Efɛsitɔnŋ kiri 3:3 - Jɔ Biibili ki

³ Kirinŋ yɛrima ki awɔ gonto ki ji-i míŋ wu, nwɔma ŋí i ǹʼtɔ miŋ tu míŋ pyaanŋ sɛbɛ-i ǹʼsun ɲaan wɔ̀ tɛ.

Efɛsitɔnŋ kiri 3:3 ပူးပေါင်းရင်းမြစ်များ

Mabikiri 22:17

« Niŋ bi kiri bataa kɔɔtɛ, míŋ i ńʼpwulu na Yerusalɛmu. Jibi bɛɛ, míŋ i ta Kirinfusinaŋ ki ra, ŋí i ta Kirinŋ nafɛ. Ŋì i míŋ tu Kirinŋ nafɛ ki ra, míŋ i jafinŋ bɛɛ ja.

Mabikiri 22:21

Niŋ fa a fɔn na, Ŋuntiŋ ki tu míŋ tɛ : ‹ Tiri, sabu míŋ a miŋ cin mani narimaŋ nu shiya tɔri kiri tɛ. › »

Mabikiri 23:9

Niŋ i ji wulu sinaŋ kí faninmwuŋ. Farinsiyɛnŋ kiri wɔ sariya kalimɔɔ kiri bɛɛ ri i wulu ki shi fwuu wu, kí i fali shurubi wu tu : « Yibɛɛ kɔniŋ jɛ maŋ ja koŋ ka ra kì. Ŋì a so ji-i tu mɛlɛkɛn ki bɛɛ, walima ɲini kwuru ki bɛɛ wulubi ntiŋ tɛ! »

Ɔrɔmutɔnŋ kiri 11:25

Ayiwa ńʼtindaŋ ni, míŋ i ǹʼtɛ ábɛɛ i tu ka gonto ka tɔbali kì, nwɔma á fa na á yɛri ji ɲakilitiŋ ni i kì. Isirayɛlidaŋ kiri bɛɛ ri ɲakilila ki ra furu tu, fɔ Kirinŋ wɔ̀ri ɲaannashi-i shiya tɔri kiri ru, nini bataa i na Kirinŋ tɛ sun.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Korɛntitɔnŋ kiri (2) 12:1

Konaŋ kiri i míŋ po-a ńʼyɛri ragbɛ sun, ŋuŋ dumiŋ niŋ na kì. Niŋ ki ra, Ŋuntiŋ ki finŋ wɔ̀ri ji-i míŋ wu, ŋì i tɔbi wɔ̀ wɔri míŋ tɛ, míŋ a ǹʼbɛɛ bi niŋ sun dɔnsaŋ.

Galasitɔnŋ kiri 1:12

Sabu, míŋ ǹʼkila koŋ gbɛ kì, koŋ tɔri dantenŋ dumiŋ míŋ kali ǹʼna kì, nka Yesu Kirisa yɛrima ki ǹʼji-i míŋ wu.

Efɛsitɔnŋ kiri 1:17

Míŋ i ǹʼnafɛ-a Kirinŋ nɔɔritiŋ ki gbɛ, ninwɔ̀ i yibɛɛ Ŋuntiŋ Yesu Kirisa tiŋ ki i, tu ŋì ɲakilitinbi wɔri á tɛ, ŋì i a yɛri ji á wu, nwɔma á i ǹʼtɔka shɔ.

Efɛsitɔnŋ kiri 3:4

A ábɛɛ mɔ́ɔ́n sɛbɛ ki kali waarinŋ wɔ̀ ru, míŋ Kirisa wɔ gonto ki tɔ-i ɲaan wɔ̀ tɛ, ábɛɛ ra niŋ tɔ.

Efɛsitɔnŋ kiri 3:6

Niŋ gonto ki i tu Kirinŋ bi shɔɔrinŋ finŋ woo finŋ tɔnŋ wɔri awɔ konanbi ki tɛ, tu ábɛɛ shiya tɔri kiri lu kila niŋ na, á i dɛbɛ ji firi tenŋ i. Kirinŋ a tɔnŋ wɔri-i bi wɔ̀ ra Yesu Kirisa bira, ábɛɛ niŋ kila-i Wulujii ki sunjomaan ki bira.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Efɛsitɔnŋ kiri 6:19

á i ǹʼnafɛ míŋ yɛri ki tɛ, nwɔma Kirinŋ yɛrima ki i ńʼwɔ bi wulu kiri de ńʼdaru, ŋí i so Kirinŋ wɔ Wulujii ki gonto ki ji-i konaŋ kiri wu ŋununsɔɔbi wu.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Kɔlɔsitɔnŋ kiri 4:3

Á Kirinŋ nafɛ-ri yibɛɛ yɛrima kiri tɛ sɛbɛ, nwɔma ǹʼyɛri ki i ye yibɛɛ tɛ, ŋì i ɲaan shɔɔrinŋ wɔri yi tɛ, yi i so wulubi-i, yi i Kirisa gonto ki sunjoka shɔ konaŋ kiri tɛ, ninwɔ̀ bira, míŋ i nkasu ru kwumaŋ.

Iburu kiri 13:22

Ńʼtindaŋ ni, míŋ i ábɛɛ rafɛ-a, ńʼtu míŋ cunadi wulu pyaanŋ wɔ̀ri bi-i ábɛɛ tɛ, ńʼtu á á tɔnsunfili, á i yìrì kwun á ru.

Pyɛɛri (1) 5:12

Míŋ i ka wuludaŋ damaaŋ kari sɛbɛ wɔri ta-a ábɛɛ tɛ Silinfɛnŋ gbɛ, ninwɔ̀ i tindaŋ sɔbɛ ɛ bilinabi ki ru. Míŋ i sɛbɛ ka wɔri ta-a ábɛɛ tɛ, ŋí i á cunadi, ŋí i ǹʼji á wu, tu ábɛɛ á kɔli-i shɔɔrinŋ wɔ̀ ra kaa, ńʼtu niŋ Kirinŋ wɔ shɔɔrinŋ sɛlɛsɛli ki i. Á á kɔli tu ǹʼna.

Pyɛɛri (2) 3:15

Á ǹʼtɔ tu yibɛɛ Ŋuntiŋ ki i a tɔnsunfili-la yi tɛ, nwɔma a i yi mwu. Yibɛɛ tindaŋ byii Pooli niŋ bi-i ábɛɛ tɛ awɔ sɛbɛ ki ru, ŋì i kɛɲɛ Kirinŋ wɔ ɲakilitinbi wɔrimaan ki wu ntiŋ tɛ.