Efɛsitɔnŋ kiri 3:20 - Jɔ Biibili ki

²⁰ Yibɛɛ i finŋ woo finŋ nafɛ-a, walima yi ɲakili i ji finŋ woo finŋ bi sun, Kirinŋ i so-a niŋ bi kiri bataa ma-i yibɛɛ tɛ, fɔ ŋì i ǹʼfwuu niŋ bataa sun awɔ sotinbi ki baraka ra, niŋ sotinbi ki wɔ̀ i baara ki ma-a yibɛɛ ciiru.

Efɛsitɔnŋ kiri 3:20 ပူးပေါင်းရင်းမြစ်များ

Yuhana 10:10

Kwunŋ ki na-a finŋ tɔri tenŋ cɛfan, kwunbi fa kilɛnmaanna niŋ fa li tanmaanna ciniŋ kì. Nka míŋ na-i, nwɔma konaŋ kiri i ɲaninkulutɔnbi ki kila, kí i ǹʼjiisan.

Ɔrɔmutɔnŋ kiri 16:25

Yi Kirinŋ gbɛ, so i ninwɔ̀ gbɛ, ŋì i faan wɔri ábɛɛ tɛ áwɔ bilinabi ki ru, ŋì i kɛɲɛ Kirinŋ wɔ Wulujii ki wu, míŋ i ninwɔ̀ sunjo-a Yesu Kirisa bi ki sun, ŋì i kɛɲɛ Kirinŋ wɔ gonto jimaan ki wu yibɛɛ wu. Niŋ gonto ki radumaan wuru nmaŋ, kabi juniɲa cɛtu ki jɛŋ.

Ɔrɔmutɔnŋ kiri 4:21

Aburahamu bili wuru ǹʼna kusɛbɛ, tu Kirinŋ a tɔnŋ wɔri bi wɔ̀ ra afinŋ tɛ, tu so Kirinŋ gbɛ, ŋì i ǹʼma.

Korɛntitɔnŋ kiri (1) 2:9

Miŋ tu ǹʼsɛbɛ-i Kirinŋ wɔ wulu ki ru tu : « Konanmini ɲaniŋ finŋ wɔ̀ri ja kì, ntiŋ tɔɔn wulu wɔ̀ri rama ja kì, bi wɔ̀ri jɛri ntiŋ ɲakilila sun kì, Kirinŋ niŋ finŋ kiri ramɔni-i kpeeri tɛ, ǹʼbidi-i nwɔ̀ri tɛ. »

Korɛntitɔnŋ kiri (2) 9:8

So i Kirinŋ gbɛ ŋì i finŋ shɔɔrinŋ kiri bataa wɔri ábɛɛ tɛ, á i á maku shɔ finŋ kiri bataa kila, nwɔma á i so ye-i koŋ mwɔɔnna tɛ waarinŋ mwɔɔnna nu.

Efɛsitɔnŋ kiri 1:19

Míŋ i ǹʼnafɛ-a sɛbɛ, ńʼtu ŋì sotinbi sinaŋ wɔ̀ wɔri-i yibɛɛ bilinatɔnŋ kiri tɛ, ŋì i kɛɲɛ a yɛri ki wɔ sotinbi ki wu, ábɛɛ i niŋ fa a mwɔbi ki tɔ.

Efɛsitɔnŋ kiri 3:7

Kirinŋ shɔɔrinŋ ma-i míŋ tɛ, ŋì i míŋ shi awɔ baara ki ra, tu míŋ Wulujii ki sunjo konaŋ ki tɛ. Ŋì niŋ ma-i a yɛri ki wɔ sotinbi ki wu.

Kɔlɔsitɔnŋ kiri 1:29

Niŋ ki ra, míŋ baara ki ma-a, ŋí i kari ki tan-ni Kirisa wɔ sotinbi ki wu, ninwɔ̀ i baara ki ma-a míŋ ciiru.

Timote (1) 1:14

Yibɛɛ Ŋuntiŋ ki shɔɔrinŋ sinaŋ ma-i míŋ tɛ, ŋì i bilinabi fa bidintɛbi de míŋ nu, nini wɔ̀ri i kila-a Yesu Kirisa wɔ tenbi ki ru.

Iburu kiri 11:19

Aburahamu bili wuru ǹʼna tu so Kirinŋ gbɛ, ŋì i konkwuu kiri ŋmɛni, niŋ ki ra, ntiŋ i a danshuru ki kila sɛbɛ, miŋ tu konwɔtiŋ ŋmɛni po san-i konkwuu kiri kanfɛ.

Iburu kiri 7:25

Niŋ ki ra, nwɔ̀ri i arì kpari-ra Kirinŋ tɛ Yesu gbɛ, ntiŋ a so nini mwu-i pewu pewu, sabu ntiŋ ɲaninkulutɔnŋ yɛ waarinŋ bataa ru, ntiŋ i Kirinŋ nafɛ-ri kí tɛ.

Yakuba 4:12

Kirinŋ tenŋ pe bantenŋ i sariya kiri sɔɔtɔnŋ ki i, mìŋ tenŋ pe ki i ji kitikwurutɔnŋ ki i konaŋ ki sun. Mìŋ tenŋ pe ki i so-a koŋ mwu-i, mìŋ tenŋ pe ki i so-ri kiti ki fɛɛn-ɛ koŋ sun, ŋì i ntiŋ haliki sɛbɛ. Nka minwɔ̀ i nʼkaashi ki tɔ jɛ bi-a, miŋ nkɛnŋ, ŋi i kiti ki fɛɛn-ni nʼkaashi ki sun.

Pyɛɛri (2) 1:11

Niŋ ɲaan ki tɛ, yibɛɛ Ŋuntiŋ ki, ninwɔ̀ i yi Mwutɔnŋ Yesu Kirisa, ninwɔ̀ masabi kɔbali ki demantɔnŋ kiri bataa ra rawwulu ábɛɛ tɛ.

Yodasi 1:24

Kirinŋ a so ábɛɛ ɲaannasuu-u, nwɔma á fa fɛɛn kì, ŋì i á pɔlibali ciirudimaan kiri de nɔɔri ki ru.