Efɛsitɔnŋ kiri 2:2 - Jɔ Biibili ki

² Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 2:2 ပူးပေါင်းရင်းမြစ်များ

Matiyu 11:19

Koŋ Danshuru ki na-i, niŋ i bilaŋ nu-ni, ntiŋ i mwunufinŋ mwunu-ni, ábɛɛ tu : ‹ Ka weŋ ka i lɔrutɛfɛ, wulatiŋ i, ɲinisarakɔlɔtiiri fa bijɛmatiiri wɔ wɔshuru yɛ. › Nka, ɲakilitinbi wɔ̀ po-i Kirinŋ nu, niŋ wɔ telibi ki i tɔ-a a mabi kiri ra. »

Matiyu 13:22

Bilanaŋ wɔ̀ri fɛɛn-ɛ ɲiŋ ciitiŋ kiri faninmwuŋ, nini i kpeeri i, nwɔ̀ri i Kirinŋ wɔ wulu ki rama-a, nka juniɲa ka ru ciirufɔnɔbi kiri fa koŋ sunnɛɛn nafulu tɔ kiri i na-a arì la niŋ wulu ki sun, fɔ ŋì so-a daŋ pa-i kì.

Matiyu 13:38

Ji ki, niŋ i juniɲa ki i. Bilantu sɔbɛ ki i kirinpɔlila Masabi ki daŋ kiri. Ɲiŋ jɛ ki i shitaanni daŋ kiri.

Maraka 4:19

nka juniɲa ka ru ciirufɔnɔbi kiri fa nafulu tɔ ki fa firi dintɛ bi jɛ kiri i na-a arì la niŋ wulu ki sun, fɔ ŋì so-a daŋ pa-i kì.

Luki 16:8

Yesu tu nafulutiŋ ki niŋ nama-i waarinŋ wɔ̀ ru, ntiŋ i ka koŋ daalintiŋ ka tɔjii bi awɔ kɛrɛbi bi mamaan ki bira. Yesu tu sɛbɛ : « Sɛli ki ra, nwɔ̀ri ɲaniŋ i po-a ka juniɲa ka tɛ, nini i arìmaŋ faninmwuŋ bi kiri ma-a kɛrɛbi wu, ŋì i fwuu manisarinŋ nu tɔnŋ kiri sun. »

Luki 22:31

Yesu i ǹʼbi Simɔŋ tɛ : « Simɔŋ, Simɔŋ, ǹʼshɛɛli, shitaanni ǹʼceeli-i Kirinŋ gbɛ, a i ábɛɛ yuuyuu, miŋ tu koŋ i bilaŋ yuuyuu po san-a a ɲɛɛnŋ nu ɲaan wɔ̀ tɛ.

Yuhana 12:31

Kiti ki ra kwuru ka juniɲa ka ru konaŋ kiri sun dɔnsaŋ, juniɲa ki ŋununtiŋ ki ra kwɔ po taanna.

Yuhana 13:2

Yesu fa awɔ kalindaŋ kiri wuru ciiku ki nu-a. Shitaanni ɲakilila jɛ ki de wuru Simɔŋ Isikariyɔti danshuru Yudasi ciiru kɔ, nwɔma a i Yesu wɔri a ɲa kiri tɛ.

Yuhana 13:27

Yudasi i niŋ ku gbɛtuŋ ki mwu. Shitaanni i de wú ru. Yesu tu wú tɛ : « Miŋ kakan-i ŋi i nwɔ̀ ma, niŋ ma san nmaŋ. »

Yuhana 14:30

Míŋ a cin wulubi ki ra ábɛɛ tɛ kili kì, sabu ka juniɲa ka ŋununtiŋ ki yirira i nmaŋ. So dantenŋ ǹʼgbɛ míŋ sun kì,

Yuhana 15:19

Ábɛɛ ji wuru juniɲa ki wɔ ri, ǹʼwuru-ra awɔ kiri bidi a tɛ. Nka ábɛɛ juniɲa ki wɔ ri kì. Mínki ábɛɛ ɲaannashi po san-i juniɲa ki ru, niŋ ki ra, juniɲa ki i ábɛɛ bikwɔ-ri a sun.

Yuhana 16:11

Kirinŋ wɔ kiti ki bi ki sun, kí fɔnimaŋ ki i kaa : kiti ki fɛɛn-ɛ juniɲa ki ŋununtiŋ ki sun kɔ.

Yuhana 7:7

Juniɲa ki a so ábɛɛ bikwɔ-i a sun kì, nka míŋ bikwɔ-i ǹʼsun, sabu míŋ i ǹʼbi-a ńʼtu ǹʼmabi kiri shɔ kì.

Yuhana 8:23

Yesu tu kí tɛ : « Ábɛɛ i pwɔkulinŋ sun wɔ ri, nka míŋ po-i kirinpɔlila. Ábɛɛ i ka juniɲa ka wɔ ri, nka míŋ ka juniɲa ka wɔ kì.

Yuhana 8:44

Ábɛɛ tiŋ ki i shitaanni i, ábɛɛ i ǹʼtɛ á i ǹʼnaki a dintɛ bi ki ru. Kabi juniɲa tɔnpa waari ki ru, koŋ kilɛntɔnŋ yɛ, ŋì a tu ja-i sɛli ki ra sun kì, sabu sɛlitiŋ i kì. A ǹʼji puru ki bi-a waarinŋ wɔ̀ ru, ŋì i a yɛri ki ɲaan ki ji-a, sabu purubitɔnŋ yɛ, puru ki tiŋ ki i ji-i.

Mabikiri 19:35

Kili ki ru faan wulu bitɔnŋ ki i na a banba, niŋ i so konaŋ ki gbansan-i. Ntiŋ tu kí tɛ : « Efɛsitiiri, nkɛnŋ nmaŋ, tu nwɔ̀tiŋ ǹʼtɔ-a tu Aritɛmisi wɔ fu ki niŋ fa ǹʼyɛri ki bishi wɔ̀ saa yiri-i kirinpɔlila, tu Efɛsi kili ki nini tiŋ ki fa yìrì ɲaannasuutɔnŋ i kì?

Mabikiri 5:3

Pyɛɛri i ǹʼbi : « Ananiyasi, nfɛnŋ na miŋ i ncusun shitaanni i miŋ po puru bi ki sun Ɲiniwɔlinŋ ki tɛ ka ɲaan ka tɛ?

Ɔrɔmutɔnŋ kiri 12:2

Á fa áwɔ bi kiri ma-ni juniɲa nu tɔnŋ kiri sali kì, nka ábɛɛ ɲakili ŋunaŋ wɔ̀ kila-i, á ncusun niŋ i á rapwulu, nwɔma Kirinŋ dintɛ bi shɔɔrinŋ nafaamaan ki i nwɔ̀, á i so niŋ tɔ-i.

Korɛntitɔnŋ kiri (1) 5:10

Míŋ ka juniɲa ka ru nankulinŋ kiri fa a ru fyikatiŋ kiri fa a ru kwunŋ kiri fa a ru pɛli tantɔnŋ kiri wulubi-a kì dɛ! A nini wulu ji wuru-i, ábɛɛ wuru-ra ji po san-a juniɲa ki ru.

Korɛntitɔnŋ kiri (1) 6:11

Ábɛɛ bɛɛ ri wuru mìŋ ɲaan ki tɛ. Nka dɔnsaŋ, ábɛɛ wu-i, á i bo á ciin na, á i ji Kirinŋ wɔ wɔlinŋ ni i. Ábɛɛ ji-i koŋ telimaan ni i Ŋuntiŋ Yesu Kirisa tɔ ki bira, niŋ fa yibɔɔ Kirinŋ Ɲini ki baraka ra.

Korɛntitɔnŋ kiri (2) 4:4

Niŋ koŋ kiri bili-la Kirinŋ na kì, sabu ka juniɲa ka ŋununtiŋ ki, ninwɔ̀ i shitaanni ki i, ninki kí ciiru ɲakili kiri rala-i, nwɔma kí fa Kirinŋ wɔ Wulujii ki sarinŋ ki ja kì, niŋ Wulujii ki wɔ̀ i Kirisa nɔɔri ki ji-a, ninwɔ̀ i Kirinŋ ɲaan ki ji-a.

Galasitɔnŋ kiri 1:4

Kirisa a yɛri ki wɔri-i yibɔɔ bijɛ kiri ŋunfɛ, nwɔma a i yibɛɛ po san ka juniɲa ka ru bijɛ kiri bataa ru, ŋì i kɛɲɛ Tiŋ Kirinŋ dintɛ bi ki wu,

Efɛsitɔnŋ kiri 1:21

Ntiŋ sɔɔ-ɔ ŋununtinbi jabali kiri bataa ŋununu, miŋ tu masabi kiri fa faan kiri niŋ fa sotinbi kiri. Tɔ woo tɔ i dɔri-ra ka juniɲa ka ru, niŋ fa tɔ woo tɔ a na dɔri juniɲa na wɔ ki ru, Kirisa gbɛ-i niŋ bataa wu sɛbɛ.

Efɛsitɔnŋ kiri 2:11

Ábɛɛ wuru ɲaan wɔ̀ tɛ fɔlɔfɔlɔ, á á ɲakilila bo niŋ tɛ. Ábɛɛ wuru dɔri-ra tu shiya tɔri ri, nwɔ̀ri Yawutu ri i kì. Ŋì i kɛɲɛ konanmini wɔ gbɛɛra baara mamaan wu firi ki ru, ábɛɛ wuru dɔri-ra tu sɔɔpeefɛbali li sɔɔpeefɛmaan kiri gbɛ.

Efɛsitɔnŋ kiri 2:13

Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.

Efɛsitɔnŋ kiri 2:3

Yibɛɛ bataa wuru miŋ tu kíbɛɛ sun. Yibɛɛ wuru yi firi ki dintɛ bi jɛ kiri ma-a, yi i yi yɛri ciiru ɲakilila bi kiri ma-ni. Yibɛɛ ɲaan ki fa koŋ pyɛ kiri bataa wɔ wuru tenŋ i, niŋ ki ra, Kirinŋ wɔ tɔnkwulu ki kakan wuru-i ŋì i so yibɛɛ bataa sun sɛbɛ.

Efɛsitɔnŋ kiri 4:17

Ńʼtindaŋ ni, míŋ a nwɔ̀ bi furu ábɛɛ tɛ dɔɔ Ŋuntiŋ ki bira, niŋ i kaa : á fa tiri miŋ tu Kirinŋ tɔbali kiri tiri-ra ɲaan wɔ̀ tɛ kì, nini i tiri-ra, kí i ǹʼkɛɲɛ arɔɔ ɲakilila kwuu kiri wu.

Efɛsitɔnŋ kiri 4:22

Niŋ ki ciiru, ábɛɛ wuru tiri-ra ɲaan wɔ̀ tɛ fɔlɔfɔlɔ, á niŋ tirika ɲaan ki tɔnbo pewu, á fa á ɲaninpo niŋ bi bwuu kiri tɛ kili kì, ninki i konaŋ kiri fɔni-na, ŋì i kí haliki-ri.

Efɛsitɔnŋ kiri 5:6

Á fa ncusun koŋ i á sunnɛɛn wulu tawɔ ri wu kì, sabu niŋ wulu bishi kiri i ncin-a Kirinŋ wɔ tɔnkwulu ki i so-ri awɔ wulu pabali kiri sun.

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Efɛsitɔnŋ kiri 6:12

Sabu yibɔɔ kwurukwuru ki ye-a konanmini ni wu kì, nka yibɛɛ fa ɲinijɛ kiri fa arì ŋununtiŋ kiri i ǹʼye-a, nini wɔ̀ri i sotinbi kiri fa barakatiŋ kiri i, nwɔ̀ri sɔɔ juniɲa ka ŋununu mancinŋ ki ru.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Timote (2) 4:10

sabu Demasi a kila san-i míŋ na, ntiŋ i ǹʼpa juniɲa dintɛ bi jɛ kiri cɛfan, ntiŋ i tiri Tesaloniki kili ki ra. Keresansi, niŋ i tiri Galasi sɔɔta ki ru. Tite, niŋ i tiri Dalamasi sɔɔta ki ru.

Yakuba 1:27

Dinɛbi wɔ̀ fɔɔ Kirinŋ ɲaanfɛ, tu nɔɔ ǹʼnu kì, niŋ i kaa : ŋi i ta ye gbɛwɔ kiri fa kanimari kiri tɛ arì ɲaanfɛkwulu waari kiri ru, ŋi i nʼyɛri paka shɔ juniɲa nu bi nɔɔmaan kiri bataa kɛlina.

Yakuba 1:7

Niŋ koŋ bishi ki kɔniŋ fa ǹʼmiiri tu afinŋ a finŋ bɛɛ kila Ŋuntiŋ ki gbɛ kì dɛ!

Yakuba 4:4

Ábɛɛ dariwulu bali kari! Ábɛɛ ji ǹʼtɔ-a, tu ŋi i juniɲa ki bidi nʼtɛ, tu niŋ i ǹʼbi-a tu miŋ Kirinŋ bikwɔ-a nʼsun wa? Konwɔtiŋ i ǹʼtɛ, a i a yɛri ji juniɲa ki wɔ wɔshuru u, ntiŋ i ji-a Kirinŋ ɲa a.

Pyɛɛri (1) 1:14

Á Kirinŋ wɔ wulu ki pa. Waarinŋ wɔ̀ ru, ábɛɛ wuru Kirinŋ tɔ-a kì, sɔŋ jɛ wɔ̀ wuru ábɛɛ ru, niŋ bishi fa ja á ru kili kì.

Pyɛɛri (1) 4:3

Ábɛɛ Kirinŋ tɔbali li mabi wɔ̀ri ma fwuude-i, miŋ tu nankulunbi ni fa sɔnjɛbi ki, niŋ fa lɔrutɛfɛbi ki, niŋ fa wulatinbi kwuru ki bataa, niŋ fa tanfinŋ tɔri ri tanmaanna ki, niŋ a ǹʼpo.

Pyɛɛri (2) 2:14

Nankulunbi ma ɲaninaŋ kiri i kí gbɛ. Kí pyii-ra bijɛ ma ki ra kì. Nwɔ̀ri baraka rakuru-i, kí i nini fɔni-na. Nafulu ki a kila ɲaan woo ɲaan tɛ, ninki i kí tɔnnabi ki i. Kí danka-i.

Yuhana (1) 3:10

Kirinŋ daŋ kiri fa shitaanni daŋ kiri i tɔ po san-a arìmaŋ nu ka ɲaan ka tɛ : koŋ woo koŋ bi telimaan ma-a kì, nintiŋ po Kirinŋ nu kì, niŋ fa koŋ woo koŋ a tindaŋ ki bidi-a a tɛ kì, nintiŋ po Kirinŋ nu kì.

Yuhana (1) 3:8

Koŋ woo koŋ i tu-a bijɛ ma-a, nintiŋ i shitaanni wɔ koŋ i, sabu shitaanni ki i bijɛmatɔnŋ i kabi fɔlɔfɔlɔ. Nka, Danshuru wɔ̀ po-i Kirinŋ nu, niŋ na-i, nwɔma a i shitaanni mabi kiri li.

Yuhana (1) 4:4

Míŋ daŋ ni, ábɛɛ wɔ̀ri i Kirinŋ wɔ kiri konanbi ki i, ábɛɛ so kila-i niŋ cintɔnŋ purubitɔnŋ kiri sun kɔ, sabu Kirinŋ Ɲini wɔ̀ i ábɛɛ ciiru, niŋ faan ki gbɛ-i juniɲa wɔ ki wu.

Yuhana (1) 5:19

Yibɛɛ kɔniŋ ǹʼtɔ-i tu yibɛɛ Kirinŋ wɔ konanbi ki i, tu juniɲa ki bataa i ji shitaanni wɔ so ki fɛ.

Yuhana (1) 5:4

Koŋ woo koŋ i Kirinŋ daŋ i, nintiŋ so kila-i ka juniɲa ka sun. Nwɔ̀ i so ki kila-a juniɲa ki sun, niŋ i ábɔɔ bilinabi ki i.

Jafinŋ ki 12:9

Daragɔnŋ ki i kwɔ po taanna. Mìnki wuru myɛɛn ki i fɔlɔfɔlɔ, ŋì i dɔri-ri sɛbɛ tu ɲinijɛ walima shitaanni. Mìnki i pwɔkulinŋ sun konaŋ kiri fɔni-na. Niŋ fa awɔ mɛlɛkɛn kiri i kee bo pwɔkulinŋ ki sun.

Jafinŋ ki 13:14

Faan wɔ̀ wɔri-i ǹʼtɛ, ŋì i niŋ botɔnsunbi kiri ma kpalinŋ jɔnɔ ki ɲaanfɛ, niŋ i pwɔkulinŋ sun konaŋ kiri mwɔɔnna fɔni. Kpalinŋ wɔ̀ sunmɛni wuru baamwuru ki ra, ŋì i na kene, ka kpalinŋ ka i ǹʼbi pwɔkulinŋ sun konaŋ kiri tɛ, tu kí niŋ miniŋ ki ramɔni arì tɛ, tu kí i ǹʼtɔ ki gbɛ-ri.

Jafinŋ ki 13:8

Pwɔkulinŋ sun konaŋ ki bataa ra na kpalinŋ ka gbɛ, duu nwɔ̀ri tɔ ki sɛbɛ-i Saanaŋ kilɛnmaan ki wɔ ɲaninkulutɔnbi sɛbɛ ki ru, kabi juniɲa cɛtu waaci ki ru.

Jafinŋ ki 16:17

Mɛlɛkɛn jɔnpɔnɔtɔnŋ ki i awɔ jaakilaŋ ki ciiru finŋ ki rupwulu bo faa ki fan. Wulu sinaŋ bɛɛ i po masawaalinŋ ki ra Kirinfusinaŋ ki ru, niŋ i ǹʼbi tu : « Ǹʼbataa rafaa dɔɔ! »

Jafinŋ ki 20:2

Ŋì i daragɔnŋ ki pa, ninwɔ̀ i myɛɛn bwuumaan ki i, ŋì i ji ɲinijɛ ki i, ninwɔ̀ i shitaannii sɛbɛ. Mɛlɛkɛn ki i ǹʼpa kɔli jɔlɔkɔ ki ra, ŋì a tu ninwɔ̀ ra fɔ jiri waatenŋ.