Efɛsitɔnŋ kiri 2:16 - Jɔ Biibili ki

¹⁶ Ntiŋ beŋ ki kpinkpisuu ki sun, niŋ i fu de kí fa Kirinŋ faninmwuŋ, kí i ji firi tenŋ i, tɛɛ ki i kɔ san kí faninmwuŋ.

Efɛsitɔnŋ kiri 2:16 ပူးပေါင်းရင်းမြစ်များ

Ɔrɔmutɔnŋ kiri 5:10

Yibɛɛ wuru Kirinŋ ɲa ni i sun, nka Kirinŋ yibɛɛ fa a faninmwuŋ ki ramɔni-i a Danshuru ki beŋ ki baraka ra. Yibɛɛ fa Kirinŋ faninmwuŋ ki ramɔnimaan ki kɔɔtɛ, sii ǹʼna ǹʼnu kì, yibɛɛ ra yi mwu ǹʼDanshuru ki wɔ ɲaninkulutɔnbi ki baraka ra.

Ɔrɔmutɔnŋ kiri 6:6

Yibɛɛ ǹʼtɔ-i tu yibɛɛ sɔŋ bwuumaan ki fa Kirisa kpinkpi suu ki sun, nwɔma niŋ bijɛ ma firi ki faan ki i kɔ, yibɛɛ fa ji bijɛ ki wɔ joŋ ni i kili kì.

Ɔrɔmutɔnŋ kiri 8:3

Musa wɔ sariya ki wuru-ra so bi wɔ̀ ma-i yibɛɛ konanmini baraka ki rakurubi ki sababu ra kì, Kirinŋ yɛrima ki niŋ ma-i : Kirinŋ a Danshuru ki cin na-i, ntiŋ i na konanmini firi ru, nwɔ̀ i bijɛmatɔnŋ i. Bijɛ wɔ̀ wuru awɔ ŋununtinbi ki sɔɔ-ra yibɛɛ sun, Kirinŋ ntiŋ wɔri-i saraka niŋ bijɛ ki ŋunfɛ, ntiŋ i niŋ wɔ ŋununtinbi ki li.

Ɔrɔmutɔnŋ kiri 8:7

Konwɔtiŋ ɲakili ki i tu-a a yɛri ki dintɛ bi kiri ra, ntiŋ i ji-a Kirinŋ ɲa a, sabu ntiŋ a a kulu Kirinŋ wɔ sariya ki tɛ kì, ntiŋ yɛri so-a kì.

Korɛntitɔnŋ kiri (1) 10:17

Bwuru ŋuŋ tenŋ i nmaŋ, niŋ ki ra, hali yibɛɛ ji mwɔ, yibɛɛ bataa i firi tenŋ i, sabu yibɛɛ fɔn bataa dɛbɛ-i bwuru ŋuŋ tenŋ sun.

Galasitɔnŋ kiri 2:20

Ábɛɛ i míŋ ja-a ɲaninkulutɔnbi wɔ̀ ru, á ǹʼtɔ tu mɔ́ɔ́n i kì, nka tu Kirisa wɔ ɲaninkulutɔnbi ki míŋ nu. Míŋ i niŋ ma-a Kirinŋ Danshuru ki ra bilinabi ki baraka ra. Mìntiŋ ki míŋ bidi-i a tɛ, ntiŋ i a yɛri wɔri beŋ ki tɛ míŋ bira.

Efɛsitɔnŋ kiri 2:15

Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ.

Efɛsitɔnŋ kiri 3:6

Niŋ gonto ki i tu Kirinŋ bi shɔɔrinŋ finŋ woo finŋ tɔnŋ wɔri awɔ konanbi ki tɛ, tu ábɛɛ shiya tɔri kiri lu kila niŋ na, á i dɛbɛ ji firi tenŋ i. Kirinŋ a tɔnŋ wɔri-i bi wɔ̀ ra Yesu Kirisa bira, ábɛɛ niŋ kila-i Wulujii ki sunjomaan ki bira.

Efɛsitɔnŋ kiri 4:4

Firi tenŋ i nmaŋ, Ɲiniwɔlinŋ tenŋ fani i ji nmaŋ, miŋ tu Kirinŋ ábɛɛ dɔri-i gbɛbilimaŋ tenŋ bira ɲaan wɔ̀ tɛ.

Kɔlɔsitɔnŋ kiri 2:14

Sɛbɛ tanmaan wɔ̀ wuru kiti ki fɛɛn-na yibɛɛ sun yɔɔ sariya ki limaan kiri bira, Kirisa niŋ ciriki san-i nmaŋ a beŋ ki wu kpinkpisuu ki sun.

Kɔlɔsitɔnŋ kiri 3:15

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.