Efɛsitɔnŋ kiri 2:8 - Jɔ Biibili ki

⁸ Ábɛɛ á mwu-i Kirinŋ wɔ shɔɔrinŋ ki baraka ra áwɔ bilinabi ki bira, niŋ po ábɛɛ yɛrima kiri ru kì, nka Kirinŋ wɔ kafinŋ yɛ.

Efɛsitɔnŋ kiri 2:8 ပူးပေါင်းရင်းမြစ်များ

Matiyu 16:17

Yesu tu ntiŋ tɛ : « Yonasi danshuru Simɔŋ, mɔɔn shɔ-i, sabu nwɔ̀ ka sɛli ka ji-i miŋ wu, niŋ konanmini ki, duu míŋ Tiŋ wɔ̀ i kirinpɔli ki ra.

Matiyu 20:9

Cinŋ matɔnŋ wɔ̀ri na-i sunŋ ki i ji juu-ra kɔ, nini i na, nafulu lakparitɔnŋ ki i warifɔ daŋ tenŋ tenŋ wɔri ta nini tenŋ tenŋ tɛ.

Maraka 16:16

A konwɔtiŋ bili ǹʼna, ntiŋ i wu, nintiŋ a a mwu, nka koŋ woo koŋ bili ǹʼna kì, nintiŋ a a mwu kì.

Luki 7:50

Yesu i ǹʼbi mari ki tɛ : « Mɔɔn bilinabi ki nʼmwu-i. Kirinŋ de nʼshɔɔrinŋ wu. »

Yuhana 3:36

A konwɔtiŋ a gbɛbilimaŋ ki ji Danshuru ki i, nintiŋ a ɲaninkulutɔnbi kɔbali ki kila. Nka, a konwɔtiŋ a gbɛbilimaŋ ki ji Danshuru ki i kì, nintiŋ a ɲaninkulutɔnbi ki kila kì, nka ntiŋ i Kirinŋ wɔ tɔnkwulu ki fɛ. »

Yuhana 4:10

Yesu i nmari wɔ wulu ki rupwulu tu : « Kirinŋ i kafinŋ wɔ̀ wɔri-ra, a miŋ ji wuru niŋ tɔ-ri, niŋ fa koŋ wɔ̀ i ju ki ceeli-la miŋ gbɛ, a miŋ ji wuru nintiŋ tɔ-a, minki wuru-ra ji mwunu ju ki rafɛ-a ntiŋ gbɛ, ntiŋ i ji wuru-ra ɲaninkulutɔnbi ju ki wɔri miŋ tɛ. »

Yuhana 5:24

Yesu tu kí tɛ sɛbɛ tu : « Sɛli ki ra, míŋ a ǹʼbi ábɛɛ tɛ ńʼtu konwɔtiŋ i mɔ́ɔ́n wulu kari rama-a, ntiŋ i bili míŋ cintɔnŋ ki ra, ńʼtu nintiŋ ɲaninkulutɔnbi kɔbali ki kila kɔ, kiti ki a kwuru ntiŋ sun kili kì, ntiŋ po san-i beŋ ki ru, ntiŋ i de ɲaninkulutɔnbi ki ru.

Yuhana 6:35

Yesu i kí rupwulu tu : « Míŋ i nufinŋ i, nwɔ̀ i ɲaninkulutɔnbi ki wɔri-ra. A nwɔ̀tiŋ na míŋ tɛ, bɛɛ ra nintiŋ pa kili kì, a nwɔ̀ bili míŋ na, jumwunu na nintiŋ pa fɛsɛfɛsɛ kili kì. »

Yuhana 6:37

Míŋ Tiŋ ki i koŋ woo koŋ wɔri-ra míŋ tɛ, ǹʼbataa ra na míŋ tɛ, koŋ finŋ woo finŋ na míŋ tɛ, míŋ a ǹʼtɔri tenŋ kalikali po taanna kì.

Yuhana 6:40

Aawe, míŋ Tiŋ ki dintɛ bi ki i tu, koŋ finŋ woo finŋ Danshuru ki ja, ntiŋ i bili ǹʼna, tu nintiŋ ɲaninkulutɔnbi kɔbali ki kila, míŋ i ji-a ntiŋ ŋmɛni jibi rakɔɔra ki ru. »

Yuhana 6:44

Koŋ tɔri tenŋ so-a na-i míŋ tɛ kì, duu Tiŋ wɔ̀ míŋ cin-i fɔ niŋ nwɔ̀ cɛɛn na-i, míŋ ji-a ntiŋ ŋmɛni jibi rakɔɔra ki ru.

Yuhana 6:65

Yesu tu sɛbɛ : « Niŋ ki ncin-i míŋ i ǹʼbi ábɛɛ tɛ ńʼtu koŋ tɔri tenŋ so-a na-i míŋ tɛ kì, duu Tiŋ ki niŋ ma-i nwɔ̀ tɛ. »

Mabikiri 14:27

Niŋ ki ra, Pooli fa Barinabasi arì pwulu de-i kili ki ru waarinŋ wɔ̀ ru, kí i bilinatɔnŋ kiri bataa rakɔli. Kí so-i bi wɔ̀ri ma-i Kirinŋ wɔ so ki ciiru, niŋ fa ŋì awɔ masabi ki tɔnŋ nawwulu-i shiya tɔri kiri tɛ ɲaan wɔ̀ tɛ, nwɔma kí i bili Yesu ra, kí i niŋ bataa rakali kí tɛ.

Mabikiri 15:11

Á ǹʼtɔ tu, yibɛɛ bili-i ǹʼna tu Ŋuntiŋ Yesu yibɛɛ mwu ǹʼgbansanŋ i ɲaan wɔ̀ tɛ, tu ŋì kí gbɛ mìŋ ɲaan tenŋ ki tɛ. »

Mabikiri 16:14

Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra.

Mabikiri 16:31

Kí i ntiŋ nupwulu tu : « Bili Ŋuntiŋ Yesu ra, niŋ a miŋ mwu, miŋ fa nʼwɔ kaninsuntɔnŋ kiri bataa. »

Ɔrɔmutɔnŋ kiri 10:14

Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì?

Ɔrɔmutɔnŋ kiri 10:17

Niŋ ɲaan ki tɛ, wulu lamamaan ki i na-a bilinabi ki wu, nwɔ̀ i rama-a niŋ i po-a Kirisa wulu ki ru.

Ɔrɔmutɔnŋ kiri 4:16

Niŋ ki ra, kani wɔ̀ tɔnŋ wɔri-i Aburahamu fa a nupo kiri tɛ, niŋ i kila-a bilinabi ki baraka ra, nwɔma ŋì i ji Kirinŋ wɔ shɔɔrinŋ i, nwɔ̀ i Aburahamu fa a nupo kiri bataa wɔ. Ŋì fa ji sariya ki saa tiritɔnŋ kiri bantenŋ wɔ kì, nka finŋ woo finŋ bilinabi ki ma-i miŋ tu Aburahamu, ŋì i ji nini bataa wɔ sɛbɛ. Aburahamu i yibɛɛ bataa tiŋ cɛɛnni ki i,

Ɔrɔmutɔnŋ kiri 4:5

Nka, a konwɔtiŋ cinŋ ma kì, Kirinŋ wɔ̀ ki i a jɛŋ kɛnibali kiri ji-a koŋ telimaan ni i, a ɲaanfɛ ǹʼgbansanŋ, a ntiŋ bili bantenŋ tan niŋ na, ntiŋ wɔ bilinabi ki i shɛɛli-la telibi i Kirinŋ gbɛ.

Ɔrɔmutɔnŋ kiri 9:16

Niŋ ɲaan ki tɛ, koŋ tɔri tenŋ dintɛ bi walima ntiŋ mabi ncusun-a Kirinŋ i ntiŋ sunmakwulupa kì, nka niŋ i ma kɛɲɛ-a sunmakwulupatɔnŋ Kirinŋ dintɛ bi ki wu.

Galasitɔnŋ kiri 3:14

Kirisa ǹʼma-i ninkunŋ, nwɔma Aburahamu Kirinŋ wɔ shɔɔrinŋ wɔ̀ kila-i, niŋ i so shiya tɔri kiri bataa sun Yesu Kirisa baraka ra, yi i Ɲiniwɔlinŋ ki kila, Kirinŋ ninwɔ̀ tɔnŋ wɔri-i yibɛɛ tɛ bilinabi ki baraka ra.

Galasitɔnŋ kiri 3:22

Nka Kirinŋ wɔ wulu ki i ǹʼbi-a tu konaŋ bataa bijɛmatɔnŋ i. Niŋ ɲaan ki tɛ, Kirinŋ a tɔnŋ wɔri-i kani wɔ̀ bira, ŋì i niŋ wɔri-ra kpeeri tɛ, arɔɔ bilinabi ki baraka ra Yesu Kirisa ra.

Efɛsitɔnŋ kiri 1:19

Míŋ i ǹʼnafɛ-a sɛbɛ, ńʼtu ŋì sotinbi sinaŋ wɔ̀ wɔri-i yibɛɛ bilinatɔnŋ kiri tɛ, ŋì i kɛɲɛ a yɛri ki wɔ sotinbi ki wu, ábɛɛ i niŋ fa a mwɔbi ki tɔ.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 2:5

Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra.

Filipitɔnŋ kiri 1:29

Kirinŋ ka shɔɔrinŋ ka ma ábɛɛ tɛ, nwɔma á i bili bantenŋ tan Kirisa ra kì dɛ! Nka ŋì ǹʼma-i, nwɔma ábɛɛ i cɔɔri ǹʼbira sɛbɛ.

Kɔlɔsitɔnŋ kiri 2:12

Ábɛɛ fa Kirisa kwuu ki ye-i ámaŋ fan á wu shikaŋ ki ru, á i ŋmɛni ntiŋ fan, sabu ábɛɛ bili-i Kirinŋ wɔ sotinbi ki ra, ninwɔ̀ ntiŋ ŋmɛni-i.

Tesalonikitɔnŋ kiri (2) 1:9

Kɔ́ɔ́ ki a na ji ɲaanfɛkwulu kɔbali i. Kí i kalikali po san Ŋuntiŋ ki fa awɔ sotinbi ki nɔɔri ki fɛ.

Iburu kiri 6:4

Nwɔ̀ri Kirinŋ wɔ manisarinŋ ki kila ja-i kɔ, kí i ǹʼwɔ kafinŋ ki nɛɛ, kí i ji Ɲiniwɔlinŋ ki kila,

Pyɛɛri (1) 1:5

Kirinŋ i ábɛɛ ɲaannasuu-ra awɔ sotinbi ki wu, áwɔ bilinabi ki baraka ra, nwɔma a i á mwu. Niŋ mwubi ki ramɔnimaan yɛ kɔ, ǹʼtu-i ŋì i ji konaŋ ki wu waaci rakɔɔra ki ru.