Efɛsitɔnŋ kiri 1:4 - Jɔ Biibili ki

⁴ Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ.

Efɛsitɔnŋ kiri 1:4 ပူးပေါင်းရင်းမြစ်များ

Matiyu 24:22

A niŋ cɔɔri kiri waaci kiri ji wuru rabwunu-ni kì, koŋ wuru-ra a mwu kì. Nka Kirinŋ nwɔ̀ri ɲaannashi-i, ŋì niŋ cɔɔri kiri waaci kiri rabwunu-i nini bira.

Matiyu 24:24

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma arì i konaŋ ki bataa fɔni, fɔ ŋì i ta bo Kirinŋ wɔ konanbi ki sun, a kí ji wuru-ra so niŋ na kɔniŋ.

Matiyu 24:31

Koŋ Danshuru ki a na awɔ mɛlɛkɛn kiri cin bwuru fyɛ wulu sinaŋ wu, yìrì i ǹʼwɔ koŋ ɲaannashimaan kiri rakɔli bo arìmaŋ sun, ŋì i po juniɲa nɔnkɔnŋ pyiiraŋ ki ra. »

Matiyu 25:34

Nwɔ̀ri i ntiŋ pantɛ, masa ki a na ǹʼbi nini tɛ tu : ‹ Á na, míŋ Tiŋ Kirinŋ wɔ juba ki i ábɛɛ wɔ̀ri tɛ. Kirinŋ masabi wɔ̀ ramɔni-i kabi juniɲa cɛtu waari ki ru, á na niŋ shi kani.

Yuhana 10:16

Saa tɔri ri i míŋ gbɛ, nini ka saa fu ka ru kì. Míŋ kakan-i ŋí i nini nakɔli na sɛbɛ. Yìrì ra na míŋ wulu lama, yìrì i ji saa kwuru tenŋ i, faa tenŋ i ji yìrì ra.

Yuhana 15:16

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Yuhana 17:24

Yesu tu sɛbɛ tu : « Míŋ Tiŋ, ábɛɛ kí wɔri-i míŋ tɛ, ǹʼdi-i míŋ tɛ míŋ fa kí i ji mani tenŋ nu, nwɔma ábɛɛ nɔɔri wɔ̀ wɔri-i míŋ tɛ, kí i niŋ ja, sabu ábɛɛ míŋ bidi-i á tɛ juniɲa cɛtu ki jɛŋ.

Mabikiri 13:48

Shiya tɔri kiri niŋ wulu ki rama-i waarinŋ wɔ̀ ru, kí bataa ciiru i di, kí i Ŋuntiŋ ki wɔ wulu ki gbɛ-ri. Kirinŋ koŋ wɔ̀ri ɲaannashi wuru, nwɔma kí i ɲaninkulutɔnbi kɔbali ki kila, nini bataa i bilinabi ki ma Yesu ra.

Mabikiri 15:18

míŋ nini wɔ̀ri gbɛbili-i kabi fɔlɔfɔlɔ. › »

Mabikiri 18:10

sabu koŋ mwɔɔnna i kili ka ru, nwɔ̀ri ra na ji mɔ́ɔ́n konanbi i. Míŋ i miŋ fan, koŋ tɔri tenŋ a so a bo-i miŋ sun, ntiŋ i bijɛ ma miŋ wu kì. »

Ɔrɔmutɔnŋ kiri 8:33

Nkɛnŋ a so kiti ki kwuru-i Kirinŋ wɔ koŋ ɲaannashimaan kiri sun? Sabu Kirinŋ yɛrima ki i jii wɔri-ra kí tɛ.

Korɛntitɔnŋ kiri (1) 1:8

Mìŋ Kirinŋ tenŋ ki a ábɛɛ pa tuka shɔ, fɔ ŋì i ta so waaci rakɔɔra kiri sun, nwɔma pɔlimaŋ fa na kila á ra, yibɛɛ Ŋuntiŋ Yesu Kirisa na shikaŋ ki ru kì.

Galasitɔnŋ kiri 5:13

Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i.

Galasitɔnŋ kiri 5:22

Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi,

Galasitɔnŋ kiri 5:6

Sabu yibɛɛ wɔ̀ri bili-i Yesu Kirisa ra, nʼsɔɔpeefɛ woo, nʼsɔɔpeefɛ kì woo, niŋ bi sinaŋ i kì. Nwɔ̀ ki i bi sinaŋ ki i, niŋ i bilinabi i, nwɔ̀ i yibɛɛ po-a bi kiri ma sun bidintɛbi wu.

Efɛsitɔnŋ kiri 2:10

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Efɛsitɔnŋ kiri 3:17

niŋ fa tu Yesu i so sɔɔ ábɛɛ ciiru tɔnŋ kiri ra bilinabi ki bira, nwɔma á banbamaan i tu bidintɛbi ki ra ɲaan bataa tɛ.

Efɛsitɔnŋ kiri 4:2

á i á yɛri sunjɛri bi bataa ra, á i á tɔnsunfili ámaŋ tɛ, á i ji koŋ nduujii ri i, á i ámaŋ wɔ bi kwun ámaŋ nu bidintɛbi wu.

Efɛsitɔnŋ kiri 5:2

Ábɛɛ mabi kiri bataa ru, á á kaashi ki bidi á tɛ ǹʼbataa ru, miŋ tu Kirisa i ábɛɛ bidi-a a tɛ ɲaan wɔ̀ tɛ, ŋì a yɛri ki wɔri-i saraka Kirinŋ tɛ yibɛɛ ŋunfɛ, niŋ fani i di Kirinŋ tɛ.

Efɛsitɔnŋ kiri 5:27

Ŋì niŋ ma-i, nwɔma bilinatɔnŋ kwuru ki nɔɔritiŋ i so tu-i afinŋ ɲaanfɛ, nɔɔmaŋ walima mɔrɔmɔrɔmaŋ walima niŋ bishi fa ja ǹʼna kì, nka ǹʼfɔɔmaan fa ǹʼpɔlibali i ji-i.

Filipitɔnŋ kiri 2:15

nwɔma á i ji koŋ fɔɔmaan pɔlibali li i, Kirinŋ daŋ pɔlibali li ka juniɲa ka ru koŋ kɛrimaan tɔɔnnufuru kiri kanfɛ. Á ncusun á sarinŋ ki i cu kí kanfɛ, miŋ tu lanpaŋ sarinŋ.

Kɔlɔsitɔnŋ kiri 1:22

Nka dɔnsaŋ, ábɛɛ fa Kirinŋ faninmwuŋ ki ramɔni-i a Danshuru ki wɔ konanminibi firi ki beŋ ki baraka ra, nwɔma ábɛɛ wu fɔɔmaan fa á pɔlibali i na afinŋ tɛ.

Kɔlɔsitɔnŋ kiri 2:2

Míŋ i niŋ bataa ma-a, nwɔma nini i cunadibi kila, kí i fu tenŋ sun bidintɛbi ki baraka ra, Kirinŋ i shɔɔrinŋ ma kí tɛ, ŋì i ɲakilitinbi shɔɔrinŋ wɔri kí tɛ, kí i so awɔ gonto radumaan ki tɔ-i, ninwɔ̀ i Kirisa.

Kɔlɔsitɔnŋ kiri 3:12

Á ǹʼtɔ, tu Kirinŋ ábɛɛ ɲaannashi, á i ji awɔ konanbi wɔlinŋ i, á bi i ji di ǹʼtɛ kusɛbɛ. Niŋ ki ra, ábɛɛ yɛrima kiri ámaŋ sunmakwulupa, á i bi shɔɔrinŋ ma-ni ámaŋ tɛ, á i á sunjɛri ámaŋ tɛ, á i á tɔnsunfili ámaŋ tɛ, á i ámaŋ sunduuduu.

Tesalonikitɔnŋ kiri (1) 3:12

Bidintɛbi wɔ̀ i ábɛɛ faninmwuŋ niŋ fa koŋ tɔri kiri kɛlintɛ, Ŋuntiŋ ki mwɔɔnna bo niŋ sun á gbɛ, miŋ tu yibɛɛ ábɛɛ bidi-i yi tɛ ɲaan tɛ.

Tesalonikitɔnŋ kiri (1) 4:7

Sabu, Kirinŋ yibɛɛ dɔri tu yi ji koŋ nɔɔmaan ni i kì, nka ŋì yibɛɛ dɔri-i, tu yi ji wɔlinŋ ni i.

Timote (2) 1:9

Mìnki yibɛɛ mwu-i, ŋì i yi dɔri, yi i ji awɔ konanbi i. Yibɔɔ mabi shɔɔrinŋ ncin ŋì i niŋ ma kì, nka ŋì niŋ ma-i, ŋì i kɛɲɛ awɔ bi gbɛbilika ɲaan ki fa awɔ shɔɔrinŋ ki wu, ŋì ninwɔ̀ wɔri-i yibɛɛ tɛ Yesu Kirisa bira juniɲa cɛtu ki jɛŋ.

Timote (2) 2:10

Niŋ ki ra, míŋ i bi bataa pa-ri ńʼna Kirinŋ wɔ koŋ ɲaannashimaan kiri bira, nwɔma nini yɛrima kiri i so arì mwu-i Yesu Kirisa baraka ra, niŋ fa kí i gbɛbi kɔbali ki kila.

Timote (2) 2:19

Niŋ fa a fɔn na, Kirinŋ bi wɔ̀ cɛ sɔɔ-ɔ, niŋ i tu-a a ta ru. Ka wulu kari sɛbɛ-i niŋ bi sun, tu : « Ŋuntiŋ ki i awɔ kiri tɔ-a. » Niŋ fa tu : « Koŋ finŋ woo finŋ ǹʼbi-a tu afinŋ Ŋuntiŋ ki wɔ, nintiŋ i a kanŋ po san-a bi kɛrimaan kiri ru. »

Yakuba 2:5

Míŋ tindaŋ byii ri, á á tɔɔnye míŋ tɛ : Kirinŋ ka juniɲa ka ru gbɛwɔ kiri ɲaannashi-i, nwɔma a i kí ji fintiŋ ni i, Kirinŋ wɔ Masabi ki ru, arɔɔ bilinabi ki baraka ra kì wa? Ŋì a tɔnŋ wɔri-i niŋ masabi ki bira kpeeri tɛ, nwɔ̀ri ǹʼbidi-i arì tɛ.

Pyɛɛri (1) 1:2

Tiŋ Kirinŋ ábɛɛ ɲaannashi-i kabi fɔlɔfɔlɔ, ŋì i kɛɲɛ awɔ bi gbɛbilika ɲaan ki wu, ŋì i á ji koŋ wu fɔɔmaan ni i Ɲiniwɔlinŋ ki baraka ra, nwɔma ábɛɛ i Yesu Kirisa wulu pa, ǹʼcunŋ kɔnkɔlimaan ki i á wu. Kirinŋ shɔɔrinŋ ma á tɛ, ŋì i ɲaanfɛfili wɔri á tɛ ǹʼmwɔɔnna!

Pyɛɛri (1) 1:20

Kirinŋ ntiŋ ɲaannashi wuru-i kabi juniɲa namɔni ki jɛŋ. Dɔnsaŋ waaci rakɔɔra ka ru, ntiŋ i a ji-a juniɲa wu ábɛɛ kiri bira.

Pyɛɛri (1) 2:9

Nka, ábɛɛ kɔniŋ i Kirinŋ wɔ shiya ɲaannashimaan a, á i ji sarakawɔrɔtɔnŋ masa ri i, niŋ fa shiya wɔlinŋ i, Kirinŋ nwɔ̀ ŋunsan-i, nwɔma ábɛɛ i awɔ shɔɔrinŋ mamaan kiri sunjo, afinŋ wɔ̀ ki ábɛɛ cɛɛn po san-i mancinŋ ki ru, a i na á wu awɔ manisarinŋ jii ki ru.

Pyɛɛri (2) 3:14

Niŋ ki ra, ńʼwɔ wɔshuru byii ri, ŋì i ábɛɛ tu niŋ sunsuu ki ra, á á banba á fɔɔmaan fa á pɔlibali i kila Kirinŋ ɲaanfɛ, ɲaanfɛfili ciiru.

Yuhana (1) 4:16

Tiŋ Kirinŋ i yibɛɛ bidi-a a tɛ ɲaan wɔ̀ tɛ, yibɛɛ niŋ tɔ-i, yi fani i ji bili ǹʼna. Kirinŋ i bidintɛbi i. Bidintɛ bi ki faa koŋ woo koŋ nu, nintiŋ i Kirinŋ fan, Kirinŋ i ji ntiŋ fan sɛbɛ.

Jafinŋ ki 13:8

Pwɔkulinŋ sun konaŋ ki bataa ra na kpalinŋ ka gbɛ, duu nwɔ̀ri tɔ ki sɛbɛ-i Saanaŋ kilɛnmaan ki wɔ ɲaninkulutɔnbi sɛbɛ ki ru, kabi juniɲa cɛtu waaci ki ru.

Jafinŋ ki 17:8

Miŋ kpalinŋ wɔ̀ ja-i, ǹʼwuru nmaŋ fɔlɔfɔlɔ, nka dɔnsaŋ, ŋì nmaŋ kili kì. Ŋì a na tunpa po yiri kukuta sinaŋ ki ru, ŋì i tiri a halikimaŋ ki ru. Kabi juniɲa po waaci ki ru, koŋ wɔ̀ri tɔ ki sɛbɛ-ri ɲaninkulutɔnbi sɛbɛ ki ru kì, a nini na kpalinŋ ka ja, ŋì a bo kí tɔnŋ sun, sabu ǹʼwuru nmaŋ fɔlɔ, nka dɔnsaŋ ŋì nmaŋ kili kì. Nka ŋì i faa-ra a pwulu na sɛbɛ.