Efɛsitɔnŋ kiri 2:14 - Jɔ Biibili ki

¹⁴ Yibɔɔ ɲaanfɛfili ki i kila-a mìntiŋ na. Ntiŋ i ji Yawutu kiri fa shiya tɔri kiri ji tenŋ i. Ɲabi kwɔ wɔ̀ wuru yibɛɛ san-a yimaŋ na, ntiŋ a firi ki wɔri-i, ntiŋ i niŋ gwu po san nmaŋ.

Efɛsitɔnŋ kiri 2:14 ပူးပေါင်းရင်းမြစ်များ

Luki 1:79

nwɔma, nwɔ̀ri sɔɔ mancinŋ ki fa beŋ ki jɛŋ kɛmi ki ru, nini i maannaja. Ŋì i yi ŋununapwulu bo ɲaanfɛfili saa fan. »

Luki 2:14

« Sobataatiŋ Kirinŋ gbɛ cuunŋ kirinpɔlila mani narimaŋ kiri ru, ɲaanfɛfili i ji pwɔkulinŋ sun ǹʼdintɛtɔnŋ kiri faninmwuŋ. »

Yuhana 10:16

Saa tɔri ri i míŋ gbɛ, nini ka saa fu ka ru kì. Míŋ kakan-i ŋí i nini nakɔli na sɛbɛ. Yìrì ra na míŋ wulu lama, yìrì i ji saa kwuru tenŋ i, faa tenŋ i ji yìrì ra.

Yuhana 11:52

Nka niŋ wuru-ra ma kɔ́ɔ́ shiya ki bantenŋ bira kì, Kirinŋ wɔ konanbi wɔ̀ri jeɲe tiri-i juniɲa ki kɛlinŋ ki bataa tɛ, ntiŋ wuru-ra beeni, nwɔma nini bataa i bo arìmaŋ sun, kí i ji finŋ tenŋ i.

Yuhana 16:33

Míŋ niŋ bi-i ábɛɛ tɛ, nwɔma ábɛɛ i ɲaanfɛfili kila míŋ gbɛ. Ábɛɛ ɲaanfɛkwulu-i ka juniɲa ka ru, nka á á cunadi, sabu míŋ so kila-i juniɲa ki sun kɔ. »

Mabikiri 10:28

Ntiŋ i ǹʼbi kí tɛ tu : « Ábɛɛ yɛrima kiri i ǹʼtɔ-a tu yibɔɔ sariya ki ǹʼbi-a tu Yawutu tɔri dantenŋ fa shiya tɔri fa dɛbɛ bi sun kì, niŋ fa tu yi fa de shiya tɔri wɔ fu ru kì. Nka Kirinŋ ǹʼji-i míŋ wu, tu míŋ fa koŋ san koŋ nu kì, ŋí i ǹʼbɛɛ ri shɛɛli-li koŋ nɔɔmaan ni walima koŋ wu fɔɔbali li i kì.

Mabikiri 10:36

Ŋì awɔ wulu ki wɔri-i Isirayɛli nupo ki tɛ, ŋì i ɲaanfɛfili Wulujii ki sunjo kí tɛ, kí a ninwɔ̀ kila Yesu Kirisa baraka ra. Niŋ Yesu ki i konaŋ bataa Ŋuntiŋ i.

Ɔrɔmutɔnŋ kiri 5:1

Kirinŋ i yibɛɛ shɛɛli-la koŋ telimaan ni i a ɲaanfɛ niŋ ɲaan ki tɛ, bilinabi ki baraka ra. Ninki i ncin ɲaanfɛfili i de yi fa Kirinŋ faninmwuŋ yi Ŋuntiŋ Yesu Kirisa bira.

Galasitɔnŋ kiri 3:28

Niŋ ki ra, Yawutu kiri fa shiya pyɛ kiri fɔn i tenŋ i, joŋ kiri fa jiyɛrɛtɛ kiri i ji tenŋ i, shuru kiri fa mari kiri i ji tenŋ i, sabu ábɛɛ bataa i tenŋ i Yesu Kirisa ra.

Efɛsitɔnŋ kiri 2:15

Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ.

Efɛsitɔnŋ kiri 2:17

Niŋ ɲaan ki tɛ, ntiŋ na-i ɲaanfɛfili wulu ki sunjo ábɛɛ mani narimaŋ nu tɔnŋ kiri tɛ, ntiŋ i ǹʼsunjo kpeeri tɛ, nwɔ̀ri myɛ-ɛ.

Efɛsitɔnŋ kiri 3:15

mìnwɔ̀ ki i finŋ kiri bataa tiŋ ki i, pwɔkulinŋ ki sun, niŋ fa kirinpɔli ki ra,

Efɛsitɔnŋ kiri 4:16

Niŋ kwuru ki, ninwɔ̀ i bilinatɔnŋ kiri i, niŋ mani kiri bataa kɔlimaan yɛ arìmaŋ na mìŋ Yesu Kirisa ki bira. A niŋ mani kiri bataa arì tukulu ki faa, firi ki bataa ra ta jɛŋ bidintɛbi ki ra.

Kɔlɔsitɔnŋ kiri 1:20

Kirinŋ fu de-i a fa juniɲa bataa faninmwuŋ mìntiŋ ki sababu ra. Finŋ wɔ̀ri i pwɔkulinŋ ki sun, niŋ fa nwɔ̀ri i kirinpɔli ki ra, ŋì i ɲaanfɛfili wɔri nini tɛ, mìntiŋ ki cunŋ ki baraka ra, ninwɔ̀ kɔnkɔli-i kpinkpisuu ki sun.

Kɔlɔsitɔnŋ kiri 2:20

A ábɛɛ ji beeni Kirisa fan, ábɔɔ lu ka juniɲa ka ru tanfinŋ gbansanŋ kiri ra kili kì. A niŋ ji sɛli i, nfɛnŋ na ábɛɛ i ncusun-ni kí i ladaŋ kwuru kari sɔɔ-ri ábɛɛ sun? Tu :

Kɔlɔsitɔnŋ kiri 3:11

Niŋ ɲaan ki tɛ, koŋ Yawutu kiri fa shiya tɔri kiri san-a arìmaŋ nu kili kì, koŋ dumiŋ koŋ sɔɔpeefɛmaan ni fa koŋ sɔɔpeefɛbali li san-a arìmaŋ nu kì. Jɛ ri fa koŋ kalibali fa ɲiinkanfɛtɔnbi walima jonbi walima danjibi, niŋ tɔri tenŋ shɛɛli-la kili kì, Kirisa i ji-a finŋ bataa a, mìntiŋ ki i ji yi bataa ŋununu.

Kɔlɔsitɔnŋ kiri 3:15

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.

Iburu kiri 13:20

Kirinŋ wɔ̀ i ɲaanfɛfili ki wɔri-ra, ninki yibɛɛ Ŋuntiŋ Yesu, saaneetɔnŋ sinaŋ ki ŋmɛni po san-i konkwuu kiri ru. Ntiŋ cunŋ ki baraka ra, yibɛɛ i tɔnwɔri kila, nwɔ̀ kɔ-a kì,

Iburu kiri 7:2

Aburahamu finŋ wɔ̀ bataa kila wuru kari ki ru, ntiŋ i niŋ finŋ kiri bataa tenŋ tenŋ yaa ki wɔri Mɛlikisedɛki tɛ. Mɛlikisedɛki tɔ ki kɔri jɔnɔ ki i tu : « telibi masa. » Ntiŋ i ji Salɛmu masa a, niŋ kɔri ki i ji tu : « ɲaanfɛfili masa. »