Efɛsitɔnŋ kiri 3:2 - Jɔ Biibili ki

² Ábɛɛ ǹʼnama tu Kirinŋ ka cinŋ ka wɔri míŋ tɛ, tu ŋí i ǹʼma ábɛɛ tɛ, ŋì shɔɔrinŋ ma-i míŋ tɛ, a niŋ ji-i kì, míŋ wuru-ra so ǹʼkila-i kì.

Efɛsitɔnŋ kiri 3:2 ပူးပေါင်းရင်းမြစ်များ

Mabikiri 13:2

Jibi bɛɛ, ŋì i kí tu Ŋuntiŋ ki gbɛ ki fa sunŋ de ki ra, Ɲiniwɔlinŋ ki i wulubi kí tɛ tu : « Á Sɔɔli fa Barinabasi bo mɔ́ɔ́n bo ru, nwɔma míŋ kí dɔri-i cinŋ wɔ̀ ra, kí i so niŋ ma-i. »

Mabikiri 13:46

Pooli fa Barinabasi i ǹʼfɔɔ bi kí tɛ tɔnnafurubi wu tu : « Kirinŋ wɔ wulu ki kakan wuru-i, ŋì i sunjo ábɛɛ Yawutu kiri tɛ sun. Nka, miŋ tu ábɛɛ á kaan-a ǹʼtɛ, á i á yɛri ji miŋ tu ɲaninkulutɔnbi kɔbali ki bi ábɛɛ ra kì, dɔnsaŋ, yibɛɛ ra yi ɲaannupwulu ta shiya tɔri kiri tɛ.

Mabikiri 22:21

Niŋ fa a fɔn na, Ŋuntiŋ ki tu míŋ tɛ : ‹ Tiri, sabu míŋ a miŋ cin mani narimaŋ nu shiya tɔri kiri tɛ. › »

Mabikiri 9:15

Nka Ŋuntiŋ ki i ǹʼbi Ananiyasi tɛ tu : « Tiri, sabu míŋ koŋ ka ɲaannashi-i, tu ntiŋ i ji ńʼwɔ cinŋ matɔnŋ i. Ntiŋ i míŋ wulu bi shiya tɔri kiri fa arɔɔ masa kiri tɛ, niŋ fa Isirayɛli konanbi ki tɛ, kí i ńʼtɔ.

Ɔrɔmutɔnŋ kiri 1:5

Mìntiŋ ki bira, Kirinŋ shɔɔrinŋ ma-i yibɛɛ tɛ, ŋì i yi ji cindaŋ ni i, nwɔma yi i ye shiya kiri bataa tɛ, kí i a gbɛ, kí i bili a ra.

Ɔrɔmutɔnŋ kiri 11:13

Dɔnsaŋ, míŋ i ka wulu ka bi-a ábɛɛ shiya tɔri kiri tɛ, míŋ i cindaŋ i, nwɔ̀ cin-i shiya tɔri kiri tɛ. Míŋ i ńʼciirudi-a niŋ cinŋ ki wu kusɛbɛ,

Ɔrɔmutɔnŋ kiri 12:3

Kirinŋ shɔɔrinŋ wɔ̀ ma-i míŋ tɛ, ŋì i kɛɲɛ niŋ wu, míŋ i ǹʼceeli-la ábɛɛ tenŋ tenŋ ki gbɛ, ńʼtu ábɛɛ i nwɔ̀, á fa á yɛri ragbɛka jitan, ŋì i fwuu niŋ sun kì, nka á á yɛri sunjɛri. Kirinŋ bilinabi wɔ̀ wɔri-i ábɛɛ fɔn tenŋ tenŋ tɛ, á á yɛri tu niŋ kifinŋ ki ciiru.

Korɛntitɔnŋ kiri (1) 4:1

Niŋ ɲaan ki tɛ, míŋ tindaŋ ni, á yibɛɛ shɛɛli-li Kirisa tɛ baara matɔnŋ bantenŋ ni i, niŋ fa Kirinŋ wɔ gonto ri ɲaanbitɔnŋ ni i.

Galasitɔnŋ kiri 1:13

Míŋ wuru ɲaan wɔ̀ tɛ sun Yawutu kiri wɔ Kirinŋ saa ki fan, ábɛɛ niŋ nama-i. Míŋ wuru Yesu wɔ bilinatɔnŋ kwuru kiri cɔɔri-ra kusɛbɛ, nwɔma ŋí i kí haliki.

Efɛsitɔnŋ kiri 1:10

Ŋì i ǹʼgbɛbili wuru-i, tu waaci kiri na nafaa waarinŋ wɔ̀ ru, tu afinŋ a na pwɔkulinŋ sun finŋ kiri fa kirinpɔli la finŋ kiri bataa rakɔli, a i Kirisa ji yìrì ŋununtiŋ i.

Efɛsitɔnŋ kiri 3:7

Kirinŋ shɔɔrinŋ ma-i míŋ tɛ, ŋì i míŋ shi awɔ baara ki ra, tu míŋ Wulujii ki sunjo konaŋ ki tɛ. Ŋì niŋ ma-i a yɛri ki wɔ sotinbi ki wu.

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Efɛsitɔnŋ kiri 3:9

Ǹʼtu míŋ niŋ gonto ki po manisarinŋ tɛ, nwɔma konaŋ kiri i ǹʼtɔ. Kirinŋ wɔ̀ ki finŋ kiri bataa ramɔni-i, ka gonto ka radumaan wuru mìnki gbɛ nmaŋ kabi fɔlɔfɔlɔ.

Efɛsitɔnŋ kiri 4:21

Sii ǹʼna ǹʼnu kì, ábɛɛ Yesu Kirisa wulu ki rama-i, á i ntiŋ wɔ kalinŋ ki tɔ, á fani i ji ǹʼtɔ tu sɛli i.

Efɛsitɔnŋ kiri 4:7

Yibɛɛ bataa tenŋ tenŋ kafinŋ kila-i, ŋì i kɛɲɛ Kirisa wɔ shɔɔrinŋ ki kilaka ɲaan ki wu.

Kɔlɔsitɔnŋ kiri 1:4

sabu ábɛɛ bili-i Yesu Kirisa ra ɲaan wɔ̀ tɛ, niŋ fa ábɛɛ Kirinŋ wɔ wɔlinŋ kiri bidi-i á tɛ ɲaan wɔ̀ tɛ, yibɛɛ niŋ bataa rama-i.

Kɔlɔsitɔnŋ kiri 1:6

Niŋ Wulujii ki so-i ábɛɛ tɛ, miŋ tu ǹʼso-i juniɲa bataa tɛ ɲaan wɔ̀ tɛ, ŋì i tiri-ri jɛŋ. Ǹʼyɔ mìŋ ɲaan tenŋ ki tɛ ábɛɛ faninmwuŋ, kabi ábɛɛ Kirinŋ wɔ shɔɔrinŋ wulu ki rama-i, á i ǹʼsɛli ki tɔ.

Timote (1) 1:11

Niŋ kalinŋ sɔbɛ ki i po-a Shɔɔrintiŋ Kirinŋ wɔ Wulujii nɔɔritiŋ ki ru, Kirinŋ ninwɔ̀ biye-i míŋ gbɛsun.

Timote (1) 1:4

Kí fa arì cincin fɔlɔfɔlɔ bi bwuumaan kiri fa nupo kpaa tɔbali li dansanmaanna sun kì. Niŋ i na-a sɔsɔɔlinŋ gbansanŋ wu. Kirinŋ cinŋ wɔ̀ biye yibɛɛ gbɛsun, ninwɔ̀ i ma-a bilinabi wu, nini niŋ ta-a jɛŋ kì.

Timote (1) 2:7

Niŋ ki ra, míŋ i ji Wulujii ki sunjotɔnŋ i, niŋ fa cindaŋ i, nwɔma ŋí i bilinabi ki fa sɛli ki ɲaanbi shiya tɔri kiri tɛ. Míŋ puru bi-a kì, míŋ i nwɔ̀ bi-a, niŋ i sɛli i.

Timote (2) 1:11

Niŋ Wulujii ki bira, míŋ ji-i wulusunjotɔnŋ fa cindaŋ fa kalimɔɔ ɔ.