Efɛsitɔnŋ kiri 2:12 - Jɔ Biibili ki

¹² Niŋ waaci ki ru, ábɛɛ maŋ nari wuru Kirisa ra, lu wuru ábɛɛ gbɛ Isirayɛlidaŋ kiri kanfɛ kì, Kirinŋ a tɔnŋ wɔri wuru shɔɔrinŋ wɔ̀ri bira, ábɔɔ lu wuru nini nu kì. Ábɛɛ wuru ninkunŋ nmaŋ juniɲa ki ru, Kirinŋ bali li, gbɛbilimaŋ wuru nwɔ̀ri ra kì.

Efɛsitɔnŋ kiri 2:12 ပူးပေါင်းရင်းမြစ်များ

Luki 1:72

Kirinŋ yibɛɛ tiŋ cɛɛnni kiri sunmakwulupa wuru ka ɲaan ka tɛ, ŋì i a ɲakili tu awɔ tɔnwɔri wɔlinŋ ki ra.

Yuhana 10:16

Saa tɔri ri i míŋ gbɛ, nini ka saa fu ka ru kì. Míŋ kakan-i ŋí i nini nakɔli na sɛbɛ. Yìrì ra na míŋ wulu lama, yìrì i ji saa kwuru tenŋ i, faa tenŋ i ji yìrì ra.

Yuhana 15:5

Ntiŋ tu : « Míŋ i ɛrɛnsɛnŋ jirinŋ ki i, ábɛɛ i ji ǹʼgbɛrinŋ kiri i. Konwɔtiŋ da tu-i míŋ na, míŋ i tu ntiŋ fan, nintiŋ a daŋ pa ǹʼmwɔɔnna. Sabu ábɛɛ ra so finŋ tɔri tenŋ ma-i míŋ kɔɔtɛ kì.

Yuhana 4:22

Ábɛɛ i finŋ gbɛ-a, á nwɔ̀ tɔ-a kì, nka yibɛɛ Yawutu kiri i nwɔ̀ gbɛ-a, yibɛɛ i niŋ tɔ-a, sabu mwubi ki i po-a Yawutu kiri gbɛ.

Mabikiri 2:39

Á ǹʼtɔ tu Kirinŋ a tɔnŋ wɔri Ɲiniwɔlinŋ wɔ̀ wɔribi ra konaŋ ki tɛ, tu niŋ Ɲiniwɔlinŋ ki ábɛɛ fa á daŋ kiri wɔ, ŋì i ji shiya tɔri kiri wɔ sɛbɛ. Sɛli ki ra, koŋ finŋ woo finŋ a na dɔri bo Ŋuntiŋ ki yibɔɔ Kirinŋ ki tɛ, ǹʼyɔ niŋ bataa wɔ. »

Mabikiri 28:20

Niŋ ki ra, míŋ i ábɛɛ dɔri na-a kwumaŋ, nwɔma ŋí i wulubi ábɛɛ tɛ, sabu Isirayɛli bili-i bi wɔ̀ ra, míŋ kɔli-i jɔlɔkɔ ra ninki bira. »

Mabikiri 3:25

Ábɛɛ i cintɔnŋ kiri nupo kiri, niŋ fa Kirinŋ a tɔnŋ wɔri-i a daŋ wɔ̀ri tɛ. Kirinŋ a tɔnŋ wɔri wuru ábɛɛ tiŋ cɛɛnni Aburahamu tɛ tu : ‹ Pwɔkulinŋ sun shiya ki bataa ra na juba kila miŋ nupo kiri bira. ›

Ɔrɔmutɔnŋ kiri 9:8

Niŋ i ǹʼbi-a tu daŋ wɔ̀ri ji-i, ŋì i kɛɲɛ konanminibi saa ki wu, tu nini Kirinŋ daŋ ni kì, nka nwɔ̀ri ji kɛɲɛ-i Kirinŋ wɔ tɔnwɔri ki wu, tu nini bantenŋ shɛɛli-la Aburahamu nupo sɛlɛsɛli kiri i.

Galasitɔnŋ kiri 4:8

Waaci wɔ̀ ru ábɛɛ wuru Kirinŋ tɔ-a kì, ninki ncin wuru-i ábɛɛ i finŋ ni gbɛ-ri, nwɔ̀ri Kirinŋ i kì.

Efɛsitɔnŋ kiri 2:19

Niŋ ki ra, ábɛɛ jɛ ri fa kɛniŋ tɔri ru tiiri kili kì, nka ábɛɛ fa Kirinŋ wɔ konanbi wɔlinŋ ki ji-i, miŋ tu kɛniŋ tenŋ daŋ ni, Kirinŋ wɔ kanindaŋ ni.

Efɛsitɔnŋ kiri 4:18

Kí ciiru ɲakili kiri mini-i, Kirinŋ i ɲaninkulutɔnbi ŋunaŋ wɔ̀ wɔri-ra, kí arì po san-i niŋ nu arɔɔ bitɔbalibi ki fa arɔɔ tɔɔnnufurubi ki baraka ra.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Kɔlɔsitɔnŋ kiri 1:5

Ábɛɛ i niŋ ma-a, sabu gbɛbilimaŋ i ábɛɛ gbɛ Kirinŋ wɔ ki ru. Ábɛɛ niŋ gbɛbilimaŋ ki tɔ-i sɛli ki sunjomaan ki baraka ra, ninwɔ̀ i Wulujii ki i.

Tesalonikitɔnŋ kiri (1) 4:13

Ńʼtindaŋ ni, a bilinatɔnŋ ki beeni, bi wɔ̀ i ma-a ntiŋ wu, míŋ ǹʼtɛ ábɛɛ i tu niŋ tɔbali kì, nwɔma ábɛɛ fa na á gbɛɛratɛɛ-ɛ miŋ tu koŋ pyɛ kiri kì. Gbɛbilimaŋ nini na kì.

Tesalonikitɔnŋ kiri (1) 4:5

Á fa kakaalibi ki bidi á tɛ, miŋ tu Kirinŋ tɔbali kiri ǹʼji-a ɲaan wɔ̀ tɛ kì.

Tesalonikitɔnŋ kiri (2) 2:16

Yibɛɛ Ŋuntiŋ Yesu Kirisa, fa yi Tiŋ Kirinŋ wɔ̀ ki yibɛɛ bidi-i a tɛ, ŋì i siratubi fa gbɛbilimaŋ kɔbali wɔri yibɛɛ tɛ awɔ shɔɔrinŋ ki baraka ra,

Timote (1) 1:1

Míŋ Pooli wɔ̀ i Yesu Kirisa wɔ cindaŋ i, ŋì i kɛɲɛ yibɛɛ Mwutɔnŋ Kirinŋ wɔ wulu ki wu, niŋ fa Yesu Kirisa, ninwɔ̀ i yibɛɛ gbɛbilimaŋ ki i,

Iburu kiri 11:34

kí i tuu ri faan byi, kí i arì mwu baamwuru ki wu. Kí baraka ki kɔ wuru-i. Nka faan ki wɔri-i kí tɛ waarinŋ wɔ̀ ru, kí ji-i shurukoŋ ni i karitɔnŋ kiri ra, kí i karigbɛ ri kalikali bosaara,

Iburu kiri 6:18

Niŋ ɲaan ki tɛ, Kirinŋ i bi rapwulubali fuuli ji yibɛɛ wu, ŋì a puru bi nwɔ̀ri ru fyewu kì. Niŋ bi kiri i cunadi bi sinaŋ ni i yibɛɛ gbɛ, yibɛɛ wɔ̀ri yi gbɛ faa niŋ gbɛbilimaŋ tɔnŋ wɔrimaan ki ru.

Iburu kiri 8:6

Nka dɔnsaŋ, yibɔɔ sarakawɔrɔtɔnŋ kiri ŋununtiŋ sinaŋ ki i baara wɔ̀ ma-a, niŋ gbɛ-i haali. Ntiŋ i kaalipatɔnŋ i konanmini fa Kirinŋ faninmwuŋ, ŋì i kɛɲɛ Kirinŋ wɔ tɔnwɔri wu, nwɔ̀ gbɛ-i ǹʼjɔnɔ ki wu. Niŋ tɔnwɔri ki ru, Kirinŋ a tɔnŋ wɔri-i finŋ ni na, nwɔ̀ri pari-i ǹʼjɔnɔ kiri wu pewu.

Pyɛɛri (1) 1:21

Kirinŋ ninki ŋmɛni po san-i konkwuu kiri ru, ŋì i gbɛbi fa nɔɔri bili ǹʼsun. Ábɛɛ fani i ji bili Kirinŋ na, mìntiŋ ki baraka ra. Niŋ ɲaan ki tɛ, ábɛɛ bili-i Kirinŋ na, á i ǹʼji á gbɛbilimaŋ i.

Pyɛɛri (1) 1:3

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa Tiŋ ki i. Kirinŋ yibɛɛ sunmakwulupa-i ǹʼmwɔɔnna, ŋì i yi ji koŋ ŋunaŋ ni i, ŋì i Yesu Kirisa ŋmɛni po san konkwuu kiri ru, ŋì i ɲaninkulutɔnbi ki wɔri yibɛɛ tɛ niŋ sababu ra, nwɔma yi i ɲaninkulutɔnbi gbɛbilimaŋ ki kila.

Pyɛɛri (1) 3:15

nka á Kirisa gbɛ á ciiru tɔnŋ kiri ra, á i ǹʼtɔ tu Ŋuntiŋ i. Gbɛbilimaŋ wɔ̀ i ábɛɛ ciiru, a koŋ woo koŋ ábɛɛ ranɔri niŋ bi sun, ábɛɛ ramɔnimaan kakan-i ŋì i kila waarinŋ bataa ru, á i nintiŋ wɔ wulu ki rupwulu.

Yuhana (1) 3:3

Niŋ gbɛbilimaŋ ki i koŋ woo koŋ gbɛ, nintiŋ i a yɛri wu fɔɔ-ra, miŋ tu Kirisa fɔɔ ɲaan wɔ̀ tɛ.