Efɛsitɔnŋ kiri 1:7 - Jɔ Biibili ki

⁷ Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Efɛsitɔnŋ kiri 1:7 ပူးပေါင်းရင်းမြစ်များ

Yonasi 4:2

Ntiŋ i ǹʼbi Ŋuntiŋ Kirinŋ tɛ tu : « Míŋ wuru mìŋ ka bi-a, ŋì i míŋ tu ńʼwɔ kɛniŋ ki ru, ŋí i bili tiri-ri Tarisi kili ki ra. Míŋ ǹʼtɔ-i, ńʼtu ábɛɛ shɔɔrintiŋ Kirinŋ niŋ fa sunmakwulupa Kirinŋ i, ábɛɛ tɔnkwulumaŋ di kì, ábɛɛ pwulumaŋ juu á kɔɔtɛ, á i konanmini kiri wɔ bijɛ kiri tu kí tɛ kì.

Matiyu 20:28

Mìŋ ɲaan tenŋ ki tɛ, Koŋ Danshuru ki na ŋuŋ ki tu konaŋ kiri baara ma a tɛ kì, nka ntiŋ na-i baara ma konaŋ kiri tɛ, niŋ fa ntiŋ a yɛri ki ɲini ki wɔri koŋ mwɔɔnna ŋunsan a. »

Matiyu 26:28

sabu míŋ cunŋ ki yɛ, Kirinŋ wɔ tɔnwɔriki cɛ sɔɔ cunŋ ki, ninwɔ̀ kɔnkɔli-i koŋ mwɔɔnna bira, nwɔma kɔ́ɔ́ bijɛ kiri i tu kí tɛ. »

Matiyu 6:12

Á yɔɔ pɔli kiri tu yi tɛ, miŋ tu yibɛɛ i yi gbɛ koŋ pɔlimaan kiri wɔ pɔli kiri tu-a kí tɛ ɲaan wɔ̀ tɛ.

Maraka 14:24

Yesu tu kí tɛ tu : « Ka i míŋ cunŋ ki i, Kirinŋ wɔ tɔnwɔri ki cɛ sɔɔ cunŋ ki. Ǹʼkɔnkɔli-i koŋ mwɔɔnna bira.

Luki 1:77

mɔɔn cinŋ ki a na ji kaa, ŋi i Ŋuntiŋ ki wɔ konanbi ki ɲaan ji-ri, arì mwuka ɲaan ki sun ǹʼgbɛ arɔɔ bijɛ kiri tu ǹʼtɛmaan ki ra.

Luki 24:47

Tu ŋì i tɔnpa Yerusalɛmu, ŋì a na sunjo ntiŋ tɔ ra juniɲa bataa ru, tu konaŋ kiri ntɔri bi arɔɔ bijɛ kiri ra, kí i ji Kirinŋ tɛ, nwɔma ŋì i kɔ́ɔ́ bijɛ kiri tu kí tɛ.

Yuhana 20:23

A ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ, yìrì tu-i ntiŋ tɛ, nka ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ kì, yìrì tu ntiŋ tɛ kì. »

Mabikiri 10:43

Kirinŋ wɔ cintɔnŋ kiri bataa ǹʼbi-i tu koŋ finŋ woo finŋ bili Yesu ra, tu ntiŋ baraka ra Kirinŋ a nintiŋ wɔ bijɛ kiri tu nintiŋ tɛ. »

Mabikiri 2:38

Pyɛɛri i ǹʼnupwulu tu : « Á ntɔri bi áwɔ bijɛ kiri ra, á i na Kirinŋ tɛ, á fɔn bataa tenŋ tenŋ i á wu Yesu Kirisa tɔ ra, nwɔma Kirinŋ i áwɔ bijɛ kiri tu á tɛ. A ábɛɛ niŋ ma, Kirinŋ a Ɲiniwɔlinŋ ki wɔri ábɛɛ tɛ.

Mabikiri 20:28

Á á ɲakili tu á yɛri ra dɛ! Niŋ fa Ɲiniwɔlinŋ ki ábɛɛ sɔɔ saa kwuru wɔ̀ri ŋununu, á i á ɲakili tu nini na. Á á ɲakili tu Kirinŋ wɔ egilisi ki ra, á i ǹʼgbɛrinpaka shɔ, ŋì ninwɔ̀ sa-i a yɛri ki cunŋ ki wu.

Mabikiri 3:19

Niŋ ki ra, á ntɔri bi áwɔ bijɛ kiri ra, á i na Kirinŋ tɛ, nwɔma ŋì i áwɔ bijɛ kiri tu á tɛ.

Ɔrɔmutɔnŋ kiri 2:4

Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa?

Ɔrɔmutɔnŋ kiri 3:24

Nka, Kirinŋ wɔ shɔɔrinŋ ki baraka ra, ŋì i konanmini ji-a koŋ telimaan a, a ɲaanfɛ ǹʼmaan a, sabu Yesu Kirisa kí ŋunsan-i arɔɔ bijɛ kiri bira.

Ɔrɔmutɔnŋ kiri 3:25

Kirinŋ mìntiŋ ji-i saraka a. Koŋ wɔ̀ri bili-i niŋ saraka ki ra, ŋì nini wɔ bijɛ kiri wu san-i kí ra ntiŋ wu. Kirinŋ niŋ ma-i, ŋì i ǹʼji tu afinŋ telimaan a. Sabu waarinŋ fwuudemaan kiri ra, ǹʼwɔ tɔnsunfili ki baraka ra, ŋì i konanmini kiri wɔ bijɛ kiri kɔni kiri sali-li kì. Nka dɔɔ, Kirinŋ ǹʼji-i tu afinŋ telimaan a, ŋì i ɲaan wɔri konanmini tɛ, ntiŋ i ji koŋ telimaan a a ɲaanfɛ, a ntiŋ bili Yesu Kirisa ra.

Ɔrɔmutɔnŋ kiri 9:23

Kirinŋ niŋ ma-i, ŋì i awɔ nɔɔri sinaŋ ki ji kpeeri wu, ŋì nini wɔ̀ri sunmakwulupa-i, ŋì i ji kí ramɔni bo-ri a nɔɔri ki tɛ kabi juniɲa cɛtu ki jɛŋ.

Korɛntitɔnŋ kiri (1) 1:30

Nka Kirinŋ baraka ra ábɛɛ fa Yesu Kirisa i tenŋ i. Kirinŋ Kirisa ji-i yibɛɛ fa ábɔɔ ɲakilitinbi ki fa yɔɔ telibi ki i. Kirinŋ i yibɛɛ ji-a koŋ fɔɔmaan ni i a ɲaanfɛ, ŋì i yi ji awɔ konanbi i, ŋì i yi mwu san-ni bijɛ ki wu Kirisa bira,

Korɛntitɔnŋ kiri (2) 8:9

Sabu, ábɛɛ Ŋuntiŋ Yesu Kirisa wɔ shɔɔrinŋ ki tɔ-i, ninwɔ̀ wuru fintiŋ i, nka ntiŋ ji-i gbɛwɔ ɔ ábɛɛ bira, nwɔma ntiŋ wɔ gbɛwɔbi ki bira ábɛɛ ji finŋ tiŋ ni i.

Efɛsitɔnŋ kiri 1:14

Niŋ Ɲiniwɔlinŋ ki i ǹʼji-a yibɛɛ wu, tu Kirinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ bataa ra ma a ɲaan tɛ, waarinŋ wɔ̀ ru Kirinŋ a na awɔ kiri bataa ŋuniŋ mwu kɔ, nwɔma a nɔɔri sinaŋ ki i gbɛ.

Efɛsitɔnŋ kiri 1:18

Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ.

Efɛsitɔnŋ kiri 1:6

Ŋì niŋ ma-i, nwɔma yibɛɛ i awɔ shɔɔrinŋ ki nɔɔri ki gbɛ, ŋì ninwɔ̀ wɔri-i yibɛɛ tɛ ǹʼgbansanŋ i, awɔ dintɛ daŋ ki bira.

Efɛsitɔnŋ kiri 1:8

Niŋ shɔɔrinŋ ki wɔ̀ ma-i yibɛɛ tɛ ǹʼmwɔɔnna, niŋ i kaa : Kirinŋ bitɔbi fa ɲakilitinbi sinaŋ wɔri-i yi fɔn tenŋ tenŋ tɛ.

Efɛsitɔnŋ kiri 2:4

Nka Kirinŋ wɔ bidintɛbi sinaŋ ki baraka ra, ǹʼyɔ sunmakwulupatɔnŋ sinaŋ i.

Efɛsitɔnŋ kiri 2:7

Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ.

Efɛsitɔnŋ kiri 3:16

ńʼtu ǹʼwɔ Ɲiniwɔlinŋ ki faan fa tɔnnafurubi wɔri ábɛɛ tɛ, ŋì i kɛɲɛ a yɛri ki wɔ nɔɔri sinaŋ ki wu,

Efɛsitɔnŋ kiri 3:8

Mínwɔ̀ i Kirinŋ wɔ wɔlinŋ kiri bataa ru pyaanŋ ki i, Kirinŋ niŋ kafinŋ ki wɔri-i míŋ tɛ, tu míŋ Wulujii ki sunjo shiya tɔri ru konaŋ kiri tɛ, niŋ Wulujii ki i Yesu Kirisa wɔ shɔɔrinŋ kɔbali ki i.

Filipitɔnŋ kiri 4:19

Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Kɔlɔsitɔnŋ kiri 1:14

Ninki ji-i yibɛɛ ŋunsan ki i, yɔɔ bijɛ kiri i tu yi tɛ.

Kɔlɔsitɔnŋ kiri 1:27

Nafan sinaŋ wɔ̀ fa gbɛbi wɔ̀ i niŋ gonto ki ru, shiya kiri bataa kɛlintɛ, Kirinŋ i ji ǹʼtɛ niŋ i tɔ, niŋ i kaa : a Kirisa ji ábɛɛ fan, gbɛbilimaŋ i ábɛɛ ra, á i ji-a de Kirinŋ wɔ nɔɔri ki ru.

Kɔlɔsitɔnŋ kiri 2:13

Ábɛɛ beenimaan wuru-i áwɔ bijɛ kiri fa á firi ki sɔɔpeefɛbali ki bira. Nka Kirinŋ ábɛɛ fa Kirisa ŋmɛni-i ámaŋ fan. Ntiŋ i yibɔɔ bijɛ kiri bataa tu yi tɛ.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Timote (1) 2:6

Ntiŋ a yɛri ji-i saraka a, konaŋ bataa ŋunsan a. Niŋ ma-i, ŋì i kɛɲɛ Kirinŋ dintɛ waaci ki wu, ŋì i ǹʼji tu afinŋ ǹʼtɛ, a i konaŋ kiri bataa mwu.

Tite 2:14

Mìnki a yɛri wɔri-i yibɛɛ bira, ŋì i yi ŋunsan po san bijɛ kwuru ki bataa ru, niŋ fa ŋì i yi ji shiya fɔɔmaan ni i, awɔ bo ru, nwɔma yi i so yi cɛrukɔli-i, yi i baara shɔɔrinŋ ma waarinŋ bataa ru.

Tite 3:6

Kirinŋ niŋ Ɲiniwɔlinŋ ki jɛri-i yibɛɛ sun ǹʼmwɔɔnna yibɛɛ Mwutɔnŋ Yesu Kirisa baraka ra.

Iburu kiri 9:22

Sɛli ki ra, ŋì i kɛɲɛ sariya ki wu, cunŋ i sɔɔ-ra finŋ mwɔɔnna i sunfaa. A cunŋ kɔnkɔli kì, bijɛ ki fani tu-a koŋ tɛ kì.

Pyɛɛri (1) 2:24

Ntiŋ yibɔɔ bijɛ kiri shii ki shi-i a firi ki ru, kpinkpisuu ki sun. Ntiŋ niŋ ma-i, nwɔma ŋì i ji miŋ tu yibɛɛ beeni po san bijɛ ki wɔ jonbi ki fɛ, yi i ɲaninkulutɔnbi ŋunaŋ kila, yi i telibi saa ki shi. Ta wɔ̀ri po-i ntiŋ firi ki sun, niŋ kiri kenebi ki wɔri-i yibɛɛ tɛ.

Pyɛɛri (1) 3:18

Sɛli ki ra, Kirisa yɛrima ki ɲaanfɛkwulu bi kila-i. Ntiŋ beeni-i kaan tenŋ konaŋ bataa wɔ bijɛ kiri ŋunfɛ. Mìntiŋ koŋ telimaan ki beeni-i telibali kiri ŋunfɛ, nwɔma a i na ábɛɛ wu Kirinŋ tɛ. Kí ntiŋ firi ki kilɛn-i, nka ntiŋ ŋmɛni-i Ɲini ki wɔ so ki baraka ra.

Yuhana (1) 2:12

Tiraŋ ni, míŋ i sɛbɛ ka wɔri tiri-ra ábɛɛ tɛ, sabu ábɔɔ bijɛ kiri tu-i á tɛ Yesu Kirisa tɔ ki bira.

Yuhana (1) 2:2

Mìntiŋ ki a yɛri wɔri-i saraka, nwɔma yibɔɔ bijɛ kiri i tu yi tɛ, ntiŋ niŋ ma yibɛɛ bantenŋ wɔ bijɛ kiri bira kì dɛ! Ntiŋ ǹʼma-i juniɲa nu konaŋ ki bataa wɔ bijɛ kiri bira.

Yuhana (1) 4:10

Kirinŋ wɔ bidintɛbi ki i ka ɲaan ka tɛ, ŋì miŋ tu yibɛɛ kiri Kirinŋ bidi yi tɛ kì dɛ! Nka Kirinŋ ki yibɛɛ bidi-i a tɛ. Ŋì a Danshuru ki cin na-i ji saraka, nwɔma yibɔɔ bijɛ kiri i wu san yi ra, yi bi i di a tɛ.

Jafinŋ ki 14:4

Kíbɛɛ ncusun arì i arì yɛri nɔɔ mari bi wu kì, kí yɛri ǹʼtɔ kì. A Saanaŋ ki ta mani finŋ woo finŋ nu, kíbɛɛ i ǹʼpa-a ǹʼcɛfan, sabu Kirinŋ kíbɛɛ ŋunsan-i ŋì i po konaŋ kiri ru, kí i ji koŋ jɔnɔ kiri i, nwɔ̀ri i Kirinŋ fa Saanaŋ ki wɔ ri.

Jafinŋ ki 5:9

Kí i shu ŋunaŋ bɛɛ pɔri-ri tu : « Minki kakan-i sɛbɛ ki mwu ki wu, ŋi i ǹʼtaanshɛ kiri jɔrɔkɔ, sabu, kí minki kilɛn wuru-i, miŋ cunŋ wɔ̀ kɔnkɔli-i, niŋ konaŋ kiri bɛɛ ri ŋunsan-i, kí i ji Kirinŋ wɔ konanbi i, ŋì i po nupo kiri bataa, fa wulu kiri bataa, fa konaŋ ki bataa niŋ fa shiya bataa ru.