Efɛsitɔnŋ kiri 2:17 - Jɔ Biibili ki

¹⁷ Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ.

Efɛsitɔnŋ kiri 2:17 ပူးပေါင်းရင်းမြစ်များ

Matiyu 10:13

A niŋ kaniŋ sun tɔnŋ kiri arì tu ábɛɛ jɛri ki sun arì gbɛ, kí a ábɔɔ juba sanmaan ki kila, nka a kí arì kaan ábɛɛ jɛri ki sun arì gbɛ, ábɔɔ juba sanmaan ki ra a pwulu ábɛɛ sun.

Luki 15:8

Yesu tu sɛbɛ : « Mari danwɔ nmaŋ sɛbɛ, warifɔ daŋ byinŋ i nwɔ̀ gbɛ, a tenŋ fɔni, tu nmari ra tuu cu, nmari i mani ki bataa su, nmari i wuluwulaaŋ tɛ kiri bataa shɛɛli cunadibi wu fɔ nmari i ǹʼja kì?

Luki 2:14

« Sobataatiŋ Kirinŋ gbɛ cuunŋ kirinpɔlila mani narimaŋ kiri ru, ɲaanfɛfili i ji pwɔkulinŋ sun ǹʼdintɛtɔnŋ kiri faninmwuŋ. »

Mabikiri 10:36

Ŋì awɔ wulu ki wɔri-i Isirayɛli nupo ki tɛ, ŋì i ɲaanfɛfili Wulujii ki sunjo kí tɛ, kí a ninwɔ̀ kila Yesu Kirisa baraka ra. Niŋ Yesu ki i konaŋ bataa Ŋuntiŋ i.

Mabikiri 2:39

Á ǹʼtɔ tu Kirinŋ a tɔnŋ wɔri Ɲiniwɔlinŋ wɔ̀ wɔribi ra konaŋ ki tɛ, tu niŋ Ɲiniwɔlinŋ ki ábɛɛ fa á daŋ kiri wɔ, ŋì i ji shiya tɔri kiri wɔ sɛbɛ. Sɛli ki ra, koŋ finŋ woo finŋ a na dɔri bo Ŋuntiŋ ki yibɔɔ Kirinŋ ki tɛ, ǹʼyɔ niŋ bataa wɔ. »

Ɔrɔmutɔnŋ kiri 10:14

Kí a so ǹʼtɔ ki dɔri-i dɔɔkunŋ, a kí ji bili ǹʼna kì? Kí a so bili-i ǹʼna dɔɔkunŋ, a kí ǹʼwulu lama kì? Kí a ǹʼwulu lama dɔɔkunŋ, a koŋ ǹʼsunjo kí tɛ kì?

Ɔrɔmutɔnŋ kiri 5:1

Kirinŋ i yibɛɛ shɛɛli-la koŋ telimaan ni i a ɲaanfɛ niŋ ɲaan ki tɛ, bilinabi ki baraka ra. Ninki i ncin ɲaanfɛfili i de yi fa Kirinŋ faninmwuŋ yi Ŋuntiŋ Yesu Kirisa bira.

Korɛntitɔnŋ kiri (2) 5:20

Niŋ ɲaan ki tɛ, yibɛɛ i Kirisa wɔ koŋ sɔɔmaan ni i ábɛɛ faninmwuŋ, ŋì i ji miŋ tu Kirinŋ wulubi-a ábɛɛ tɛ yibɛɛ tɔnŋ na. Niŋ ki ra, yibɛɛ i ábɛɛ rafɛ-a, á ǹʼma Kirisa tɔ ki bira, á fa Kirinŋ i fu.

Efɛsitɔnŋ kiri 4:21

Sii ǹʼna ǹʼnu kì, ábɛɛ Yesu Kirisa wulu ki rama-i, á i ntiŋ wɔ kalinŋ ki tɔ, á fani i ji ǹʼtɔ tu sɛli i.