Efɛsitɔnŋ kiri 1:5 - Jɔ Biibili ki

⁵ Kirinŋ niŋ gbɛbili-i ninkunŋ awɔ bidintɛbi ki baraka ra, tu afinŋ a na yibɛɛ ji awɔ rakilidaŋ ni i, Yesu Kirisa bira, ŋì i kɛɲɛ a yɛri ki dintɛ bi ki wu.

Efɛsitɔnŋ kiri 1:5 ပူးပေါင်းရင်းမြစ်များ

Matiyu 1:25

Nka Yusufu fa Mariyamu dɛbɛ kì, fɔ ŋì i ta so nmari jɛri ki sun. Nmari i na jɛri danshuru ra, Yusufu i ǹʼtɔ ki ye tu Yesu.

Matiyu 11:26

Aawe, míŋ Tiŋ, ábɛɛ ǹʼma-i ninkunŋ, sabu ninki ji-i ábɛɛ dintɛ bi ki i. »

Luki 10:21

Niŋ waarinŋ ki ru, Yesu ciiru i di ǹʼmwɔɔnna Ɲiniwɔlinŋ ki baraka ra, ntiŋ i a bo Kirinŋ co sun, ntiŋ tu : « Míŋ Tiŋ, ábɛɛ wɔ̀ i kirinpɔli ki fa pwɔkulinŋ ki sun Ŋuntiŋ ki i, míŋ i baraka bi-a ábɛɛ tɛ, sabu ábɛɛ bi wɔ̀ri radu-i ɲakilitiŋ kiri fa bitɔtɔnŋ kiri sun, ábɛɛ nini ji-i koŋ pyaanŋ kiri wu. Aawe, míŋ Tiŋ, ábɛɛ ǹʼma-i ninkunŋ, sabu ninki ji-i ábɛɛ dintɛ bi ki i. »

Luki 11:32

Kiti kwuru shikaŋ ki ru, Nininfɛtɔnŋ kiri ra na jɔrɔkɔ tu, kí i kiti ki fɛɛn jiintɔnŋ ki sun, sabu kíbɛɛ ntɔri bi-i arɔɔ bijɛ kiri ra, cintɔnŋ Yonasi wɔ Kirinŋ wɔ wulu sunjomaan ki bira, kí i arì pwulu Kirinŋ tɛ. Á ǹʼtɔ tu, koŋ i kwumaŋ jiŋ, nwɔ̀ gbɛ-i Yonasi wu, ábɛɛ i á kaan-ni ntɔri bi áwɔ bijɛ kiri ra. »

Luki 12:32

Niŋ kɔɔtɛ, Yesu i ǹʼbi awɔ kalindaŋ kiri tɛ : « Ábɛɛ wɔ̀aŋ ni i ǹʼpa-a míŋ cɛfan, á fa kɛni kì. Sabu ǹʼdi-i ábɛɛ Tiŋ Kirinŋ ki tɛ, kí i arɔɔ Masabi ki wɔri ábɛɛ tɛ.

Yuhana 1:12

Niŋ fa a fɔn na, nwɔ̀ri ji-i ǹʼtɛ, kí i bili ǹʼna, ŋì so wɔri-i nini bataa tɛ, kí i ji Kirinŋ daŋ ni i.

Yuhana 11:52

Nka niŋ wuru-ra ma kɔ́ɔ́ shiya ki bantenŋ bira kì, Kirinŋ wɔ konanbi wɔ̀ri jeɲe tiri-i juniɲa ki kɛlinŋ ki bataa tɛ, ntiŋ wuru-ra beeni, nwɔma nini bataa i bo arìmaŋ sun, kí i ji finŋ tenŋ i.

Yuhana 20:17

Yesu i ǹʼbi nmari tɛ tu : « Fa ńʼpa sɔɔ tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »

Mabikiri 13:48

Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.

Ɔrɔmutɔnŋ kiri 8:23

Nini bantenŋ bi i kì, yibɛɛ wɔ̀ri Kirinŋ wɔ Ɲiniwɔlinŋ ki kila-i, niŋ i ji yibɛɛ gbɛ Kirinŋ wɔ shɔɔrinŋ jɔnɔ ki i, yibɛɛ yɛrima kiri i yi cɔɔn-na yi ciiru. Kirinŋ a na yibɛɛ ji a daŋ ni i, ŋì i yi firi ki po san jonbi ki ru pewu jibi wɔ̀, yibɛɛ i niŋ jibi ki sunsuu-ra.

Korɛntitɔnŋ kiri (1) 1:1

Míŋ Pooli wɔ̀ dɔri ji-i Yesu Kirisa wɔ cindaŋ i, ŋì i kɛɲɛ Kirinŋ dintɛ bi ki wu, ŋì i bo yi tindaŋ Sɔsitɛni sun,

Korɛntitɔnŋ kiri (1) 1:21

Juniɲa nu konaŋ kiri fa arɔɔ bitɔbi ki sun, kí Kirinŋ wɔ bitɔbi ki mabi ki ja-i, nka kí so ǹʼtɔ-i kì. Sɛli ki ra, yibɛɛ i wulu wɔ̀ sunjo-a, niŋ i ji konaŋ kiri ɲaanna julu la wulu u, Kirinŋ niŋ ji-i mwu saa a, a ra bilinatɔnŋ kiri tɛ.

Korɛntitɔnŋ kiri (2) 6:18

Míŋ a ji ábɛɛ tiŋ ki i, ábɛɛ i ji míŋ danshuru ri fa ńʼdanmari ri i, Ŋuntiŋ ki, Sobataatiŋ ki tu ninkunŋ. »

Galasitɔnŋ kiri 3:26

Sabu ábɛɛ fɔn ji-i Kirinŋ daŋ ni i, Yesu Kirisa bilinabi ki baraka ra.

Efɛsitɔnŋ kiri 1:11

Kirinŋ yibɛɛ yɛrima kiri ɲaannashi-i, yi i ji awɔ ri Kirisa bira. Mìŋ Kirinŋ wɔ̀ ki i bi kiri bataa ma-a, ŋì i kɛɲɛ a yɛri ki dintɛ bi ki wu, ninki niŋ gbɛbili wuru kabi fɔlɔfɔlɔ,

Efɛsitɔnŋ kiri 1:9

Ŋì a ciiru gonto ki ji-i yibɛɛ wu, ŋì i ninwɔ̀ gbɛbili wuru, ŋì i kɛɲɛ awɔ shɔɔrinŋ ki wu, Yesu Kirisa baraka ra.

Filipitɔnŋ kiri 2:13

Sabu Kirinŋ yɛrima ki i faan ki wɔri-ra ábɛɛ tɛ, á i so á tu-i, niŋ fa á i so kila, á i ǹʼdintɛ bi ki ma-ni.

Kɔlɔsitɔnŋ kiri 1:19

Sabu, ǹʼji-i Kirinŋ dintɛ bi, ŋì i a ɲaan ki bataa rafaa mìntiŋ nu.

Tesalonikitɔnŋ kiri (2) 1:11

Niŋ ki ra, yibɛɛ i Kirinŋ nafɛ-a ábɛɛ tɛ waarinŋ bataa ru, nwɔma ŋì ábɛɛ dɔri-i ŋuŋ wɔ̀ ra, ábɛɛ i niŋ nafaa. Yi i ǹʼnafɛ-ri tu ŋì i awɔ sotinbi ki wɔri á tɛ, ábɛɛ ǹʼtɛ á i ǹʼdintɛ bi finŋ woo finŋ fa bilinabi ki ru bi shɔɔrinŋ finŋ woo finŋ ma, á i so niŋ ma-i, á i ǹʼnafaa.

Iburu kiri 2:4

Kirinŋ yɛrima ki i ǹʼji tu kɔ́ɔ́ wulu kiri sɛli i, ŋì i niŋ ji taanmashɛ ri fa botɔnsunbi ri fa kabakobi kwuru mwɔɔnna ni wu. Ŋì i kafinŋ ni wɔri kí tɛ Ɲiniwɔlinŋ ki baraka ra, ŋì i kɛɲɛ a dintɛ bi ki wu.

Yuhana (1) 3:1

Míŋ tindaŋ ni, ábɛɛ ǹʼshɛɛli, yibɛɛ bidi-i Kirinŋ tɛ, fɔ ŋì i yi dɔri-ri tu a daŋ ni! Sɛli yɛ, yibɛɛ ji-i ǹʼdaŋ ni i ncinŋ, niŋ ki ra, ka juniɲa ka ru tɔnŋ kiri so-a yibɛɛ tɔ-i kì, sabu kí Kirinŋ tɔ-a kì.

Jafinŋ ki 21:7

So kilatɔnŋ ki bataa wɔ kani ki i kaa : míŋ a ji ntiŋ wɔ Kirinŋ ki i, ntiŋ i ji míŋ daŋ i.