Efɛsitɔnŋ kiri 2:6 - Jɔ Biibili ki

⁶ Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Efɛsitɔnŋ kiri 2:6 ပူးပေါင်းရင်းမြစ်များ

Matiyu 26:29

Yesu tu kí tɛ : « Míŋ a ǹʼbi ábɛɛ tɛ, ńʼtu míŋ a dunfɛnŋ mwunu kili kì, fɔ jibi wɔ̀ míŋ fa ábɛɛ ra na ǹʼmwunu ńʼTiŋ ki wɔ Masabi ki ru, mwunuka ɲaan ŋunaŋ tɛ. »

Luki 12:37

Niŋ na, a ŋununtiŋ ki na, ntiŋ i na fa baaradaŋ wɔ̀ri wu arì ɲaanna, nini a ji koŋ fɛrɛmaan ni i. Míŋ a ǹʼbi ábɛɛ tɛ ńʼtu, sɛli ki ra, ŋununtiŋ ki yɛri ki a na a rukɔli, ntiŋ i awɔ baaradaŋ kiri dɔri tu kí na sɔɔ kí i nufinŋ ki nu, ntiŋ yɛri ki gbɛ ki a na ninwɔ̀ sɔɔ kí tɛ.

Yuhana 12:26

Konwɔtiŋ ji ǹʼtɛ a i baara ma míŋ tɛ, nintiŋ ǹʼpa míŋ cɛfan. Míŋ a ji mani wɔ̀ ru, míŋ tɛ baara matɔnŋ ki ra ji mìŋ mani ki ru. Konwɔtiŋ i baara ma-a míŋ tɛ, Tiŋ ki a baraka de nintiŋ nu. »

Yuhana 14:3

A míŋ ta mani ki ramɔni kɔ ábɛɛ tɛ waarinŋ wɔ̀ ru, míŋ a ńʼpwulu na ábɛɛ shi, á i ta tu ńʼfan niŋ mani ki ru nmaŋ.

Efɛsitɔnŋ kiri 1:1

Míŋ Pooli wɔ̀ i Yesu Kirisa wɔ cindaŋ i Kirinŋ baraka ra, míŋ i ka sɛbɛ ka tan wɔri ta-a Kirinŋ wɔ wɔlinŋ kiri tɛ Efɛsi kili ki ru, nini wɔ̀ri i Kirisa Yesu bilinatɔnŋ kiri i.

Efɛsitɔnŋ kiri 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa tiŋ ki i. Mìnki shɔɔrinŋ ki fɔn kwuru ma-i yibɛɛ ɲini kiri tɛ Yesu Kirisa baraka ra kirinpɔlila mani narimaŋ kiri ru.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 2:13

Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.

Kɔlɔsitɔnŋ kiri 1:18

Kirisa ra bilinatɔnŋ kiri i ntiŋ firi ki i, mìntiŋ ki i ji niŋ firi ki ŋuniŋ ki i. Finŋ kiri bataa tɔnpa-i mìntiŋ ki wu. Mìntiŋ jɔnɔ ŋmɛni po san-i konkwuu kiri ru, nwɔma ntiŋ i ji finŋ bataa ŋununtiŋ i.