Efɛsitɔnŋ kiri 2:13 - Jɔ Biibili ki

¹³ Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.

Efɛsitɔnŋ kiri 2:13 ပူးပေါင်းရင်းမြစ်များ

Yuhana 10:16

Saa tɔri ri i míŋ gbɛ, nini ka saa fu ka ru kì. Míŋ kakan-i ŋí i nini nakɔli na sɛbɛ. Yìrì ra na míŋ wulu lama, yìrì i ji saa kwuru tenŋ i, faa tenŋ i ji yìrì ra.

Mabikiri 15:14

Kirinŋ a ɲakili tu-i shiya tɔri kiri ra ɲaan wɔ̀ tɛ, kabi fɔlɔfɔlɔ, ŋì i ǹʼbɛɛ ri ɲaannashi, ŋì i kí ji awɔ ri, Simɔŋ po-i ntiŋ i niŋ bataa ɲaanbi yibɛɛ tɛ kaa.

Mabikiri 2:39

Á ǹʼtɔ tu Kirinŋ a tɔnŋ wɔri Ɲiniwɔlinŋ wɔ̀ wɔribi ra konaŋ ki tɛ, tu niŋ Ɲiniwɔlinŋ ki ábɛɛ fa á daŋ kiri wɔ, ŋì i ji shiya tɔri kiri wɔ sɛbɛ. Sɛli ki ra, koŋ finŋ woo finŋ a na dɔri bo Ŋuntiŋ ki yibɔɔ Kirinŋ ki tɛ, ǹʼyɔ niŋ bataa wɔ. »

Mabikiri 22:21

Niŋ fa a fɔn na, Ŋuntiŋ ki tu míŋ tɛ : ‹ Tiri, sabu míŋ a miŋ cin mani narimaŋ nu shiya tɔri kiri tɛ. › »

Mabikiri 26:18

Míŋ a miŋ cin kí tɛ, nwɔma kí ɲaninaŋ kiri i nawwulu, kí i po san mancinŋ ki ru, kí i na manisarinŋ ki ru. Kí i po san shitaanni wɔ faan ki fɛ, kí i de Kirinŋ wɔ Masabi ki ru. Niŋ ɲaan ki tɛ, kɔ́ɔ́ bijɛ kiri i tu kí tɛ, kí arɔɔ lu kila Kirinŋ wɔ wɔlinŋ kiri fan arɔɔ bilinabi ki baraka ra míŋ na. › »

Ɔrɔmutɔnŋ kiri 8:1

Dɔnsaŋ, nwɔ̀ri fa Yesu i tenŋ i, Kirinŋ a kiti ki fɛɛn nini sun kili kì.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (1) 12:13

Sabu, miŋ tu ŋi Yawutu woo, ŋi shiya tɔri woo, ŋi joŋ walima ŋi joŋ i kì woo, yi bataa wu-i Ɲiniwɔlinŋ tenŋ baraka ra, nwɔma yi i ji firi tenŋ i. Yi bataa i ji mìŋ Ɲiniwɔlinŋ tenŋ ki kila.

Korɛntitɔnŋ kiri (1) 6:11

Ábɛɛ bɛɛ ri wuru mìŋ ɲaan ki tɛ. Nka dɔnsaŋ, ábɛɛ wu-i, á i bo á ciin na, á i ji Kirinŋ wɔ wɔlinŋ ni i. Ábɛɛ ji-i koŋ telimaan ni i Ŋuntiŋ Yesu Kirisa tɔ ki bira, niŋ fa yibɔɔ Kirinŋ Ɲini ki baraka ra.

Korɛntitɔnŋ kiri (2) 5:17

A konwɔtiŋ fa Kirisa dɛbɛ, nintiŋ i ji-a miŋ tu koŋ ŋunaŋ, finŋ woo finŋ i ǹʼbwuumaan, niŋ bataa i fɔni-na, finŋ ŋunaŋ ni i na.

Galasitɔnŋ kiri 3:28

Niŋ ki ra, Yawutu kiri fa shiya pyɛ kiri fɔn i tenŋ i, joŋ kiri fa jiyɛrɛtɛ kiri i ji tenŋ i, shuru kiri fa mari kiri i ji tenŋ i, sabu ábɛɛ bataa i tenŋ i Yesu Kirisa ra.

Efɛsitɔnŋ kiri 1:1

Míŋ Pooli wɔ̀ i Yesu Kirisa wɔ cindaŋ i Kirinŋ baraka ra, míŋ i ka sɛbɛ ka tan wɔri ta-a Kirinŋ wɔ wɔlinŋ kiri tɛ Efɛsi kili ki ru, nini wɔ̀ri i Kirisa Yesu bilinatɔnŋ kiri i.

Efɛsitɔnŋ kiri 1:7

Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 2:12

Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 2:6

Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Iburu kiri 9:18

Ninki ncin-i, hali nwɔ̀ i tɔnwɔri jɔnɔ ki i, niŋ so bo-i baara ra cunŋ kɔnkɔlibali kì.

Pyɛɛri (1) 3:18

Sɛli ki ra, Kirisa yɛrima ki ɲaanfɛkwulu bi kila-i. Ntiŋ beeni-i kaan tenŋ konaŋ bataa wɔ bijɛ kiri ŋunfɛ. Mìntiŋ koŋ telimaan ki beeni-i telibali kiri ŋunfɛ, nwɔma a i na ábɛɛ wu Kirinŋ tɛ. Kí ntiŋ firi ki kilɛn-i, nka ntiŋ ŋmɛni-i Ɲini ki wɔ so ki baraka ra.

Jafinŋ ki 5:9

Kí i shu ŋunaŋ bɛɛ pɔri-ri tu : « Minki kakan-i sɛbɛ ki mwu ki wu, ŋi i ǹʼtaanshɛ kiri jɔrɔkɔ, sabu, kí minki kilɛn wuru-i, miŋ cunŋ wɔ̀ kɔnkɔli-i, niŋ konaŋ kiri bɛɛ ri ŋunsan-i, kí i ji Kirinŋ wɔ konanbi i, ŋì i po nupo kiri bataa, fa wulu kiri bataa, fa konaŋ ki bataa niŋ fa shiya bataa ru.