Efɛsitɔnŋ kiri 2:11 - Jɔ Biibili ki

¹¹ Ábɛɛ wuru ɲaan wɔ̀ tɛ fɔlɔfɔlɔ, á á ɲakilila bo niŋ tɛ. Ábɛɛ wuru dɔri-ra tu shiya tɔri ri, nwɔ̀ri Yawutu ri i kì. Ŋì i kɛɲɛ konanmini wɔ gbɛɛra baara mamaan wu firi ki ru, ábɛɛ wuru dɔri-ra tu sɔɔpeefɛbali li sɔɔpeefɛmaan kiri gbɛ.

Efɛsitɔnŋ kiri 2:11 ပူးပေါင်းရင်းမြစ်များ

Matiyu 20:7

Kí tu : ‹ Sabu, koŋ yibɛɛ shi cinŋ na kì. › Ntiŋ tu kí tɛ : ‹ Niŋ na, ábɛɛ yɛrima kiri tiri cinŋ ma mɔ́ɔ́n ji ki ru sɛbɛ. › Nini i ta bo cinŋ matɔnŋ jɔnɔ kiri sun sɛbɛ.

Ɔrɔmutɔnŋ kiri 11:17

Isirayɛlitɔnŋ kiri i miŋ tu ji ru olinfye jirinŋ kanŋ ni i. Kirinŋ niŋ kanŋ kiri wɔ̀ri bɛɛ ri kwuru-i, ŋì i juunŋ olinfye jirinŋ kanŋ ni kwuru, ŋì i na nini kɔli, niŋ ji ru olinfye jirinŋ kanŋ kwurumaan kiri ta ru. Niŋ juunŋ olinfye jirinŋ wɔ̀ i ábɛɛ shiya tɔri kiri i, ábɛɛ i niŋ ji ru olinfye jirinŋ ki kanaŋ ki fa a jɔɔ ki bɛɛ kila-a.

Ɔrɔmutɔnŋ kiri 2:26

Niŋ na, a konwɔtiŋ sɔɔpeefɛ kì, a nintiŋ ji tiri kɛɲɛ-a sariya ki wu, Kirinŋ a nintiŋ shɛɛli sɔɔpeefɛmaan i kì wa?

Ɔrɔmutɔnŋ kiri 2:27

Niŋ koŋ ki wɔ̀ sɔɔpeefɛ a firi ki ra kì, ntiŋ dumiŋ i ji Kirinŋ wɔ sariya kiri rasɔɔ-ra, niŋ a kiti ki kwuru miŋ sun, minwɔ̀ i Kirinŋ wɔ sariya ki li-a, niŋ i faa Kirinŋ wɔ wulu ki i ji nʼgbɛ, ŋi i ji sɔɔpeefɛ.

Korɛntitɔnŋ kiri (1) 12:2

Á ǹʼtɔ tu, ábɛɛ wuru Kirinŋ tɔbali li waarinŋ wɔ̀ ru, tu ábɛɛ wuru bili de-a pɛli li cɛfan, finŋ wɔ̀ri yɛri so-a wulubi-i kì.

Korɛntitɔnŋ kiri (1) 6:11

Ábɛɛ bɛɛ ri wuru mìŋ ɲaan ki tɛ. Nka dɔnsaŋ, ábɛɛ wu-i, á i bo á ciin na, á i ji Kirinŋ wɔ wɔlinŋ ni i. Ábɛɛ ji-i koŋ telimaan ni i Ŋuntiŋ Yesu Kirisa tɔ ki bira, niŋ fa yibɔɔ Kirinŋ Ɲini ki baraka ra.

Galasitɔnŋ kiri 2:15

Yibɛɛ kɔniŋ ji po-i Yawutu ri, yibɛɛ ka shiya tɔri ru konaŋ bijɛmatɔnŋ kari bɛɛ ri i kì.

Galasitɔnŋ kiri 6:12

Nwɔ̀ri i ǹʼtɛ tu ábɛɛ i sɔɔpeefɛ faan sun, nini i ǹʼtɛ arì i arì yɛri bidi konaŋ ni tɛ. Kí i ǹʼtɛ tu konaŋ kiri i arì cɔɔri Yesu Kirisa kpinkpisuu ki bira kì.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 5:8

Ábɛɛ wuru mancinŋ i sun, nka dɔnsaŋ ábɛɛ i manisarinŋ i Ŋuntiŋ ki ra. Niŋ na, á tiri miŋ tu manisarinŋ daŋ ni.

Filipitɔnŋ kiri 3:3

Sabu, yibɛɛ wɔ̀ri i Kirinŋ gbɛ-a Ɲiniwɔlinŋ ki baraka ra, yibɛɛ kiri i kpeeri i, nwɔ̀ri sɔɔ-ɔ peefɛ sɛlɛsɛli ki ra. Yibɛɛ yi yɛri ragbɛ-a konanmini wɔ baara mamaan wu kì, nka Yesu Kirisa bi wɔ̀ ma-i yibɛɛ tɛ, yibɛɛ i yi ragbɛ-a niŋ wu.

Kɔlɔsitɔnŋ kiri 1:21

Á ǹʼtɔ tu ábɛɛ yɛrima kiri maŋ nari-ri Kirinŋ na sun, ábɛɛ wuru Kirinŋ ɲa ni i, áwɔ ɲakilila jɛ kiri fa áwɔ bi kulinŋ kiri bira.

Kɔlɔsitɔnŋ kiri 2:11

Ábɛɛ sɔɔ-ɔ peefɛ á fa mìntiŋ wɔ tenbi ki baraka ra. Konanmini gbɛ niŋ ma kì, nka Kirisa i sɔɔpeefɛrama wɔ̀ ceeli-la, niŋ yɛ, ninwɔ̀ kɔri ki i tu ábɛɛ po san á firi ki dintɛ bi jɛ kiri ru.

Kɔlɔsitɔnŋ kiri 2:13

Ábɛɛ beenimaan wuru-i áwɔ bijɛ kiri fa á firi ki sɔɔpeefɛbali ki bira. Nka Kirinŋ ábɛɛ fa Kirisa ŋmɛni-i ámaŋ fan. Ntiŋ i yibɔɔ bijɛ kiri bataa tu yi tɛ.

Kɔlɔsitɔnŋ kiri 3:11

Niŋ ɲaan ki tɛ, koŋ Yawutu kiri fa shiya tɔri kiri san-a arìmaŋ nu kili kì, koŋ dumiŋ koŋ sɔɔpeefɛmaan ni fa koŋ sɔɔpeefɛbali li san-a arìmaŋ nu kì. Jɛ ri fa koŋ kalibali fa ɲiinkanfɛtɔnbi walima jonbi walima danjibi, niŋ tɔri tenŋ shɛɛli-la kili kì, Kirisa i ji-a finŋ bataa a, mìntiŋ ki i ji yi bataa ŋununu.