Efɛsitɔnŋ kiri 1:6 - Jɔ Biibili ki

⁶ Ŋì niŋ ma-i, nwɔma yibɛɛ i awɔ shɔɔrinŋ ki nɔɔri ki gbɛ, ŋì ninwɔ̀ wɔri-i yibɛɛ tɛ ǹʼgbansanŋ i, awɔ dintɛ daŋ ki bira.

Efɛsitɔnŋ kiri 1:6 ပူးပေါင်းရင်းမြစ်များ

Matiyu 17:5

Ŋì i Pyɛɛri tu wulu ki ra Yesu tɛ, loŋ bɛɛ i na kí sunla, niŋ wuru cucu-a. Kí i wulu bɛɛ rama, ŋì i po niŋ loŋ ki ru tu : « Ka i míŋ dintɛ Danshuru ki i, nwɔ̀ bidi-i míŋ tɛ haali, á á tɔɔnye ǹʼtɛ. »

Matiyu 20:9

Cinŋ matɔnŋ wɔ̀ri na-i sunŋ ki i ji juu-ra kɔ, nini i na, nafulu lakparitɔnŋ ki i warifɔ daŋ tenŋ tenŋ wɔri ta nini tenŋ tenŋ tɛ.

Matiyu 3:17

Mìŋ manaanŋ tenŋ ki ru, wulu bɛɛ i po kirinpɔli ki ra, ŋì i ǹʼbi tu : « Ka i míŋ dintɛ Danshuru ki i, ǹʼbi ki gbɛ-i míŋ gbɛ haali. »

Luki 2:14

« Sobataatiŋ Kirinŋ gbɛ cuunŋ kirinpɔlila mani narimaŋ kiri ru, ɲaanfɛfili i ji pwɔkulinŋ sun ǹʼdintɛtɔnŋ kiri faninmwuŋ. »

Yuhana 10:17

Míŋ bidi-i ńʼTiŋ ki tɛ, sabu míŋ i ńʼɲini ki wɔri-ra, ŋí i ńʼpwulu, ŋí i na ǹʼmwu sɛbɛ.

Yuhana 3:35

Danshuru ki bidi-i Tiŋ ki tɛ, niŋ ki ra, Tiŋ ki i sotinbi ki bataa wɔri ǹʼtɛ finŋ bataa sun.

Ɔrɔmutɔnŋ kiri 8:1

Dɔnsaŋ, nwɔ̀ri fa Yesu i tenŋ i, Kirinŋ a kiti ki fɛɛn nini sun kili kì.

Korɛntitɔnŋ kiri (2) 4:15

Bi finŋ woo finŋ i yibɛɛ kila-a, yibɛɛ i yìrì bataa pa-a yi ra ábɛɛ bira, niŋ ɲaan ki tɛ, Kirinŋ wɔ shɔɔrinŋ ki i so-a koŋ mwɔɔnna sun. A niŋ ma, koŋ mwɔɔnna a baraka bi Kirinŋ tɛ, kí i ǹʼgbɛ.

Korɛntitɔnŋ kiri (2) 5:21

Kirisa wɔ̀ ki bijɛ ma kì, Kirinŋ awɔ kiti ki fɛɛn ninki sun yibɛɛ bijɛmatɔnŋ kiri ta ru, nwɔma yi i ji koŋ telimaan ni i a ɲaanfɛ Kirisa bira.

Efɛsitɔnŋ kiri 1:12

nwɔma yibɛɛ wɔ̀ri ji-i koŋ jɔnɔ kiri i, yi i yi gbɛbilimaŋ ki ji Kirisa, konaŋ ki i yibɛɛ rapwulumaan ki ja ntiŋ gbɛ, kí i ǹʼtɔ, tu ntiŋ fa gbɛ kakan, kí i ntiŋ gbɛ.

Efɛsitɔnŋ kiri 1:14

Niŋ Ɲiniwɔlinŋ ki i ǹʼji-a yibɛɛ wu, tu Kirinŋ bi shɔɔrinŋ finŋ woo finŋ tɔnŋ wɔri yibɛɛ tɛ, tu niŋ bataa ra ma a ɲaan tɛ, waarinŋ wɔ̀ ru Kirinŋ a na awɔ kiri bataa ŋuniŋ mwu kɔ, nwɔma a nɔɔri sinaŋ ki i gbɛ.

Efɛsitɔnŋ kiri 1:18

Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ.

Efɛsitɔnŋ kiri 2:7

Kirinŋ niŋ shɔɔrinŋ ki ma-i yibɛɛ tɛ Yesu Kirisa bira, nwɔma konaŋ kiri i awɔ shɔɔrinŋ ki tɔ waaci naanna kiri ru, niŋ shɔɔrinŋ ki wɔ̀ gbɛ-i, ŋì i mwɔ.

Filipitɔnŋ kiri 1:11

á i áwɔ bi kiri bataa ma-ni telibi wu Yesu Kirisa baraka ra. Niŋ bataa ra ji Kirinŋ gbɛ bi i, niŋ fa nɔɔri i bili ǹʼtɔ ki sun.

Filipitɔnŋ kiri 3:9

niŋ fa míŋ fa ntiŋ i ji yimaŋ fan. Míŋ ńʼwɔ telibi ki ceeli-la ńʼwɔ sariya ki rasɔɔ ki baraka ra kili kì, nka míŋ i ǹʼkila-a, sabu míŋ bili-i Kirisa ra. Niŋ telibi ki i po-a Kirinŋ yɛrima ki ru, sabu míŋ bili-i ǹʼna.

Filipitɔnŋ kiri 4:19

Mɔ́ɔ́n Kirinŋ ki a na ábɛɛ makufinŋ kiri bataa wɔri á tɛ, ŋì i kɛɲɛ ǹʼwɔ fintinbi rafaamaan ki wu Yesu Kirisa baraka ra.

Kɔlɔsitɔnŋ kiri 1:13

Ŋì yibɛɛ mwu san-i mancinŋ ki wɔ faan ki ru, ŋì i yi de a dintɛ Danshuru ki wɔ masabi ki ru.

Pyɛɛri (1) 2:5

Mìŋ ɲaan tenŋ ki tɛ, ábɛɛ yɛrima kiri i miŋ tu kwɔ ɲaninkulutɔnŋ ni i, á ji Ɲiniwɔlinŋ ki wɔ fu ki tan kwɔ ri i, nwɔma á i ji sarakawɔrɔtɔnŋ ni i, á i saraka wɔri Kirinŋ tɛ, nwɔ̀ a di ǹʼtɛ Yesu Kirisa baraka ra.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (1) 4:11

A konwɔtiŋ ji wulubitɔnŋ i, niŋ wulu ki bi ŋì i kɛɲɛ Kirinŋ wɔ wulu ki wu. Nwɔ̀tiŋ ji baara ma-a koŋ tɔri tɛ, ntiŋ niŋ ma ŋì i kɛɲɛ Kirinŋ wɔ faan wɔrimaan ki wu a tɛ, nwɔma gbɛbi i bili Kirinŋ sun, Yesu Kirisa baraka ra bi bataa ra. Nɔɔri fa sotinbi i mìnki wɔ waaci bataa ru. Amiina!