Efɛsitɔnŋ kiri 3:10 - Jɔ Biibili ki

¹⁰ Ŋì ncin-i niŋ gonto ki i tɔ dɔɔ, nwɔma bilinatɔnŋ kwuru kiri bira, kirinpɔlila masabi kiri fa sotinbi kiri bataa i ǹʼtɔ, tu ɲakilitinbi Kirinŋ gbɛ finŋ bataa ru.

Efɛsitɔnŋ kiri 3:10 ပူးပေါင်းရင်းမြစ်များ

Ɔrɔmutɔnŋ kiri 11:33

Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì.

Ɔrɔmutɔnŋ kiri 8:38

Míŋ bili-i ǹʼna, tu hali beŋ ki walima ɲaninkulutɔnbi ki, walima mɛlɛkɛn kiri, walima ŋununtinbi kiri, walima juniɲa nu dɔnsaŋ finŋ kiri fa finŋ na wɔ kiri, walima sotinbi kiri,

Korɛntitɔnŋ kiri (1) 1:24

Nka Kirinŋ nwɔ̀ri dɔri-i, Yawutu bili shiya tɔri sun, yibɛɛ i Kirisa wulu wɔ̀ sunjo-a, niŋ i Kirinŋ wɔ sotinbi ki fa ǹʼwɔ bitɔbi ki ji-a.

Korɛntitɔnŋ kiri (1) 2:7

Nka yibɛɛ i Kirinŋ wɔ ɲakilitinbi ki sunjo-a konaŋ ki tɛ, niŋ i gonto o, ninwɔ̀ radumaan yɛ juniɲa nu konaŋ kiri sun. Kabi juniɲa tɔnpa ki jɛŋ, Kirinŋ niŋ ma sɔɔ wuru yibɛɛ jɛŋ, nwɔma yibɛɛ i na so awɔ nɔɔri ki kila-i.

Efɛsitɔnŋ kiri 1:21

Ntiŋ sɔɔ-ɔ ŋununtinbi jabali kiri bataa ŋununu, miŋ tu masabi kiri fa faan kiri niŋ fa sotinbi kiri. Tɔ woo tɔ i dɔri-ra ka juniɲa ka ru, niŋ fa tɔ woo tɔ a na dɔri juniɲa na wɔ ki ru, Kirisa gbɛ-i niŋ bataa wu sɛbɛ.

Efɛsitɔnŋ kiri 1:23

Bilinatɔnŋ kwuru kiri i ntiŋ firi ki i. Finŋ woo finŋ i Kirisa ru, niŋ bataa i bilinatɔnŋ kwuru kiri ru, ŋì i ji juniɲa mani ki bataa ru.

Efɛsitɔnŋ kiri 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa tiŋ ki i. Mìnki shɔɔrinŋ ki fɔn kwuru ma-i yibɛɛ ɲini kiri tɛ Yesu Kirisa baraka ra kirinpɔlila mani narimaŋ kiri ru.

Efɛsitɔnŋ kiri 1:8

Niŋ shɔɔrinŋ ki wɔ̀ ma-i yibɛɛ tɛ ǹʼmwɔɔnna, niŋ i kaa : Kirinŋ bitɔbi fa ɲakilitinbi sinaŋ wɔri-i yi fɔn tenŋ tenŋ tɛ.

Efɛsitɔnŋ kiri 6:12

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Kɔlɔsitɔnŋ kiri 1:16

sabu, kirinpɔli la finŋ kiri fa pwɔkulinŋ sun finŋ kiri bataa po-i mìntiŋ ki sababu ra. Finŋ wɔ̀ri i ja-a niŋ fa finŋ wɔ̀ri ja-a kì, masabi kiri fa ŋununtinbi kiri, ŋì i ta bo faantiŋ kiri fa sotiŋ kiri sun, mìntiŋ sɔɔ-ɔ, yìrì bataa i ramɔni, niŋ fa yìrì i ji ramɔni mìntiŋ ki tɛ.

Kɔlɔsitɔnŋ kiri 2:10

Mìntiŋ i ŋununtinbi kiri fa faantinbi kiri bataa ŋununu, ábɛɛ i finŋ bataa kila-ri, á i pyii ǹʼna á fa mìntiŋ wɔ tenbi ki baraka ra.

Kɔlɔsitɔnŋ kiri 2:15

Ntiŋ faantiŋ kiri fa ŋununtiŋ kiri wɔ sotinbi kiri li-i, ntiŋ i kí ji yɛtan bo ǹʼsun finŋ ni i, koŋ bataa ɲaanna, awɔ so kilamaan ki baraka ra kpinkpisuu ki sun.

Timote (1) 3:16

Aawe, sɛli wɔ̀ radu-i Kirinŋ wɔ saa ki ru, niŋ i bi sinaŋ i, sɔsɔɔlinŋ nwɔ̀ ru kì, niŋ i kaa tu : Kirisa a yɛri ji konanmini i, ŋì i na pwɔkulinŋ sun, Ɲiniwɔlinŋ ki i ǹʼwɔ telibi ki ji, mɛlɛkɛn kiri i ǹʼja. Ǹʼwulu ki i ji sunjo shiya tɔri kiri kanfɛ. Konaŋ kiri i bili ǹʼna juniɲa ki ciiru. Kirinŋ fani i ji ǹʼshi tiri a nɔɔri ki ru.

Pyɛɛri (1) 1:12

Kirinŋ ǹʼji wuru kí wu, tu afinŋ bi wɔ̀ri sunjorama ki biye kíbɛɛ gbɛsun, tu kíbɔɔ wuru-i kì, nka tu ábɔɔ wuru-i. Kirinŋ wɔ Wulujii ki sunjotɔnŋ kiri niŋ bi kiri bi-i ábɛɛ tɛ dɔnsaŋ, Ɲiniwɔlinŋ ki baraka ra, Kirinŋ ninwɔ̀ cin po-i kirinpɔli ki ra. Mɛlɛkɛn kiri fɔn i ǹʼtɛ, arì i niŋ bi kiri ɲaantɔ.

Pyɛɛri (1) 3:22

Ntiŋ tunpa-i kirinpɔli ki ra, ntiŋ i ta sɔɔ Kirinŋ pantɛ. Mɛlɛkɛn kiri fa masabi kiri fa sotinbi kiri bataa kulu-i ntiŋ tɛ.