Efɛsitɔnŋ kiri 2:3 - Jɔ Biibili ki

³ Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.

Efɛsitɔnŋ kiri 2:3 ပူးပေါင်းရင်းမြစ်များ

Maraka 4:19

nka juniɲa ka ru ciirufɔnɔbi kiri fa nafulu tɔ ki fa firi dintɛ bi jɛ kiri i na-a arì la niŋ wulu ki sun, fɔ ŋì so-a daŋ pa-i kì.

Yuhana 1:13

Kí i ji Kirinŋ daŋ ni i, niŋ ji konanmini jika ɲaan tɛ kì, shuru fa mari dintɛ bi dumiŋ i kì, nka kí ji-i Kirinŋ daŋ ni i Kirinŋ sababu ra.

Yuhana 8:44

Ábɛɛ tiŋ ki i shitaanni i, ábɛɛ i ǹʼtɛ á i ǹʼnaki a dintɛ bi ki ru. Kabi juniɲa tɔnpa waari ki ru, koŋ kilɛntɔnŋ yɛ, ŋì a tu ja-i sɛli ki ra sun kì, sabu sɛlitiŋ i kì. A ǹʼji puru ki bi-a waarinŋ wɔ̀ ru, ŋì i a yɛri ki ɲaan ki ji-a, sabu purubitɔnŋ yɛ, puru ki tiŋ ki i ji-i.

Mabikiri 14:16

Waaci fwuudemaan kiri ru, ŋì ncusun-i shiya kiri bataa i arì ɲaanna saa ri tiri-ri.

Ɔrɔmutɔnŋ kiri 1:24

Niŋ ki ra, Kirinŋ i kí tu nɔɔkɔnɔbi ki ru, ŋì i kɛɲɛ kí dintɛ bi jɛ kiri wu, fɔ kí i bi ri ma-ni, nwɔ̀ri i kí firi kiri rufyɛ-a arìmaŋ kanfɛ.

Ɔrɔmutɔnŋ kiri 11:30

Ábɛɛ yɛrima kiri wuru Kirinŋ wulu pa-a sun kì, nka Kirinŋ ábɛɛ sunmakwulupa-i dɔnsaŋ, kíbɔɔ Kirinŋ wulu pabalibi ki bira.

Ɔrɔmutɔnŋ kiri 13:14

Á yi Ŋuntiŋ Yesu Kirisa bi ki bo á sun miŋ tu jɛrɛbi, firi ki dintɛ bi kiri fa so á fɛ kì.

Ɔrɔmutɔnŋ kiri 2:14

Shiya tɔri wɔ̀ri Musa wɔ sariya ki tɔ kì, a nini tiri kɛɲɛ sariya ki wu arì yɛrɛtɛ, hali kí ji niŋ sariya ki tɔ-a kì, kí i ǹʼji-a tu sariya ki arìbɛɛ gbɛ.

Ɔrɔmutɔnŋ kiri 5:10

Yibɛɛ wuru Kirinŋ ɲa ni i sun, nka Kirinŋ yibɛɛ fa a faninmwuŋ ki ramɔni-i a Danshuru ki beŋ ki baraka ra. Yibɛɛ fa Kirinŋ faninmwuŋ ki ramɔnimaan ki kɔɔtɛ, sii ǹʼna ǹʼnu kì, yibɛɛ ra yi mwu ǹʼDanshuru ki wɔ ɲaninkulutɔnbi ki baraka ra.

Ɔrɔmutɔnŋ kiri 5:9

Dɔnsaŋ, yibɛɛ jimaan ki koŋ telimaan ni i Kirisa cunŋ ki baraka ra, sii ǹʼna ǹʼnu kì, yibɛɛ ra yi mwu Kirinŋ wɔ tɔnkwulu ki wu ntiŋ baraka ra.

Ɔrɔmutɔnŋ kiri 6:12

Niŋ na, á fa á firi beeni wɔ ki tu bijɛ ki wɔ jonbi ki ru kili kì. Á fa á tu niŋ firi ki dintɛ bi kiri ra kili kì.

Ɔrɔmutɔnŋ kiri 7:18

Míŋ ǹʼtɔ-i ńʼtu finŋ shɔɔrinŋ míŋ ciiru kì. Niŋ kɔri ki i tu, ŋì i míŋ tu konanmini gbansanŋ i, finŋ shɔɔrinŋ míŋ ciiru kì. Sabu bi shɔɔrinŋ ma tɔ ki i míŋ nu, nka míŋ so-a kì.

Ɔrɔmutɔnŋ kiri 9:22

Kirinŋ wuru ǹʼtɛ a i awɔ tɔnkwulu ki fa awɔ sotinbi ki ji konaŋ haliki wɔ kiri wu, nka ŋì a tɔnsunfili-i kí tɛ kusɛbɛ, ŋì i kɔ́ɔ́ bi kiri kwun a ru, miŋ a nfɛnŋ bi niŋ na?

Korɛntitɔnŋ kiri (1) 4:7

Niŋ na, nkɛnŋ miŋ pari koŋ pyɛ kiri wu? Nfɛnŋ finŋ miŋ gbɛ tu Kirinŋ nwɔ̀ wɔri miŋ tɛ kì? A Kirinŋ ji ǹʼwɔri miŋ tɛ, nfɛnŋ na miŋ i nʼyɛri ji-ri niŋ wu, miŋ tu koŋ a ji ǹʼwɔri miŋ tɛ kì?

Korɛntitɔnŋ kiri (2) 7:1

Míŋ tindaŋ byii ri, a Kirinŋ ji niŋ bi kiri tɔnŋ wɔri yibɛɛ tɛ, yi yi wu fɔɔ, yi i po san firi ki nɔɔbi kiri, fa ciiru tɔnŋ ki nɔɔbi kiri bataa ru, yi i yɔɔ fɔɔbi ki rafaa Kirinŋ jɛŋ kɛmi ki wu.

Galasitɔnŋ kiri 3:22

Nka Kirinŋ wɔ wulu ki i ǹʼbi-a tu konaŋ bataa bijɛmatɔnŋ i. Niŋ ɲaan ki tɛ, Kirinŋ a tɔnŋ wɔri-i kani wɔ̀ bira, ŋì i niŋ wɔri-ra kpeeri tɛ, arɔɔ bilinabi ki baraka ra Yesu Kirisa ra.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Tesalonikitɔnŋ kiri (1) 4:13

Ńʼtindaŋ ni, a bilinatɔnŋ ki beeni, bi wɔ̀ i ma-a ntiŋ wu, míŋ ǹʼtɛ ábɛɛ i tu niŋ tɔbali kì, nwɔma ábɛɛ fa na á gbɛɛratɛɛ-ɛ miŋ tu koŋ pyɛ kiri kì. Gbɛbilimaŋ nini na kì.

Tesalonikitɔnŋ kiri (1) 5:6

Niŋ ki ra, yi fa ɲinintan-ni miŋ tu koŋ pyɛ kiri kì. Yi tu yi ɲaanna, yi i yi ɲakili tu yi yɛri ra, yi ɲakili ki sɔɔmaan i ji-i waarinŋ bataa ru.

Timote (1) 6:9

Nka nwɔ̀ri i ǹʼtɛ, arì i ji fintiŋ ni i, a kɔrɔbɔ bi na kí tɛ, ŋì i so kila-a kí sun, sabu kí dintɛ bi kiri i ji-a pee cumaan ni i, yìrì i kí pa, yìrì i kí li, yìrì kí haliki pewu.

Tite 3:3

Sabu fɔlɔfɔlɔ yibɛɛ yɛrima kiri wuru ɲakili bali li i, niŋ fa Kirinŋ wulu pabali li i, yi i ji koŋ fɔnimaan ni i. Yibɛɛ wuru firi ki dintɛ bi jɛ kiri fa ɲaannabyɛ kwuru ki bataa wɔ joŋ ni i, yi i ji wuru koŋ juumaan ni fa koŋ ɲaannajuutɔnŋ ni i. Yibɛɛ bikwɔ wuru konaŋ kiri sun, yibɛɛ yɛrima kiri i yi yɛri bikwɔ-ri yimaŋ sun sɛbɛ.

Pyɛɛri (1) 1:14

Á Kirinŋ wɔ wulu ki pa. Waarinŋ wɔ̀ ru, ábɛɛ wuru Kirinŋ tɔ-a kì, sɔŋ jɛ wɔ̀ wuru ábɛɛ ru, niŋ bishi fa ja á ru kili kì.

Pyɛɛri (2) 2:14

Nankulunbi ma ɲaninaŋ kiri i kí gbɛ. Kí pyii-ra bijɛ ma ki ra kì. Nwɔ̀ri baraka rakuru-i, kí i nini fɔni-na. Nafulu ki a kila ɲaan woo ɲaan tɛ, ninki i kí tɔnnabi ki i. Kí danka-i.

Pyɛɛri (2) 2:18

Wulu sinaŋ sinaŋ fa wulu gbansanŋ bi ki di-i kí tɛ. Nwɔ̀ri i faa po san-a koŋ fɔnimaan kiri gbɛfɛ, kí i nini sunnɛɛn-na firi dintɛ bi jɛ kiri wu.

Yuhana (1) 2:16

Finŋ wɔ̀ri i juniɲa ki ru, miŋ tu firi ki dintɛ bi kiri, koŋ ɲaninpontɛfinŋ kiri, juniɲa nu yɛri ragbɛ bi kiri, niŋ tɔri po-a Tiŋ Kirinŋ nu kì. Niŋ bataa i kila-a juniɲa nu.

Yuhana (1) 2:8

Niŋ fa a fɔn na, cinŋ ŋunaŋ yɛ, míŋ i nwɔ̀ sɛbɛ wɔri tiri-ra ábɛɛ tɛ. Ǹʼŋunanbi ki ja-i Yesu ra, ŋì i ji ja ábɛɛ ra sɛbɛ, sabu mancinŋ ki i tiri-ra, manisarinŋ ki i ji cucu-a kɔ.