ Biibili ki

⁴ A ábɛɛ mɔ́ɔ́n sɛbɛ ki kali waarinŋ wɔ̀ ru, míŋ Kirisa wɔ gonto ki tɔ-i ɲaan wɔ̀ tɛ, ábɛɛ ra niŋ tɔ.

Efɛsitɔnŋ kiri 3:4 ပူးပေါင်းရင်းမြစ်များ

Matiyu 13:11

Ntiŋ i kí rupwulu tu : « Kirinpɔlila Masabi ki ɲaantɔ gonto ki wɔri-i ábɛɛ kiri tɛ, ǹʼwɔri kíbɛɛ tɛ kì.

Luki 8:10

Ntiŋ tu kí tɛ : « Kirinŋ wɔ Masabi ki ɲaantɔ gonto ki wɔri-i ábɛɛ kiri tɛ, nka ǹʼɲaan i bi-a koŋ tɔri kiri tɛ wulusuntalinŋ nu, nwɔma, ‹ kí i maannashɛɛli, nka kí fa ǹʼja kì, kí i ǹʼnama, nka kí fa ǹʼdaŋ tɔ kì. ›  »

Ɔrɔmutɔnŋ kiri 11:25

Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Korɛntitɔnŋ kiri (1) 13:2

Hali míŋ ji cintɔnbi wulu bi-a, ŋí i bi radumaan kiri fa finŋ fɔn kwuru tɔ-ri, niŋ fa ńʼwɔ bilinabi ki i so-ri tɔnŋ ni jɔrɔkɔ san-i arì ta ru, a bidintɛbi ji míŋ nu kì, míŋ finŋ tɔri kì.

Korɛntitɔnŋ kiri (1) 4:1

Niŋ ɲaan ki tɛ, míŋ tindaŋ ni, á yibɛɛ shɛɛli-li Kirisa tɛ baara matɔnŋ bantenŋ ni i, niŋ fa Kirinŋ wɔ gonto ri ɲaanbitɔnŋ ni i.

Korɛntitɔnŋ kiri (2) 11:6

Hali míŋ ji so-a wulu bimaanna ki gbɛ kí sali kì, nwɔ̀ i bitɔbi ki i, yibɛɛ niŋ ji-i ábɛɛ wu finŋ bataa ra, niŋ fa ɲaan ki bataa tɛ.

Efɛsitɔnŋ kiri 1:9

Ŋì a ciiru gonto ki ji-i yibɛɛ wu, ŋì i ninwɔ̀ gbɛbili wuru, ŋì i kɛɲɛ awɔ shɔɔrinŋ ki wu, Yesu Kirisa baraka ra.

Efɛsitɔnŋ kiri 3:3

Kirinŋ yɛrima ki awɔ gonto ki ji-i míŋ wu, nwɔma ŋí i ǹʼtɔ miŋ tu míŋ pyaanŋ sɛbɛ-i ǹʼsun ɲaan wɔ̀ tɛ.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Efɛsitɔnŋ kiri 5:32

Ka i gonto sinaŋ i, míŋ i ǹʼbi-a ŋí i ǹʼsan Kirisa fa bilinatɔnŋ kwuru kiri faninmwuŋ ki bi sun.

Efɛsitɔnŋ kiri 6:19

á i ǹʼnafɛ míŋ yɛri ki tɛ, nwɔma Kirinŋ yɛrima ki i ńʼwɔ bi wulu kiri de ńʼdaru, ŋí i so Kirinŋ wɔ Wulujii ki gonto ki ji-i konaŋ kiri wu ŋununsɔɔbi wu.

Kɔlɔsitɔnŋ kiri 1:26

Niŋ gonto ki wɔ̀ radumaan wuru-i waaci mwɔɔnna nu konaŋ kiri sun, ŋì i a yɛri ji-a dɔɔ Kirinŋ wɔ wɔlinŋ kiri wu.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Kɔlɔsitɔnŋ kiri 4:3

Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Timote (1) 3:16

Aawe, sɛli wɔ̀ radu-i Kirinŋ wɔ saa ki ru, niŋ i bi sinaŋ i, sɔsɔɔlinŋ nwɔ̀ ru kì, niŋ i kaa tu : Kirisa a yɛri ji konanmini i, ŋì i na pwɔkulinŋ sun, Ɲiniwɔlinŋ ki i ǹʼwɔ telibi ki ji, mɛlɛkɛn kiri i ǹʼja. Ǹʼwulu ki i ji sunjo shiya tɔri kiri kanfɛ. Konaŋ kiri i bili ǹʼna juniɲa ki ciiru. Kirinŋ fani i ji ǹʼshi tiri a nɔɔri ki ru.

Timote (1) 3:9

Sɛli wɔ̀ i kila-a bilinabi ki baraka ra, kí arì da tu niŋ na ciirufɔɔbi wu.