Efɛsitɔnŋ kiri 1:8 - Jɔ Biibili ki

⁸ Niŋ shɔɔrinŋ ki wɔ̀ ma-i yibɛɛ tɛ ǹʼmwɔɔnna, niŋ i kaa : Kirinŋ bitɔbi fa ɲakilitinbi sinaŋ wɔri-i yi fɔn tenŋ tenŋ tɛ.

Efɛsitɔnŋ kiri 1:8 ပူးပေါင်းရင်းမြစ်များ

Matiyu 11:19

Koŋ Danshuru ki na-i, niŋ i bilaŋ nu-ni, ntiŋ i mwunufinŋ mwunu-ni, ábɛɛ tu : ‹ Ka weŋ ka i lɔrutɛfɛ, wulatiŋ i, ɲinisarakɔlɔtiiri fa bijɛmatiiri wɔ wɔshuru yɛ. › Nka, ɲakilitinbi wɔ̀ po-i Kirinŋ nu, niŋ wɔ telibi ki i tɔ-a a mabi kiri ra. »

Ɔrɔmutɔnŋ kiri 11:33

Sɛli ki ra, Kirinŋ wɔ fintinbi ki fa ǹʼwɔ ɲakilitinbi ki fa ǹʼwɔ tɔbi kiri ciiru cuu-u. Koŋ so-a ǹʼwɔ bi gbɛbilimaan kiri tɔ kɔ-i kì. Koŋ so-a ǹʼwɔ saa kiri ɲaantɔ-i kì.

Ɔrɔmutɔnŋ kiri 5:15

Nka, Adama wɔ bijɛ ki fa Kirinŋ wɔ shɔɔrinŋ ki a so pyii-i arìmaŋ wu kì. Sabu a koŋ mwɔɔnna ji beeni koŋ tenŋ ki wɔ bijɛ mamaan ki ŋuŋ fɛ, Kirinŋ wɔ shɔɔrinŋ wɔ̀ wɔri-i ǹʼgbansanŋ i, koŋ tenŋ bira, ninwɔ̀ i Yesu Kirisa, niŋ nafan ki a so koŋ mwɔɔnna mwɔɔnna sun.

Korɛntitɔnŋ kiri (1) 2:7

Nka yibɛɛ i Kirinŋ wɔ ɲakilitinbi ki sunjo-a konaŋ ki tɛ, niŋ i gonto o, ninwɔ̀ radumaan yɛ juniɲa nu konaŋ kiri sun. Kabi juniɲa tɔnpa ki jɛŋ, Kirinŋ niŋ ma sɔɔ wuru yibɛɛ jɛŋ, nwɔma yibɛɛ i na so awɔ nɔɔri ki kila-i.

Efɛsitɔnŋ kiri 1:11

Kirinŋ yibɛɛ yɛrima kiri ɲaannashi-i, yi i ji awɔ ri Kirisa bira. Mìŋ Kirinŋ wɔ̀ ki i bi kiri bataa ma-a, ŋì i kɛɲɛ a yɛri ki dintɛ bi ki wu, ninki niŋ gbɛbili wuru kabi fɔlɔfɔlɔ,

Efɛsitɔnŋ kiri 1:7

Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Efɛsitɔnŋ kiri 1:9

Ŋì a ciiru gonto ki ji-i yibɛɛ wu, ŋì i ninwɔ̀ gbɛbili wuru, ŋì i kɛɲɛ awɔ shɔɔrinŋ ki wu, Yesu Kirisa baraka ra.

Efɛsitɔnŋ kiri 3:10

Ŋì ncin-i niŋ gonto ki i tɔ dɔɔ, nwɔma bilinatɔnŋ kwuru kiri bira, kirinpɔlila masabi kiri fa sotinbi kiri bataa i ǹʼtɔ, tu ɲakilitinbi Kirinŋ gbɛ finŋ bataa ru.

Kɔlɔsitɔnŋ kiri 2:3

Konanmini i Kirinŋ wɔ ɲakilitinbi ki fa ǹʼwɔ bitɔbi ki bataa kila-a Kirisa ra.

Yodasi 1:25

Ninwɔ̀ i Kirinŋ tenŋ pe ki i, nwɔ̀ ki i yibɛɛ mwutɔnŋ ki i, yibɛɛ Ŋuntiŋ Yesu Kirisa sababu ra, nɔɔri fa gbɛbi fa sotinbi niŋ fa ŋununtinbi ki ji niŋ wɔ, ŋì i shi ǹʼcɛtu ki sun, ŋì i na so dɔnsaŋ sun, niŋ fa waarinŋ bataa ru. Amiina!

Jafinŋ ki 5:12

Yìrì i ǹʼbi-ri faanna tu : « Kí Saanaŋ wɔ̀ kilɛn-i, sotinbi i niŋ wɔ, ǹʼfa fintinbi fa ɲakilitinbi fa faan, gbɛbi i ji ǹʼwɔ, ǹʼfa nɔɔri fa tɔ shɔɔrinŋ. »