Efɛsitɔnŋ kiri 2:1 - Jɔ Biibili ki

¹ Ábɛɛ beenimaan ni wuru-i Kirinŋ ɲaanfɛ sun, sabu ábɛɛ wuru telibalibi ri fa bijɛ ri ma-a.

Efɛsitɔnŋ kiri 2:1 ပူးပေါင်းရင်းမြစ်များ

Matiyu 8:22

Nka Yesu i niŋ nupwulu : « Ǹʼpa míŋ cɛfan, ncusun konkwuu kiri arɔɔ konkwuu kiri ye. »

Luki 15:24

sabu míŋ daŋ wɔ̀ i kaa, wú fɔni wuru-i, jiŋ wú ja-i. Wú ji-i miŋ tu wú beeni-ni, wú i ŋmɛni. › Kí i ɲaannabyɛ ki tɔnpa.

Luki 15:32

Nka yi kakan-i yi i yi radi jiŋ, sabu miŋ pwaŋ wɔ̀ i kaa, wú i miŋ tu konwɔtiŋ beeni, ntiŋ i ŋmɛni. Wú fɔni wuru-i, nka dɔɔ, wú ja-i. › »

Yuhana 10:10

Kwunŋ ki na-a finŋ tɔri tenŋ cɛfan, kwunbi fa kilɛnmaanna niŋ fa li tanmaanna ciniŋ kì. Nka míŋ na-i, nwɔma konaŋ kiri i ɲaninkulutɔnbi ki kila, kí i ǹʼjiisan.

Yuhana 14:6

Yesu i Toma rupwulu tu : « Mínki i saa ki fa sɛli ki niŋ fa ɲaninkulutɔnbi ki i, koŋ tɔri tenŋ so-a na-i Tiŋ ki tɛ debali míŋ fan kì.

Yuhana 5:21

Sabu Tiŋ ki i konkwuu kiri ŋmɛni-na, ŋì i ɲaninkulutɔnbi ki wɔri kí tɛ ɲaan wɔ̀ tɛ, a Danshuru ki ji ǹʼtɛ a i ɲaninkulutɔnbi ki wɔri konwɔtiŋ tɛ, ŋì i wɔri-ra nintiŋ tɛ.

Yuhana 5:25

Sɛli ki ra, míŋ a ǹʼbi ábɛɛ tɛ, ńʼtu waaci yiri-ra nmaŋ, niŋ waaci ki i dɔɔ, ńʼtu koŋ beenimaan kiri ra Kirinŋ Danshuru ki wulu ki rama. A nwɔ̀ri ǹʼwulu ki rama, nini a ji ǹʼɲaninkulutɔnŋ ni i.

Ɔrɔmutɔnŋ kiri 8:2

Sabu Ɲiniwɔlinŋ ki i ɲaninkulutɔnbi wɔ̀ wɔri-ra Yesu Kirisa wɔ tenbi ki baraka ra, ninki míŋ mwu san-i bijɛ ki fa beŋ ki wɔ faan ki wu.

Korɛntitɔnŋ kiri (1) 15:45

Niŋ ki ra, ǹʼsɛbɛ-i Kirinŋ wɔ wulu ki ru tu : « Konanmini jɔnɔ ki, nwɔ̀ i Adama, Kirinŋ ɲini de-i niŋ nu, niŋ i ji konaŋ ɲaninkulutɔnŋ i. » Nka Adama fuluntɔnŋ ki, ninwɔ̀ i Kirisa, niŋ i ɲini i, ɲini nwɔ̀ i ɲaninkulutɔnbi ki wɔri-ra.

Korɛntitɔnŋ kiri (2) 5:14

Sɛli ki ra, yibɛɛ i bi finŋ woo finŋ ma-a, yibɛɛ i ǹʼma-a, sabu yibɛɛ ǹʼtɔ-i tu yibɛɛ bidi Kirisa tɛ haali. Yibɛɛ bili-i ǹʼna tu ntiŋ tenŋ pe beeni konaŋ ki bataa ta ru. Niŋ kɔri ki i ji tu konaŋ bataa beeni ntiŋ fan.

Efɛsitɔnŋ kiri 4:18

Kí ciiru ɲakili kiri mini-i, Kirinŋ i ɲaninkulutɔnbi ŋunaŋ wɔ̀ wɔri-ra, kí arì po san-i niŋ nu arɔɔ bitɔbalibi ki fa arɔɔ tɔɔnnufurubi ki baraka ra.

Efɛsitɔnŋ kiri 5:14

Niŋ ki ra, ŋì i bi tu : « Minwɔ̀ i ɲinintan-a, ŋmɛni! Ŋmɛni po san konkwuu kiri kanfɛ, nwɔma Kirisa i manisarinŋ po nʼtɛ. »

Kɔlɔsitɔnŋ kiri 2:13

Ábɛɛ beenimaan wuru-i áwɔ bijɛ kiri fa á firi ki sɔɔpeefɛbali ki bira. Nka Kirinŋ ábɛɛ fa Kirisa ŋmɛni-i ámaŋ fan. Ntiŋ i yibɔɔ bijɛ kiri bataa tu yi tɛ.

Timote (1) 5:6

Nka kanimari wɔ̀ ɲakili i firi ki dintɛ bi jɛ kiri bantenŋ na ka juniɲa ka ru, niŋ beeni-i kɔ, hali nmari ji faa a ɲaanna.

Yuhana (1) 3:14

A yibɛɛ ji yi tindaŋ ki bidi-a yi tɛ, niŋ i ǹʼji-a tu yibɛɛ po san beŋ ki ru, yi i de ɲaninkulutɔnbi ŋunaŋ ki ru. Bidintɛ bi koŋ woo koŋ nu kì, nintiŋ tumaan yɛ beŋ ki ru.

Jafinŋ ki 3:1

Ntiŋ tu : « Sɛbɛ wɔri ta Saridisi bilinatɔnŋ kwuru ki wɔ mɛlɛkɛn ki tɛ tu : ‹ Kirinŋ ɲini jɔnpɔni ki fa sɔriniŋ jɔnpɔni ki i nwɔ̀tiŋ gbɛfɛ, niŋ i nwɔ̀ bi-a, niŋ i kaa : Míŋ i miŋ mabi kiri tɔ-a. Tɔ i ǹʼna tu miŋ ɲaninkulutɔnŋ i, niŋ i faa miŋ beenimaan i ji-i.