Efɛsitɔnŋ kiri 2:10 - Jɔ Biibili ki

¹⁰ Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 2:10 ပူးပေါင်းရင်းမြစ်များ

Matiyu 5:16

Ábɛɛ sarinŋ ki po konaŋ kiri ɲaanna mìŋ ɲaan tenŋ ki tɛ, nwɔma kí i ábɛɛ mabi shɔɔrinŋ kiri ja, kí i ábɛɛ Tiŋ ki tɔ shɔɔrinŋ bi, ninwɔ̀ i kirinpɔli ki ra. »

Yuhana 3:21

Nka konwɔtiŋ i sɛli ki sun, nintiŋ i awɔ bi kiri ma-a manisarinŋ ki tɛ, nwɔma ŋì i tɔ tu afinŋ tiri kɛɲɛ-a Kirinŋ dintɛ bi ki wu. »

Mabikiri 9:31

Niŋ waaci ki ru, bilinatɔnŋ wɔ̀ri wuru Yude niŋ fa Galile fa Samari kɛniŋ kiri bataa ru, nini ɲaanfɛfilimaan wuru-i. Kí i arìmaŋ cunadi-ri, kí i tiri-ri kulubi wu Ŋuntiŋ ki wɔ saa ki fan, kí i bwuu-ri Ɲiniwɔlinŋ ki baraka ra.

Mabikiri 9:36

Mari bilinatɔnŋ bɛɛ wuru Yope kili ki ru, nwɔ̀ tɔ wuru tu Tabita, kí i nmari dɔri-ri sɛbɛ tu Dɔrikasi. Nmari wuru shɔɔrinŋ ki ma-a waarinŋ bataa ru, nmari i ye-ri gbɛwɔ kiri tɛ.

Ɔrɔmutɔnŋ kiri 8:1

Dɔnsaŋ, nwɔ̀ri fa Yesu i tenŋ i, Kirinŋ a kiti ki fɛɛn nini sun kili kì.

Ɔrɔmutɔnŋ kiri 8:29

Kirinŋ nwɔ̀ri ɲaannashi-i kabi juniɲa cɛtu ki jɛŋ, ǹʼfani ǹʼgbɛbili wuru mìŋ waarinŋ ki ru tu nini a ji a Danshuru ki sali. Niŋ ɲaan ki tɛ, a Danshuru ki i ji daŋ jɔnɔ ɔ, pwaŋ mwɔɔnna i nwɔ̀ ra.

Korɛntitɔnŋ kiri (1) 3:9

Sabu yibɛɛ fɔn bataa i baara mashi ri i Kirinŋ gbɛ. Ábɛɛ i miŋ tu Kirinŋ wɔ ji ki, niŋ fa á i ji miŋ tu ǹʼwɔ fu, ǹʼyɔ nwɔ̀ tan-a.

Korɛntitɔnŋ kiri (2) 5:17

A konwɔtiŋ fa Kirisa dɛbɛ, nintiŋ i ji-a miŋ tu koŋ ŋunaŋ, finŋ woo finŋ i ǹʼbwuumaan, niŋ bataa i fɔni-na, finŋ ŋunaŋ ni i na.

Korɛntitɔnŋ kiri (2) 5:5

Kirinŋ yɛrima ki niŋ bo-i yibɛɛ jɔ ru. Ŋì Ɲiniwɔlinŋ ki wɔri-i yibɛɛ tɛ, nwɔma a i ǹʼji yi wu tu afinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ pyɛ ki bataa a ɲaan tɛ.

Korɛntitɔnŋ kiri (2) 9:8

So i Kirinŋ gbɛ ŋì i finŋ shɔɔrinŋ kiri bataa wɔri ábɛɛ tɛ, á i á maku shɔ finŋ kiri bataa kila, nwɔma á i so ye-i koŋ mwɔɔnna tɛ waarinŋ mwɔɔnna nu.

Galasitɔnŋ kiri 6:15

Nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì, nwɔ̀ i bi sinaŋ ki i Kirinŋ gbɛ, niŋ i tu miŋ ji koŋ ŋunaŋ i.

Efɛsitɔnŋ kiri 1:1

Míŋ Pooli wɔ̀ i Yesu Kirisa wɔ cindaŋ i Kirinŋ baraka ra, míŋ i ka sɛbɛ ka tan wɔri ta-a Kirinŋ wɔ wɔlinŋ kiri tɛ Efɛsi kili ki ru, nini wɔ̀ri i Kirisa Yesu bilinatɔnŋ kiri i.

Efɛsitɔnŋ kiri 1:4

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Efɛsitɔnŋ kiri 2:13

Nka ábɛɛ wɔ̀ri maŋ nari wuru Kirinŋ na, ábɛɛ myɛ ǹʼtɛ dɔɔ Yesu Kirisa cunŋ ki kɔnkɔlimaan ki bira.

Efɛsitɔnŋ kiri 2:15

Ntiŋ beŋ ki i sariya ki wɔ cinŋ bimaan kiri fa ǹʼwɔ bi gbɛbilimaan kiri baraka kɔ. Shiya fuuli kari i dɛbɛ ji shiya ŋunaŋ tenŋ i, fu i de kí faninmwuŋ.

Efɛsitɔnŋ kiri 2:2

Ábɛɛ wuru niŋ bi kiri ma-a miŋ tu ka juniɲa nu tɔnŋ kiri i ǹʼma-a ɲaan wɔ̀ tɛ, ŋì i kɛɲɛ ɲinijɛ kiri ŋununtiŋ sinaŋ ki dintɛ bi ki wu, ninwɔ̀ i baara ki ma-a kpeeri ciiru, nwɔ̀ri arì kaan-a Kirinŋ tɛ.

Efɛsitɔnŋ kiri 2:6

Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Efɛsitɔnŋ kiri 4:1

Mínwɔ̀ i nkasu ru Ŋuntiŋ Yesu tɔ ki bira, míŋ i ábɛɛ rafɛ-a, á tiri á i kɛɲɛ á dɔri ŋuŋ ki wu,

Efɛsitɔnŋ kiri 4:24

Á sɔŋ ŋunaŋ de á ru, ninwɔ̀ i Kirinŋ dintɛ wɔ ki i. Niŋ sɔŋ ŋunaŋ ki i tɔ-a yibɔɔ ɲaninkulutɔnbi ki ru, telibi fa wɔlɔnbi wu, sɛli ki i nini wɔ̀ wɔri-ra.

Filipitɔnŋ kiri 1:6

Míŋ bili-i ǹʼna tu Kirinŋ wɔ̀ ki baara shɔɔrinŋ ka tɔnpa-i ábɛɛ ciiru, ńʼtu mìnki a tu ábɛɛ fan, fɔ á i ǹʼnafaa, fɔ ŋì i ta so Yesu Kirisa na jibi ki sun.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Kɔlɔsitɔnŋ kiri 1:10

A niŋ ma, ábɛɛ tiri kɛɲɛ Ŋuntiŋ ki dintɛ bi ki wu, á mabi kiri i di ǹʼtɛ sɛbɛ, ábɛɛ ra so Kirinŋ dintɛ bi ki ma-i, á i mabi shɔɔrinŋ kwuru ki bataa ma, á i ta jɛŋ Kirinŋ tɔbi sɛlɛsɛli ki ra.

Kɔlɔsitɔnŋ kiri 3:10

á i ji sɔŋ ŋunaŋ de á ru. Niŋ ɲaan ki tɛ, ábɛɛ ji-i koŋ ŋunaŋ ni i, yibɛɛ Potɔnŋ Kirinŋ i nwɔ̀ri ji-a ǹʼŋunaŋ ni i jibi woo jibi a sali, nwɔma á i a tɔka shɔ fɛrɛfɛri.

Tesalonikitɔnŋ kiri (2) 2:17

tu nini cunadibi wɔri á tɛ, á i baraka kila, á i bi shɔɔrinŋ ma-ni waarinŋ bataa ru, á mabi kiri fa á bi wulu kiri ra.

Timote (1) 2:10

Nka tu kí arì sunye mabi shɔɔrinŋ ni wu. Mari wɔ̀ri i ǹʼbi-a tu arìbɛɛ kɛni-na Kirinŋ jɛŋ, nini mabi kiri i niŋ ɲaan ki tɛ.

Timote (1) 5:10

Nmari kakan-i, nmari tɔ shɔɔrinŋ i ji a mabi kiri ru, nmari i a daŋ kiri rakilika shɔ-ri, nmari i ji jɛshimari shɔɔrinŋ i, nmari ji bilinatɔnŋ kiri kanŋ nawutɔnŋ i, nmari i yɛlinkɔni kiri sunmakwulupa-ri, nmari i bi shɔɔrinŋ kwuru ki bataa ma-ni.

Timote (1) 5:25

Mìŋ ɲaan tenŋ ki tɛ, mabi shɔɔrinŋ kiri i arì yɛri ji-a manisarinŋ ki tɛ, hali nwɔ̀ri po manisarinŋ ki tɛ jona kì, nini nadumaan na tu nmaŋ kì.

Timote (1) 6:18

Ǹʼbi kí tɛ, tu kí shɔɔrinŋ ma, tu kí i ji fintiŋ ni i, mabi shɔɔrinŋ ki ra, kí i arì gbɛ rupili, kí i ji koŋ katiiri i.

Timote (2) 2:21

Mìŋ ɲaan tenŋ ki tɛ, a konwɔtiŋ a yɛri paka tɔ ka bi kari kankantɛ, nintiŋ a ji miŋ tu jibi sinaŋ tɛ finŋ nawu fɔɔmaan shɔɔrinŋ i. Ntiŋ a a ŋununtiŋ ki maku shɔ, ntiŋ namɔnimaan i ji-i baara shɔɔrinŋ kwuru ki bataa tɛ.

Timote (2) 3:17

nwɔma Kirinŋ wɔ konanbi ki i nafaa, kí i baara shɔɔrinŋ kwuru ki bataa maka ɲaantɔ.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Tite 2:7

Miŋ yɛrima ki ji ɲaanjitɔnŋ sɔbɛ ɛ, bi shɔɔrinŋ ma ki ra bi bataa ru. A miŋ ji kí kali-la, nʼciiru fɔɔ kí tɛ, niŋ fa ŋi i ǹʼji kí wu, tu miŋ sɔbɛ ra bi i.

Tite 3:1

Bilinatɔnŋ kiri ɲakilila bo tu kí kakan kí i arì kulu arì ŋununtiŋ kiri fa faantiŋ kiri tɛ, kí i kí wulu pa, kí i ji shɔɔrinŋ matiiri i, bi bataa ru.

Tite 3:14

Yibɛɛ tindaŋ kiri kakan-i, kí i arì yɛri kini bi shɔɔrinŋ ma ki ra, nwɔma kí i so ye-i ǹʼbɛɛ ri tɛ arì fɔɔn bi kwulumaan kiri ra, kí kakan kí i ji koŋ kulu bali li i kì.

Tite 3:8

Ka wulu kari i sɛli yɛrima ki i. Míŋ i ǹʼtɛ, miŋ i tu konaŋ kiri ɲakilila bo-a niŋ bi kiri bi tɛ waarinŋ bataa ru, nwɔma nwɔ̀ri bili-i Kirinŋ na, nini i bi shɔɔrinŋ ma. Ninki shɔ-i, tɔnɔ i ji niŋ ma ki ru konaŋ kiri gbɛ sɛbɛ.

Iburu kiri 10:24

Yi yi banba yimaŋ sun, nwɔma yi i ye yimaŋ tɛ, yi i bidintɛbi saa ki tiri, niŋ fa yi i mabi shɔɔrinŋ ni ma-ni.

Iburu kiri 13:21

tu niŋ Kirinŋ ki ye á tɛ, á i so shɔɔrinŋ kwuru ki bataa ma-i, nwɔma á i ǹʼdintɛ bi ki ma. Ŋì a dintɛ bi ki bo yi ciiru Yesu Kirisa baraka ra. Gbɛbi bili mìntiŋ sun waarinŋ bataa ru. Amiina!

Pyɛɛri (1) 2:12

Á á tirika ki tɔ koŋ tɔri kiri kanfɛ, nwɔma, hali kí ji ábɛɛ tɔ jɛ bi-a mani wɔ̀ ru, kí i á ji-ri bi kulinŋ matiiri i, kí i á mabi shɔɔrinŋ kiri ja. A niŋ ma, a Kirinŋ na a yɛri ji kí wu jibi wɔ̀, kí a na ǹʼgbɛ ábɔɔ mabi shɔɔrinŋ kiri bira.

Yuhana (1) 1:7

Nka, a yibɛɛ ji tiri-ra manisarinŋ nu, miŋ tu Kirinŋ yɛrima ki i manisarinŋ nu ɲaan wɔ̀ tɛ, niŋ i ǹʼji-a tu yibɛɛ yimaŋ fan. A niŋ ma, Yesu, ninwɔ̀ i Kirinŋ Danshuru ki i, niŋ cunŋ ki a yibɔɔ bijɛ kiri bataa wu san yi ra.

Yuhana (1) 2:6

A konwɔtiŋ ǹʼbi tu afinŋ fa Kirisa arìmaŋ fan, ntiŋ kakan-i ntiŋ i tiri kɛɲɛ Kirisa tirika ɲaan ki wu sɛbɛ.